პრეზიდენტის ადმინისტრაციაში აცხადებენ, რომ საქართველოს პრეზიდენტი სალომე ზურაბიშვილი დღეს ნიკა გილაურს შეხვდა. თუმცა პრეზიდენტის ადმინისტრაციის პრესსამსახურში არ ადასტურებენ, რომ გილაური პრემიერმინისტრობის კანდიდატია.

„კურიერმა“ დღეს გაავრცელა ინფორმაცია, რომ ნიკა გილაური სალომე ზურაბიშვილის ტექნიკური მთავრობის პრემიერ-მინისტრობის კანდიდატია და ორბელიანების სასახლეში ნიკა გილაურსა და სალომე ზურაბიშვილს შორის დახურულ კარს მიღმა მიმდინარეობდა შეხვედრა.

საქართველოს პრეზიდენტმა, სალომე ზურაბიშვილმა 12 ოქტომბერს განაცხადა, რომ ტექნიკურ მთავრობას არჩევნებამდე დაასახელებს.

ნიკა გილაურს 2009 წლიდან 2012 წლამდე პრემიერ-მინისტრის პოსტი ეკავა. 2007-2009 წლებში გილაური საქართველოს ფინანსთა მინისტრი იყო, მანამდე კი საქართველოს ენერგეტიკის სამინისტროს ხელმძღვანელობდა.

თუ გვინდა ურთიერთშერიგება, მშვიდობიანი გზით ტერიტორიული მთლიანობის აღდგენა, რა თქმა უნდა, გზა გადის ამ ყველაფრისკენ ურთიერთშერიგებაზე და ურთიერთშერიგება არ არსებობს ურთიერთპატიების გარეშე, – ამის შესახებ პრემიერ-მინისტრმა ჟურნალისტებს განუცხადა.

როგორც მთავრობის მეთაურმა აღნიშნა, მშვიდობიანი გზით ტერიტორიული მთლიანობის აღდგენა ვერ მოხდება ურთიერთპატიების გარეშე და გაჟღერებული გზავნილი ძალაშია.

„როდესაც საუბრობთ ბიძინა ივანიშვილზე, მინდა გავიხსენო, რომ რუხის რესპუბლიკური საავადმყოფოს შექმნის იდეა და ინიციატივა ეკუთვნის სწორედ მას და ის, რომ დღეს ეს რეგიონი არის აღჭურვილი თანამედროვე რესპუბლიკური საავადმყოფოთი, არის სწორედ ბიძინა ივანიშვილის დამსახურება.

რაც შეეხება ბოდიშის თემას, ჩვენ თუ გვინდა ურთიერთშერიგება, მშვიდობიანი გზით ტერიტორიული მთლიანობის აღდგენა, რა თქმა უნდა, გზა გადის ამ ყველაფრისკენ ურთიერთშერიგებაზე და ურთიერთშერიგება არ არსებობს ურთიერთპატიების გარეშე. შესაბამისად, ძალაშია ის გზავნილი, რომელიც ჩვენი მხრიდან გაჟღერდა – ჩვენ თუ გვინდა მშვიდობიანი გზით ტერიტორიული მთლიანობის აღდგენა, ერთადერთი გზა არის ურთიერთშერიგება და ურთიერთშერიგებისკენ ერთადერთი გზა არის ურთიერთპატიება ხალხებს შორის.

ბუნებრივია, ე.წ. ეფექტურ კონტროლს ოკუპირებულ ტერიტორიებზე ახორციელებს რუსეთის ფედერაცია, მაგრამ კიდევ ერთხელ მინდა გავიმეორო, ჩვენ თუ გვსურს მშვიდობიანი გზით ტერიტორიული მთლიანობის აღდგენა, ეს ვერ მოხდება ურთიერთშერიგებისა და შესაბამისად, ურთიერთპატიების გარეშე,”- განაცხადა პრემიერმა.

ამ ადამიანებმა ბანერზე წაშალეს სიტყვები – „არა ომს”, რითაც კიდევ ერთხელ დაამტკიცეს, რომ ისინი წარმოადგენენ ომის პარტიას, – ამის შესახებ პრემიერ-მინისტრმა ჟურნალისტებს „ქართული ოცნების” ბანერის დაზიანებასთან დაკავშირებით დასმული კითხვის პასუხად განუცხადა.

