ეს ლევან ბერძენიშვილი რეკორდსმენია, როგორც ირაკლი კობახიძემ ამხილა იმაში, რომ ყველაზე მეტი წიგნი ვერ გაიგო, ვერც სოკრატე გაიგო, ვერც მითოლოგია გაიგო, ვერც ფროიდი გაიგო, ასე თუ ლაპარაკობს ოიდიპოს მეფეზე, ვერცერთი გაუგია და რაღა ველაპარაკოთ, – ასე უპასუხა უმრავლესობის ლიდერმა, მამუკა მდინარაძემ ჟურნალისტის შეკითხვას, რომლის თანახმად, ლევან ბერძენიშვილმა „ოჯახურ ღირებულებათა და არასრულწლოვანთა დაცვის შესახებ“ უმრავლესობის საკონსტიტუციო ინიციატივაზე მოსაზრება გამოთქვა და აღნიშნა, რომ „მალე ოიდიპოს მეფეც აიკრძალება“.

მამუკა მდინარაძემ აღნიშნა, მითოლოგიაში ოიდიპოს მეფის დედაზე გაუცნობიერებელი ამბავი ხდება და ამის შესახებ ვინმემ უთხრას ბერძენიშვილს, „იქნებ, შეიძლება გაგიჟდეს ამაზე, დაბურძგლოს“.

„საქართველოში ფსევდოლიბერალიზმი როგორ მიმდინარეობად ჩამოყალიბდა, იცით? გოიმი რომ ორ წიგნს კითხულობს, არც მეტს და არც ნაკლებს, ზუსტად ორი წიგნი რომ აქვს გოიმს წაკითხული და დანარჩენში ლევან ბერძენიშვილს ენდობა, აი, ასეთი მიმდინარეობაა საქართველოში ფსევდოლიბერალიზმი და თავის მხრივ, ეს ლევან ბერძენიშვილი რეკორდსმენია, როგორც ირაკლი კობახიძემ ამხილა იმაში, რომ ყველაზე მეტი წიგნი ვერ გაიგო, ვერც სოკრატე გაიგო, ვერც მითოლოგია გაიგო, ვერც ფროიდი გაიგო, ასე თუ ლაპარაკობს ოიდიპოს მეფეზე, ვერცერთი გაუგია და რაღა ველაპარაკოთ. გაუმხილეთ, ვიღაცამ უთხარით, რომ მითოლოგიაში, იქ, რაღაც გაუცნობიერებელი ამბავიც იყო დედამისთან დაკავშირებით-თქო და მოუყევით ერთი, ვინმემ, იქნებ, შეიძლება გაგიჟდეს ამაზე, დაბურძგლოს. სასწაული ამბავია, ასეთი გოიმობა და ამ გოიმობის „ტრენდის“ ქვეშ ხალხის მოტყუება არის საშინელება. ასეთ „ტრენდს“ აყოლა, ვითომ მოგონილ „ტრენდს“ აყოლა – ამაზე დიდი გოიმობა არ არსებობს, რასაც ისინი აკეთებენ“-განაცხადა მამუკა მდინარაძემ.

ჩვენ ვცდილობთ უფლებები და პროპაგანდა გავაცალკეოთ, ერთის ხარისხი ავწიოთ და მეორეს ვებრძოლოთ, პროპაგანდისტები ცდილობენ შეატყუპონ, შეაერთონ, გააიგივონ ერთმანეთთან და ამით საზოგადოება მოატყუონ, – ამის შესახებ საპარლამენტო უმრავლესობის ლიდერმა, მამუკა მდინარაძემ ჟურნალისტებთან საუბრისას განაცხადა, რითაც „ოჯახური ღირებულებების შესახებ“ დაგეგმილ საკონსტიტუციო ცვლილებებს გამოეხმაურა.

მისივე თქმით, მმართველი გუნდი ქვეყნის გარეთ ფსევდოლიბერალების მოწოდებების გაზიარებას არ აპირებს.

„ჩვენ ვცდილობთ, რომ უფლებები და პროპაგანდა გავმიჯნოთ ერთმანეთისგან, გავაცალკეოთ. პროპაგანდისტები ცდილობენ, რომ უფლებები და პროპაგანდა ერთმანეთში აურიონ. ეს არის მთავარი ღირებულებითი ხაზი და ამ ხაზზე მიდის ბრძოლა, ღირებულებითი ომი, რომელ ომშიც ვერ გაიმარჯვებენ ისინი, იმიტომ, რომ ჩვენ მართლები ვართ მომავალი თაობების წინაშე. როცა უფლებებს მიჯნავ პროპაგანდისგან და თავს მოხვევისგან, მავნე შედეგისგან, რამეს კი არ კრძალავ სინამდვილეში, უპირატესი მიზანი არის დაცვა – აკრძალვა კი არა, შენი მომავალი თაობების დაცვა ამ მავნე და საშინელი პროპაგანდის შედეგებისგან. ამისგან შვილების, შვილიშვილების, მომავალი თაობების დაცვაა, ოჯახური ღირებულების და არასრულწლოვანების ინტერესების დაცვაა პრიორიტეტი და არა რაღაც აკრძალვა.

