ვიწყებთ ახალ, ძალიან მასშტაბურ პროექტს, რომლის ფარგლებშიც, აშენდება 43 კორპუსი და ბინები გადაეცემა 1 200 სამხედრო მოსამსახურეს, ეს არის სამხედრო მოსამსახურეების მიმართ ჩვენი უდიდესი პატივისცემის გამოხატულება, – ამის შესახებ საქართველოს პრემიერ-მინისტრმა, ირაკლი კობახიძემ მთავრობის დღევანდელ სხდომაზე განაცხადა.

პრემიერის თქმით, ასეთი ინიციატივები გააუმჯობესებს სამხედრო მოსამსახურეების და მათი ოჯახების სოციალურ პირობებს, გაზრდის სამხედრო სამსახურში ჩართვის სურვილს და გააძლიერებს ქართულ ჯარს.

მთავრობის მეთაურმა სამხედრო მოსამსახურეებისთვის საბინაო პროექტის ახალი ეტაპის დასაწყებად სწრაფი რეაგირებისა და გეგმის წარმოდგენისთვის თავდაცვის მინისტრს მადლობა გადაუხადა.

„თანამონაწილეობის პრინციპის საფუძველზე, სამხედრო მოსამსახურეები კვადრატულ მეტრზე მხოლოდ 100 აშშ დოლარს გადაიხდიან და ამის დასაფარად უპროცენტო შიდა განვადება იმოქმედებს. ბინები განაწილდება სულადობის პრინციპის შესაბამისად, სამხედროები 50, 80 და 110 კვ.მ. ბინებს მიიღებენ. მომავალშიც გაგრძელდება ეს პროექტი, ამას უზრუნველყოფს ჩვენი ახალი თავდაცვის კოდექსი და ბუნებრივია, ასეთი ინიციატივები გააუმჯობესებს სამხედრო მოსამსახურეების და მათი ოჯახების სოციალურ პირობებს, აამაღლებს სამხედროების მოტივაციას და  გაზრდის სამხედრო სამსახურში ჩართვის სურვილს, ზოგადად კი ეს ყველაფერი გააძლიერებს ქართულ ჯარს, რაც არის ჩვენი ერთ-ერთი უმთავრესი პრიორიტეტი“,- განაცხადა პრემიერმა.

საქართველოს პრემიერ-მინისტრმა, ირაკლი კობახიძემ მოსწავლეებსა და სტუდენტებს ახალი სასწავლო წლის დაწყება მიულოცა.

როგორც მთავრობის მეთაურმა აღნიშნა, წარმატებული სწავლა არის ცხოვრებაში წარმატების მიღწევის ყველაზე მყარი საფუძველი.

„მოსწავლეებსა და სტუდენტებს მინდა, მივულოცო ახალი სასწავლო წლის დაწყება. განსაკუთრებით მივულოცავ პირველ კლასელებს და პირველ კურსელებს ახალი, ძალიან მნიშვნელოვანი ეტაპი იწყება მათ ცხოვრებაში და ყველას მინდა ვუსურვო წარმატებები. წარმატებული სწავლა არის ცხოვრებაში წარმატების მიღწევის ყველაზე მყარი საფუძველი. აქედან გამომდინარე, ყველა ვუსურვებ ძალიან დიდი წარმატებებს სწავლაში.

ასევე პედაგოგებს მინდა, მივულოცო ახალი სასწავლო წლის დაწყება. ამ თემას უკავშირდება და მინდა, მოგახსენოთ, რომ აქტიურად ვმუშაობთ სასკოლო ინფრასტრუქტურის შემდგომი გაუმჯობესების მიმართულებით“,- განაცხადა ირაკლი კობახიძემ.

საქართველოს სკოლებში ახალი სასწავლო წელი დაიწყო. აღნიშნულთან დაკავშირებით განათლების, მეცნიერებისა და ახალგაზრდობის მინისტრი გიორგი ამილახვარი თბილისის 160-ე საჯარო სკოლას ეწვია და მასწავლებლებსა და მოსწავლეებს სწავლის დაწყება მიულოცა.