პრემიერის თქმით, ოპოზიციის წარმომადგენლებმა აღნიშნული სიტყვების წაშლით თავადვე დაამტკიცეს ის, რასაც ხელისუფლება ამდენი ხნის განმავლობაში ამტკიცებდა.

„ბანერების დაზიანება ძალიან საინტერესო ფაქტია. ერთი რომ, მეტი საქმე არ აქვთ კონკრეტული პოლიტიკური პარტიების ლიდერებს და მეორე, ამ ადამიანებმა ბანერზე წაშალეს სიტყვები – „არა ომს”, რითაც კიდევ ერთხელ დაამტკიცეს, რომ ისინი წარმოადგენენ ომის პარტიას, რასაც ვამტკიცებთ ამდენი ხნის განმავლობაში, ის თავადვე დაამტკიცეს, როცა წაშალეს წარწერა – „არა ომს”, რომელიც იყო გამოფენილი ჩვენს მიერ”, – განაცხადა პრემიერმა.

შეგახსენებთ, “ქართული ოცნების” ინფორმაციით, “ერთიანობა ნაციონალური მოძროაბის” წევრებმა ხატია დეკანოიძემ და გიგი უგულავამ, ქუთაისში, პარტიის საარჩევნო ბანერი დააზიანეს.

ეს განცხადებები არის დროებითი, ამიტომ, განსაკუთრებულ ყურადღებას ჩვენ არ გავამახვილებთ – დასრულდება ეს არჩევნები, დასრულდება ომი უკრაინაში და ამის შემდეგ ევროკავშირთან ურთიერთობები გადაიტვირთება , – ამის შესახებ საქართველოს პრემიერ-მინისტრმა, “ქართული ოცნების” საარჩევნო შტაბის ხელმძღვანელმა ირაკლი კობახიძემ ჟურნალისტებთან ევროკავშირის საგარეო პოლიტიკური უწყების ხელმძღვანელის ჟოზეფ ბორელის განცხადების საპასუხოდ განაცხადა.

პრემიერის თქმით, საქართველოსა და მოლდოვას ერთმანეთთან შედარება არის თვალებში ნაცრის შეყრა, რადგან, როგორც კობახიძემ განმარტა, მოლდოვაში არ არსებობს პოლიტიკური და მედია პლურალიზმი.

“ეს განცხადებები არის დროებითი, ამიტომ, განსაკუთრებულ ყურადღებას ჩვენ არ გავამახვილებთ. დასრულდება ეს არჩევნები, დასრულდება ომი უკრაინაში და ამის შემდეგ ევროკავშირთან ურთიერთობები გადაიტვირთება. რაც შეეხება საქართველოსა და მოლდოვას შედარებას, ეს არის აბსოლუტურად შეურაცხმყოფელი. თქვენ იცით, რომ საქართველო წინ უსწრებს მოლდოვას ყველა პარამეტრით – იქნება ეს დემოკრატია, ადამიანის უფლებები, ეკონომიკა. ეკონომიკური კუთხით 9 მილიარდით გავზარდეთ სხვაობა საქართველოსა და მოლდოვას ეკონომიკებს შორის, რაც არის, მათ შორის, იმის დამსახურება, რომ ჩვენ მოლდოვისგან განსხვავებით გვაქვს ძალიან ძლიერი სახელმწიფო ინსტიტუტები.

რაც შეეხება დემოკრატიასა და ადამიანის უფლებებს, მე მინდა შეგახსენოთ, რომ ერთმანეთის მიყოლებით მოლდოვაში აიკრძალა პოლიტიკური პარტიები, მედიასაშუალებები და დარჩა რეალურად ორი მედიასაშუალება, რომელიც მაუწყებლობს ქვეყნის მასშტაბით. ეს არის საზოგადოებრივი მაუწყებლის პირველი არხი და საზოგადოებრივი მაუწყებლის მეორე არხი. აღარ არსებობს პოლიტიკური პლურალიზმი, აღარ არსებობს მედია პლურალიზმი. როცა გადარებენ ასეთ ქვეყანას და თან გადარებენ ნეგატიურ კონტექსტში, ეს, ბუნებრივია, არის თვალებში ნაცრის შეყრა, თუმცა, ეს ვერ დააზიანებს ჩვენს ქვეყანას. კიდევ ერთხელ გიმეორებთ – დასრულდება არჩევნები, დასრულდება ომი უკრაინაში და აქედან აუცილებლად გადაიტვირთება ევროკავშირთან ურთიერთობები, შესაბამისად, ასეთი განცხადებები არის დროებითი მოვლენა.