ჩვენ ვცდილობთ უფლებები და პროპაგანდა გავაცალკეოთ, ერთის ხარისხი ავწიოთ და მეორეს ვებრძოლოთ, ისინი ცდილობენ შეატყუპონ, შეაერთონ, გააიგივონ ერთმანეთთან და ამით საზოგადოება მოატყუონ. ხან ფაშიზმს, ხან ჰომოფობიას დაუძახებენ. უკვე დღე ნახევარი არაა გასული, მთელი მათი კამპანია აგებულია ჰომოფობიურ კანონპროექტზე ანუ ბავშვების უფლებების დაცვასა და ოჯახურ ღირებულებებს ისინი ეძახიან ჰომოფობიას. ოჯახური ღირებულებები და ბავშვების უფლებების დაცვა მათთვის ყოფილა ჰომოფობია, სად ჩავიდნენ, სად დავიდნენ და რაზე გააკეთეს აქცენტები?! ჩვენ, მათ შორის, ამ პიარულ ბრძოლაშიც გავიმარჯვებთ.

რომელი ფსევდოლიბერალი რას იტყვის საქართველოსთან დაკავშირებით, ქვეყნის გარეთაც მხარდამჭერი ქართველი ფსევდოლიბერალი, ეს არ არის საინტერესო, ჩვენს ეროვნულ საქმეს ამით ვერ შეგვაწყვეტინებენ. ამ ვითარებაში, როცა ღირებულებითი ბრძოლა მიდის, ძალიან ბევრი მხარდამჭერი გამოუჩნდებათ, მათ შორის, ქვეყნის გარედან, მაგრამ ჩვენ ამას არ გავითვალისწინებთ, ამას ყურადღებას არ მივაქცევთ, იმიტომ, რომ ჩვენი [მიზანი] ეროვნული ინტერესებია და მათი მოახვიონ რაღაც თავს, რაც არ გამომდინარეობს ქვეყნისა და ეროვნული ინტერესებიდან, აქედან გამომდინარე, ჩვენ მათ ყურადღებას არ მივაქცევთ“, – განაცხადა მდინარაძემ.

ამ წუთის მონაცემებით, საკონსულოების რაოდენობა დარეგისტრირებული საქართველოს მოქალაქეების შესატყვისია. დარბაზში იმ დღეს რა მოხდა – ვაშაძემ მოიტანა 52 ადამიანის სია, 800 ათასით დაიწყეს და საბოლოო ჯამში 52 ადამიანის პრობლემაზე ალაპარაკდნენ, მერე ერთი აღარ აღმოჩნდა პრობლემური იქიდან, – ამის შესახებ „ქართული ოცნების“ აღმასრულებელმა მდივანმა მამუკა მდინარაძემ ჟურნალისტებთან განაცხადა.

უმრავლესობის ლიდერი გამოეხმაურა გიორგი ვაშაძის განცხადებას, რომელმაც პარლამენტში სიტყვით გამოსვლისას მმართველ გუნდს იმ ემიგრანტების სია წარუდგინა, რომლებსაც, ოპოზიციონერის თქმით, საზღვარგარეთ საკონსულოებში საარჩევნოდ არ არეგისტრირებენ.

„ემიგრაციაში რომ უამრავი ადამიანია, ამას ლაპარაკი რად უნდა. ზოგი გაჭირვების გამო მიდის და ზოგი სხვადასხვა მიზეზების გამო. აქ პროგრესი გვაქვს თუ რეგრესი გვაქვს, ამაზე უნდა ვილაპარაკოთ. ჩემი ძალიან ახლობლებიც არიან ემიგრაციაში და ბუნებრივი ამბავია ეს. გასაგებია, ცუდია ძალიან, მაგრამ შედარებითია ყველაფერი. მიგრაციული სალდო გვაქვს, როგორც იქნა, დადებითი. ადამიანი, რომელიც მივიდა, საბუთები წესრიგში ჰქონდა და შეიტანა ეს საბუთები, ყველამ შესაბამისი რეგისტრაცია მიიღო. ვისაც არ ჰქონდა წესრიგში, ამ ადამიანებმა ვერ მიიღეს. ათასში ერთი შემთხვევა შეიძლება იყო, გამონაკლისზე გამონაკლისი, სხვა არცერთი შემთხვევა არ ფიქსირდება, როცა ყველაფერი წესრიგში ჰქონდა, საქართველოს მოქალაქე იყო და საელჩოში არ დაარეგისტრირეს. რამდენი დღეა გასული მას შემდეგ, რაც მე ვაშაძეს ფურცლები გამოვართვი და ვუთხარი, რომ ერთი დაესახელებინა. 52-კაციანი სია ჰქონდა და ერთი ვერ დამისახელა, ანუ იტყუებოდა“, – აღნიშნა მამუკა მდინარაძემ.