მინისტრმა, თბილისის მუნიციპალიტეტის საკრებულოს თავმჯდომარე გიორგი ტყემალაძესთან და საკრებულოს წევრ ვლადიმიერ ბოჟაძესთან ერთად, სკოლის ინფრასტრუქტურა და განახლებული შენობა დაათვალიერა, რომლის სრული რეაბილიტაცია მიმდინარე წლის სექტემბერში დასრულდა.

განათლების სამინისტროს ინფორმაციით,1100 მოსწავლეზე გათვლილი თბილისი 160-ე საჯარო სკოლის სრული რეაბილიტაცია სსიპ საგანმანათლებლო და სამეცნიერო ინფრასტრუქტურის სააგენტომ განახორციელა. რეაბილიტირდა ფასადი, სახურავი, სველი წერტილები, სასწავლო და ადმინისტრაციული ოთახები, დერეფნები, კიბის უჯრედები, ბიბლიოთეკა, სააქტო დარბაზი, შიდა და გარე სპორტული მოედნები. პროექტის ფარგლებში დასრულდა გათბობის, წყალ-საკანალიზაციო, ელექტრო გაყვანილობის სისტემა.

„მნიშვნელოვანია, რომ მიმდინარე წლის სექტემბერ-ოქტომბერში 60 საჯარო სკოლის სრული რეაბილიტაცია დასრულდება, ხოლო წლის ბოლომდე კიდევ 100-მდე საჯარო სკოლის მშენებლობა/ სრული რეაბილიტაცია. აღნიშნული ინფრასტრუქტურული პროექტების განხორციელების შედეგად 28 147 მოსწავლე სწავლას განახლებულ, საერთაშორისო სტანდარტების შესაბამის, გარემოში გააგრძელებს.

ამასთან, 2024 წლის შემოდგომაზე გამოცხადდება სახელმწიფო შესყიდვა 15 საჯარო სკოლის მშენებლობის პროექტირებაზე და 23 სკოლის სრულ რეაბილიტაციაზე.

მნიშვნელოვანია, რომ რეაბილიტაციისა და ახალი სკოლების მშენებლობის დროს გათვალისწინებულია მათი აღჭურვა თანამედროვე სტანდარტების შესაბამისად.

2024-2025 სასწავლო წელს, რეგიონის სკოლების მხარდაჭერის ფარგლებში, განათლების მიღების ხელმისაწვდომობის გაზრდის მიზნით, მოსწავლეებისთვის გრძელდება ტრანსპორტირების პროგრამა.

2024-2025 სასწავლო წელს სკოლები სიახლეებით ხვდებიან – განათლების, მეცნიერებისა და ახალგაზრდობის სამინისტროს გადაწყვეტილებით, პირველ კლასში დარეგისტრირების შესაძლებლობა მიეცათ ბავშვებს, რომლებსაც 6 წელი 1-ელ დეკემბრამდე შეუსრულდებათ.

ახალი სასწავლო წლისთვის საქართველოს სკოლებში 50 000-ზე მეტმა პირველკლასელმა დაიწყო სწავლა. პირველკლასელთა რეგისტრაციის წესში განხორციელებული ცვლილების საფუძველზე, დამატებით კიდევ 7000-მდე ბავშვს მიეცა სკოლაში დარეგისტრირების შესაძლებლობა. პირველკლასელთა გაზრდილი რაოდენობის გათვალისწინებით, სამინისტრომ დამატებით უზრუნველყო სკოლების შესაბამისი საგანმანათლებლო რესურსითა და ინვენტარით აღჭურვა.

საჯარო სკოლების ყველა მოსწავლე კვლავ უზრუნველყოფილია წიგნებითა და რვეულებით. ახალი სასწავლო წლისთვის საქართველოს საჯარო სკოლების პირველკლასელებმა და დამრიგებლებმა მიიღეს პორტაბელური კომპიუტერები.