საქართველოში ავტორიტარიზმი იყო 2012 წლამდე და თუ რაიმეთი შეიძლება იამაყოს ჩვენმა გუნდმა, პირველ რიგში, ეს არის საქართველოში ავტორიტარიზმის დასრულება. აქედან გამომდინარე, ასეთ განცხადებებს, საბედნიეროდ, ვერ ექნება ფასი ჩვენი მოსახლეობისთვის, გამომდინარე იქიდან, რომ ისინი არის აბსოლუტურად მცდარი და დაფუძნებულია არასწორ ინფორმაციაზე”, – განაცხადა კობახიძემ.

ხატია დეკანოიძემ და გიგი უგულავამ, ქუთაისში, ჩვენი საარჩევნო ბანერის დაზიანებით, ჩაიდინეს როგორც სამართლებრივი, ასევე პოლიტიკური დანაშაული , – ამის შესახებ “ქართული ოცნების” აღმასრულებელი მდივანი, მამუკა მდინარაძე სოციალურ ქსელში წერს.

მისი განცხადებით, დეკანოიძემ და უგულავამ დაარღვიეს სისხლის სამართლის კოდექსის 187-ე მუხლის მეორე ნაწილი, ამავე დროს, ბანერზე წაშალეს მხოლოდ წარწერა “არა ომს”, რითაც, როგორც ომის პარტიის წარმომადგენლებმა, პატრონებს ომის ერთგულება დაუდასტურეს.

“ხატია დეკანოიძემ და გიგი უგულავამ, ქუთაისში, ჩვენი საარჩევნო ბანერის დაზიანებით, ჩაიდინეს როგორც სამართლებრივი, ასევე პოლიტიკური დანაშაული:

1.მათ ჩაიდინეს საქართველოს სისხლის სამართლის კოდექსის 187-ე მუხლის მეორე ნაწილით გათვალისწინებული ქმედება.

2.როგორც ომის პარტიის ჭეშმარიტმა წარმომადგენლებმა, მხოლოდ წარწერა “არა ომს” წაშალეს, რითაც პატრონებს ომის ერთგულება დაუდასტურეს!

პ.ს. თუ ახლა გამოხტებიან, ადმინისტრაციულიაო – კი ბატონო, უბრალოდ მერე თქვენი შეუღებავი ბანერები გექნებათ საძებნი.

ახლა ერთადერთი ის უნდა ინატრონ, იქნებ გაიწმინდოს, დასვრა გამოვიდეს და არა დაზიანებაო”, – წერს მამუკა მდინარაძე სოციალურ ქსელში.

ჩვენ და ჩვენი გუნდი „ქართული ოცნება“ ამომრჩევლის დასჯისგან და გასამართლებისგან დამერწმუნეთ, რომ ძალიან შორს ვართ, – განაცხადა ფრაქცია „ქართული ოცნების“ თავმჯდომარის მოადგილემ ირაკლი კირცხალიამ, საზოგადოებრივი მოძრაობა „ერთიანი ნეიტრალური საქართველოს“ განცხადების შეფასებისას, რომლის თანახმად, არჩევნების შემდეგ, „ნაციონალური მოძრაობის“ ანტიკონსტიტუციურად გამოცხადების პარალელურად, მათ ამომრჩევლებსაც უნდა დაეკისროთ პასუხისმგებლობა.

„რაც შეეხება კოლექტიური ნაცმოძრაობის“ გასამართლების პროცესს, რომელიც ჩვენ დავაანონსეთ და იქნება საჯარო, მათი თითოეული ამომრჩეველი დაინახავს, თუ რა ძალასთან აქვს საქმე. ეს იქნება „ლელო“, „გახარია“, „ნაცმოძრაობა“ თუ „ახალი“, არ აქვს მნიშვნელობა „კოლექტიური ნაცმოძრაობის“ თითოეული დანაყოფი.

ჩვენი მიზანია, რომ საზოგადოებას პირიქით ობიექტურად დავანახოთ რასთან აქვთ საქმე, როგორ ძალებთან აქვთ საქმე და რა წარსულის იყვნენ ეს ძალები“, – აღნიშნა კირცხალიამ.