არის კოორდინირებული ქცევა, რომ უფლებები და ლგბტ პროპაგანდა გააიგივონ ანუ დააახლოონ. ჩვენი მიზანია, რომ ისინი ერთმანეთს დავაშოროთ და უფლებებს არავინ შეეხოს და მაინც იბრაზებენ თავს. ვეუბნებით, უფლებების დაცვის ხარისხი გავზარდოთ და ამაზე ბრაზდებიან?! პროპაგანდა ავკრძალოთ – ამაზე ბრაზდებიან?! გვითხრან, ან ერთზე ბრაზდებიან ან მეორეზე. ორივეს ერთად თუ ილაპარაკებენ, მაშინ ძალით იბრაზებენ თავს, – ამის შესახებ მამუკა მდინარაძემ განაცხადა.

ჟურნალისტებთან საუბრისას „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა აღნიშნა, რომ ოპონენტები ამ საკითხის ირგვლივ ცისარტყელამ გააერთიანა.

„სხვათა შორის, გუშინ ცისარტყელამ გააერთიანა, რაც ჩვენ ვერ ვქენით, გუშინ ცისარტყელამ ქნა. გუშინ მთელი კამპანია აწიეს ოპოზიციაში. სხვა თემაზე ხომ ვერ გაბედეს გაერთიანება, ცისარტყელამ და მისმა ფერებმა გააერთიანა. იყვნენ გახარებულები, აჟიტირებულები და მთაგავდნენ თურმე ამ რაღაცებზე. იყო ერთი ამბავი. ცისარტყელამ გააერთიანა ბოლოს და მართლა პროპაგანდისტები არიან, ბავშვებს ცისარტყელა წაართვეს. ეს ხუმრობით, რა თქმა უნდა“, – განაცხადა მდინარაძემ.

მისივე თქმით, ლგბტ პროპაგანდის მხარეს ძალიან დიდი ფინანსები დგას და „თბილისი პრაიდს“ და სხვა „ენჯეოებს“ დაფინანსების შესახებ ინფორმაციის გამოქვეყნებისკენ მოუწოდა.

„მე ვაბრალებ მათ, რომ ლგბტ პროპაგანდაში იხარჯება მათი ფინანსების ძალიან დიდი ნაწილი. თავის დამფინანსებლებსაც და საქართველოს მოქალაქეებსაც უთხრან, რომ ეს არის ან მართალი ან ტყუილი. ვიღებ ამ პასუხისმგებლობას ჩემს თავზე“, – აღნიშნა მდინარაძემ.

როგორც ჩანს, საპარლამენტო არჩევნები მოახლოვდა ისე, რომ ოპოზიციის მთავარი დაპირება, ალბათ, იქნება მიხეილ სააკაშვილის გათავისუფლება, ჩანს, როგორი უთავმოყვარეოა ოპოზიცია, ვინც უშვერი სიტყვით ლანძღავდნენ ქალბატონ სალომე ზურაბიშვილს არჩევნების პერიოდში, ზუსტად იგივე ადამიანები ახლა ეხვეწებიან, შეწყალებას და მოწყალებას სთხოვენ იგივე ადამიანს, სალომე ზურაბიშვილს, – ამის შესახებ „ქართული ოცნების“ წევრმა, არჩილ თალაკვაძემ განაცხადა.

თალაკვაძის თქმით, ოპოზიციის ქმედებები მიუთითებს, როგორი არათანმიმდევრული და უთავმოყვარეო ლიდერები ჰყავს ოპოზიციას.

„შეწყალების გადაწყვეტილებას რაც შეეხება, ვხედავთ, რომ პრეზიდენტის რიტორიკა შეიცვალა ბოლო ორი წლის განმავლობაში. ის აკრიტიკებს უკვე ხელისუფლებას, რეალურად იგივე დღის წესრიგის მხარდამჭერია, რომელსაც რადიკალური ოპოზიცია ატარებს. შესაბამისად, შეწყალების გადაწყვეტილება დიდწილად დამოკიდებული იქნება შიდა კვლევებზე, რასაც ისინი ატარებენ და რის შესახებაც არ იცის საზოგადოებამ. როგორც კი საბოლოო დასკვნას გამოიტანენ, რა სჯობს მათთვის, შეწყალება თუ ამისგან თავის შეკავება, შემდეგ მიიღებენ ამ გადაწყვეტილებას“, – აღნიშნა დეპუტატმა.