აღსანიშნავია, რომ 2024 წლის პირველი ივლისიდან მოქმედებს მასწავლებლების შრომის ანაზღაურების ახალი სახელფასო სისტემა, რომლის მთავარი პრინციპი სკოლებში ხარისხიანი განათლების უზრუნველსაყოფად სამართლიანი, გამჭვირვალე ანაზღაურების სისტემის შექმნაა. ახალი სახელფასო სისტემის ფარგლებში მასწავლებლის ანაზღაურება უპრეცედენტოდ გაიზარდა. კერძოდ, საჯარო სკოლის ყველა სტატუსიან მასწავლებელს და სპეციალურ მასწავლებელს ხელფასი საშუალოდ 500 ლარით გაეზარდა“,-აღნიშნულია განათლების სამინისტროს ინფორმაციაში.

გიორგი ამილახვარმა მოსწავლეებს, პედაგოგებსა და მშობლებს ახალი სასწავლო წლის დაწყება მიულოცა. შესაბამისი განცხადება განათლების, მეცნიერებისა და ახალგაზრდობის მინისტრმა თბილისის რეაბილიტირებულ 160-ე სკოლაში სტუმრობისას გააკეთა.

„მინდა დღეს მთლიანად საქართველოს და განსაკუთრებით 50 ათასზე მეტ პირველკლასელს მივულოცო სწავლის დაწყება, მათ მშობლებს, მთლიანად სკოლის მოსწავლეებსა და პედაგოგებს.

დღეს იწყება ახალი სასწავლო წელი და გვაქვს უამრავი სიახლე. ახლა გავხსენით პრაქტიკულად სრულიად განახლებული, რეაბილიტირებული გლდანის 160-ე სკოლა, სადაც 1100-ზე მეტი ბავშვი სწავლობს, რაც 5 მილიონ ლარამდე დაჯდა. მიმდინარეობს ასევე მასშტაბური ინფრასტრუქტურული პროექტები მთელს ქვეყანაში და ეს სასწავლო წელი ნამდვილად გამორჩეულია სიახლეებით. მხოლოდ სექტემბრის ბოლომდე გაიხსნება 60 მსგავსი ახალი დიდი სკოლა ქვეყნის მასშტაბით და წლის ბოლომდე პრაქტიკულად 100 ახალი სკოლა გვექნება სისტემაში დასრულებული, განახლებული, სრულად აღჭურვილი თანამედროვე ინვენტარით, რომელიც 30 ათასამდე მოსწავლეს მოემსახურება.

ასევე, რა თქმა უნდა სრულად არის უზრუნველყოფილი საჭიროების მიხედვით ტრანსპორტირება, ასევე სახელმძღვანელოები და ბუქები გადაეცა ყველა პირველკლასელს“, – აღნიშნა მინისტრმა.

ვერ­ძი

იყა­ვით მე­ტად კო­მუ­ნი­კა­ბე­ლუ­რი და ცნო­ბის­მოყ­ვა­რე, გა­მო­ი­ჩი­ნოთ ინ­ტე­რე­სი ყვე­ლაფ­რის მი­მართ, რაც თქვენ გარ­შე­მო ხდე­ბა. გაქვთ სა­ინ­ტე­რე­სო ადა­მი­ა­ნე­ბის გაც­ნო­ბის შან­სი. მე­გობ­რებ­თან ან ნა­თე­სა­ვებ­თან შეხ­ვედ­რა, რომ­ლე­ბიც დიდი ხა­ნია არ გი­ნა­ხავთ, სა­სი­ა­მოვ­ნო იქ­ნე­ბა.

კურო

იყა­ვით მოქ­ნი­ლი და მო­ერ­გეთ ცვა­ლე­ბად გა­რე­მო­ე­ბებს, რათა ისარ­გებ­ლოთ შე­საძ­ლებ­ლო­ბე­ბით თქვენს კა­რი­ე­რა­ში ან პი­რად ცხოვ­რე­ბა­ში. კარ­გი დღე გე­ლით, თუ არ იქ­ნე­ბით ძა­ლი­ან აქ­ტი­უ­რი და და­ჟი­ნე­ბუ­ლი. მეტი დრო გა­ა­ტა­რეთ საყ­ვა­რელ ადა­მი­ა­ნებ­თან, და­ის­ვე­ნეთ ოჯახ­თან ერ­თად.

ტყუ­პი

შე­ე­ცა­დეთ არ გა­ა­კონ­ტრო­ლოთ ის, რაც დღეს ხდე­ბა, მაგ­რამ იყა­ვით საქ­მის კურ­სში რაც ხდე­ბა თქვენ გარ­შე­მო. შეხ­ვდით საყ­ვა­რელ ადა­მი­ა­ნებს, წა­დით სტუმ­რად. მარ­ტი­ვი, სა­სი­ა­მოვ­ნო კო­მუ­ნი­კა­ცია და­გეხ­მა­რე­ბათ აღიდ­გი­ნოთ ენერ­გია.

კირჩხი­ბი

ემო­ცი­უ­რად რთუ­ლი დღეა. დღეს არა­ფე­რი შეც­ვა­ლოთ ცხოვ­რე­ბა­ში და არ და­ი­წყოთ ახა­ლი საქ­მე­ე­ბი. ასე­ვე შე­ზღუ­დეთ კონ­ტაქ­ტე­ბი. ჯო­ბია მეტი დრო გა­ა­ტა­როთ მარ­ტომ, და­ფიქ­რდეთ, რო­გორ შეც­ვა­ლოთ ცხოვ­რე­ბა უკე­თე­სო­ბის­კენ. და­უთ­მეთ დრო თქვენს საყ­ვა­რელ საქ­მი­ა­ნო­ბას. ან უბ­რა­ლოდ ტე­ლე­ვი­ზო­რის წინ და­ის­ვე­ნეთ.

ლომი

გა­ა­ტა­რეთ დღე მხი­ა­რულ წვე­უ­ლე­ბა­ზე. სი­ნა­ნუ­ლის გა­რე­შე უნდა წა­შა­ლოთ თქვე­ნი ცხოვ­რე­ბი­დან ყვე­ლა­ფე­რი მოძ­ვე­ლე­ბუ­ლი და ნე­გა­ტი­უ­რი. შე­დე­გად მი­ი­ზი­დავთ ცვლი­ლე­ბებს, გა­უ­თა­ვი­სუფ­ლეთ ად­გი­ლი ახალ­სა და სა­ინ­ტე­რე­სოს.

ქალ­წუ­ლი

დღეს გსურთ ნა­თე­ლი შთა­ბეჭ­დი­ლე­ბე­ბი და ძლი­ე­რი ემო­ცი­ე­ბი. ნუ იჯ­დე­ბით სახ­ლში, წა­დით პა­ე­მან­ზე, შეხ­ვდით ძველ მე­გობ­რებს. სა­სარ­გებ­ლოა ურ­თი­ერ­თო­ბე­ბის მო­წეს­რი­გე­ბა, იმის მო­შო­რე­ბა, რაც წარ­სულ­ში გაბ­რუ­ნებთ. გულ­წრფე­ლი სა­უ­ბა­რი თქვენს საყ­ვა­რელ ადა­მი­ან­თან სა­შუ­ა­ლე­ბას მოგ­ცემთ გა­აძ­ლი­ე­როთ ურ­თი­ერ­თო­ბა.

სას­წო­რი

კარ­გი იდეა დას­ვე­ნე­ბი­სა და გა­მო­ჯან­მრთე­ლე­ბის­თვის. გა­ა­ტა­რეთ დღე მშვი­დად, სა­სი­ა­მოვ­ნოდ და შე­ას­რუ­ლეთ მსუ­ბუ­ქი სა­ში­ნაო და­ვა­ლე­ბა. სა­უბ­რებს შე­იძ­ლე­ბა დიდი დრო დას­ჭირ­დეს. სა­ღა­მოს მო­ა­წყვეთ რო­მან­ტი­კუ­ლი პა­ე­მა­ნი.