არჩილ თალაკვაძის განცხადებით, სალომე ზურაბიშვილმაც და „ნაციონალურმა მოძრაობამაც“ ძალიან კარგად იცის, რომ მიხეილ სააკაშვილის შეწყალება იმ ადამიანისთვის იქნება უმძიმესი პოლიტიკური გადაწყვეტილება, ვინც ამ გადაწყვეტილებას მიიღებს

„მიდის კამპანია, რომ როგორმე საზოგადოების ყური შეაჩვიონ ამ სცენარს და ამაზე საუბრობენ როგორც შიგნით, ასევე გარე სპიკერები. როგორც ჩანს, ახლა ამისთვის შეაწუხეს ათიათასობით ადამიანი ხელმოწერებისთვის. როგორც ამბობენ, ალბათ ეს ხელმოწერებიც. მიუთითებს, რომ „ნაციონალური მოძრაობის“ მხარდაჭერა და რეიტინგი მკვეთრად არის შემცირებული. ხელმოწერებით ვერავინ აუვლის მართლმსაჯულებას გვერდს და ვერავინ აიძულებს ვერც სასამართლოს და სახელმწიფოს, შეცვალოს სამართლიანი გადაწყვეტილება“, – განაცხადა თალაკვაძემ.

„ნაციონალურმა მოძრაობამ“ პრეზიდენტის სასახლესთან აქციას გუშინ გამართა. ორბელიანების სასახლესთან შეკრებილებმა მიხეილ სააკაშვილის გათავისუფლება მოითხოვეს.

ბევრი ჩვენგანი, მათ შორის რამდენიმე მინისტრი, ვიქნებით რესპუბლიკის მოედანზე მათთან ერთად, ვინც ვერ შეძლო ბილეთების ყიდვა, მათთან ერთად ვუგულშემატკივრებთ ჩვენს ძალიან მაგარ ბიჭებს, – ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა.

მდინარაძის თქმით, დღეს არის შესაძლებლობა, რომ ახალი ისტორია დაიწეროს.

„დღეს მე ვიქნები რესპუბლიკის მოედანზე. გავიყავით, უმრავლესობის წევრების ნახევარი რესპუბლიკის მოედანზე ვიქნებით, ხოლო დანარჩენები, რომლებსაც ბილეთი შეხვდათ, იქნებიან მოედანზე. ლევან კობიაშვილს ველაპარაკე და მითხრა, რომ ბილეთები როცა გაიყიდა, იმ წუთის მდგომარეობით, ნახევარი მილიონი ადამიანი იდგა რიგში. წარმოიდგინეთ, რამდენმაც ყიდვა შეძლო, ალბათ ოცი იმდენი დარჩა ბილეთების გარეშე. ამ ხალხს გავუწევთ ანგარიშს და ბევრი ჩვენგანი, მათ შორის რამდენიმე მინისტრი, ვიქნებით რესპუბლიკის მოედანზე მათთან ერთად, ვინც ვერ შეძლო ბილეთების ყიდვა. მათთან ერთად ვუგულშემატკივრებთ ჩვენს ძალიან მაგარ ბიჭებს და მაგარ ნაკრებს. არ ვიცი, რა შეიძლება იყოს ამაზე მაგარი დღე. დღეს უნდა მოვახერხოთ და გავიმარჯვოთ. ეს იქნება ახალი ისტორია, არა მხოლოდ ფეხბურთის, არამედ ქვეყნის ახალი ისტორია. მათ შეუძლიათ, ეს ისტორიული ფურცელი გადაფურცლონ. ამაზე უფრო პოზიტიური არაფერი შეიძლება მოხდეს დღეს ამ ქვეყანაში. ეროვნულ ნაკრებს ვუსურვებ უდიდეს წარმატებებს ეროვნული საქმის გაკეთებაში. ჩვენ დღეს უნდა გავიმარჯვოთ“, – განაცხადა მამუკა მდინარაძემ.

„დინამო არენაზე“ საქართველოს ეროვნული ნაკრები საბერძნეთის ეროვნული ნაკრების წინააღმდეგ ევროპის ჩემპიონატის პლეიოფის ფინალურ მატჩს გამართავს. მატჩის პარალელურად, პირველი რესპუბლიკის მოედანზე თბილისის მერიისა და საქართველოს ფეხბურთის ფედერაციის მიერ ორგანიზებული ღონისძიება გაიმართება და ტერიტორიაზე ფეხბურთის გულშემატკივრებისთვის დიდი ეკრანი განთავსდება. შეხვედრა 21:00 საათზე დაიწყება, ხოლო პირველი რესპუბლიკის მოედანზე მოწყობილ ზონაში მისვლა გულშემატკივარს 19:00 საათიდან შეეძლება.