მო­რი­ე­ლი

შე­საძ­ლე­ბე­ლია მე­გობ­რებ­მა სი­ურპრი­ზის გა­კე­თე­ბის გა­და­წყვი­ტონ მო­უ­ლოდ­ნე­ლად გეს­ტუმ­რონ. თქვე­ნი სა­ინ­ტე­რე­სო იდე­ე­ბი და­გეხ­მა­რე­ბათ იპო­ვოთ თა­ნა­მო­აზ­რე ადა­მი­ა­ნე­ბი თქვენს ახლო წრე­ში. დღეს არ გა­გი­ჭირ­დე­ბათ სე­რი­ო­ზუ­ლი, რთუ­ლი სა­კი­თხის მოგ­ვა­რე­ბა.

მშვილ­დო­სა­ნი

დღეს გა­რე­მო­ე­ბე­ბი ხში­რად შე­იც­ვლე­ბა და მო­გი­წევთ იმპრო­ვი­ზა­ცია. წარ­მა­ტე­ბა გე­ლით, თუ არ ინერ­ვი­უ­ლებთ და არ გა­ი­ფუ­ჭებთ გან­წყო­ბას. ეცა­დეთ, არ იყოთ სტრეს­ში და არ შე­ე­ჭი­დოთ რთულ სა­კი­თხებს.

თხის რქა

შე­ზღუ­დეთ სა­მუ­შაო კონ­ტაქ­ტე­ბი და ეცა­დეთ დღეს არ იფიქ­როთ სამ­სა­ხურ­ზე. მნიშ­ვნე­ლო­ვა­ნია სახ­ლის მშვიდ გა­რე­მო­ში დას­ვე­ნე­ბა და გა­დატ­ვირ­თვა. შე­საძ­ლოა, რთუ­ლი არ­ჩე­ვა­ნის გა­კე­თე­ბამ მო­გი­წი­ოთ, მაგ­რამ სა­ბო­ლოო გა­და­წყვე­ტი­ლე­ბის მი­ღე­ბა სჯობს გა­და­დოთ სხვა დღის­თვის, როცა მეტ ინ­ფორ­მა­ცი­ას მი­ი­ღებთ.

მერ­წყუ­ლი

დღე არ არის შე­სა­ფე­რი­სი სა­მუ­შაო ან მნიშ­ვნე­ლო­ვა­ნი სა­კი­თხე­ბის­თვის: გი­ჭირთ კონ­ცენ­ტრი­რე­ბა და რა­ცი­ო­ნა­ლუ­რად აზ­როვ­ნე­ბა. მეტი დრო და­უთ­მეთ დას­ვე­ნე­ბას და სა­სი­ა­მოვ­ნო საზ­რუ­ნავს. დღეს აჩ­ქა­რე­ბა გა­მო­იწ­ვევს იმედ­გაც­რუ­ე­ბას და შეც­დო­მებს, ამი­ტომ რა­საც არ უნდა აკე­თებ­დეთ, იმოქ­მე­დეთ კომ­ფორ­ტუ­ლი ტემ­პით.

თევ­ზე­ბი

დღეს გა­ა­კე­თეთ ისე­თი რამ, რაც მოგ­წონთ და რაც და­გეხ­მა­რე­ბათ ძა­ლე­ბის აღ­დგე­ნა­ში. დიდ­ხანს დარ­ჩით სა­წოლ­ში ან წა­დით მე­გობ­რებ­თან ერ­თად სა­ინ­ტე­რე­სო ად­გი­ლას. თუ რა­ი­მე სა­მუ­შაო გაქვთ გა­სა­კე­თე­ბე­ლი, მო­ემ­ზა­დეთ, რომ ჩვე­უ­ლებ­რივ­ზე მეტი ძა­ლის­ხმე­ვა და­ხარ­ჯოთ შე­დე­გის მი­საღ­წე­ვად.