სამწუხაროა, როდესაც ევროკავშირი საქართველოსთან მიმართებით ირჩევს არა პარტნიორულ ურთიერთობებს, არამედ იყენებს საბჭოთა მეთოდებს და ყველაფერს რუსულს არქმევს, – ამის შესახებ „ხალხის ძალის“ თავმჯდომარემ, დიმიტრი ხუნდაძემ განაცხადა.

მისი თქმით, ბოლო არჩევნებში სასურველი შედეგი რომ ვერ მიიღეს, ამომრჩეველს დაემუქრნენ, რომ ვიზალიბერალიზაციას გაუუქმებდნენ.

„ევროკავშირის პრესსპიკერის თავის მართლება მესმის, მაგრამ ფაქტები სხვა რამეზე მეტყველებს. გვახსოვს იგავ-არაკი „მამლის ქურდი“, ფიცი მწამს, ბოლო მაკვირვებს. გვახსოვს ფაქტები – უსამართლო რეზოლუციები, სანქციებში საქართველოს ჩართვის იძულება, ასევე ქუჩაში აურზაურის წახალისება, მიხეილ სააკაშვილის დემოკრატიის შუქურად გამოცხადება და მისი თითქოსდა წამების ლეგიტიმაცია, მარშები ელჩების ჩართულობით, დემარშები და ა.შ. გვახსოვს, ასევე, მაგალითად დასავლეთის მიერ დაფინანსებული „ისფედის“ მიერ არჩევნების შედეგების გაყალბების მცდელობა. გვახსოვს ასევე, აქტიური მცდელობა, გაეხლიჩათ საზოგადოება და ხელისუფლება, თითქოს ერთი სხვა იყო და მეორე – სხვა. ბოლო არჩევნებში სასურველი შედეგი რომ ვერ მიიღეს, სადაც პირდაპირ პაველ ჰერჩინსკი უშუალოდ ერეოდა და მოუწოდებდა ამომრჩეველს, მათთვის სასურველი შედეგი დაეყენებინათ, შემდეგ უკვე დაემუქრნენ, რომ ვიზალიბერალიზაციას გაუუქმებდნენ“, – განაცხადა დიმიტრი ხუნდაძემ.

მისი თქმით, სამწუხაროა, როდესაც ევროკავშირი საქართველოსთან მიმართებით ირჩევს არა პარტნიორულ ურთიერთობებს, არამედ საბჭოთა მეთოდებით იყენებს და ყველაფერს რუსულს არქმევს.

„აშშ-ის წარმომადგენელთა პალატის იურიდიულმა დეპარტამენტმა ევროკავშირი დაადანაშაულა იმაში, რომ ცალმხრივ ცენზურას ეწევიან, ეს არის უსამართლობის ერთ-ერთი ფორმა. ჩვენ მზად ვართ პარტნიორული ურთიერთობებისთვის, მაგრამ მიუღებელია დესტრუქციული წახალისებები, შიდა სახელმწიფოებრივ საქმეებში პირდაპირი ჩარევები, ამომრჩევლისადმი მუქარა. იარაღად რუსული იარლიყის გამოყენება აპრობირებული პრაქტიკაა არა მხოლოდ საქართველოს მიმართ, აშშ-შიც ხედავთ, რომ რუსული იარლიყია ბრძოლის იარაღად გამოყენებული. თითქოსდა მარტივი ინსტრუმენტია, რომ ყველაფერი გადაფარო და ყველაფერს დაარქვა რუსული“, – განაცხადა დიმიტრი ხუნდაძემ.

მისი თქმით, ევროკავშირის მხრიდან რუსული იარალიყის გამოყენებას აშშ-ის პოლიტიკურ წრეებშიც ხედავენ.

„ეს არის დასავლური ბიუროკრატიის, „დიფ სთეითის“ სცენარი, რომელიც არა მხოლოდ მსოფლიოში მშვიდობის დამყარებას უშლის ხელს, არამედ აშშ-ის ახალი ადმინისტრაცია ამას უყურებს საფრთხედ და განიზრახა „დიფ სთეითის“ დამარცხება, წინააღმდეგ შემთხვევაში, შესაძლოა, თავად ამერიკა გახდეს დამარცხებული. ეს არ არის მხოლოდ ჩვენი პრობლემა, ეს არის გლობალური პრობლემა. ამას სჭირდება საერთაშორისო საზოგადოების, თანამეგობრობის, ობიექტური და ფხიზელი დამოკიდებულება“, – განაცხადა დიმიტრი ხუნდაძემ.

ინტერესებს გატარებაში, „რუსულ ოცნებას“ ბოდიში აქვს მოსახდელი ჩვენი პარტნიორების მიმართ, – ამის შესახებ „კოალიცია ცვლილებებისთვის“ ერთ-ერთმა ლიდერმა, ელენე ხოშტარიამ განაცხადა.

როგორც ხოშტარიამ აღნიშნა, ევროკავშირის საგარეო ქმედებათა სამსახურის პრესსპიკერის განცხადებამ „რუსული ოცნება“ ტყუილში ამხილა.

„„კოალიცია ცვლილებისთვის“ სახელით მინდა, გამოვეხმაურო ჩვენი პარტნიორების ორ მნიშვნელოვან საერთაშორისო გადაწყვეტილებას. მოქმედებას, რომელიც, ერთი მხრივ, გამოხატავს უპრეცედენტო მხარდაჭერას ქართველი ხალხისა და, მეორე მხრივ, ხაზს უსვამს ე.წ მთავრობის რუსულ ბუნებას. უპირველესად, ვართ ძალიან ბედნიერები, რომ საქართველოში ტარდება ნატო-ს მრავალეროვნული წვრთნები „მტკიცე სული“, რომლის მიზანია უსაფრთხოების გამყარება და ჩვენს საფრთხეებზე სწრაფი რეაგირება, საქართველოს ინტერესების დაცვა. ეს წვრთნები ტარდება მიუხედავად იმისა, რომ „რუსული ოცნება“, ე.წ. ხელისუფლება უკვე მესამედ ემიჯნება ნატო-ს წვრთნებს. ემიჯნება და ამ წვრთნების გახსნაზე არ გამოცხადნენ რუსეთის მსახური ბიუროკრატები, როგორებიც არიან ირაკლი ჩიქოვანი და ე.წ გენშტაბის უფროსი. მიუხედავად ამისა, ამ წვრთნების ჩატარება ხაზს უსვამს, რომ ამ არალეგიტიმური ხელისუფლების „რუსული პოზიციები“ ვერ შეაჩერებს ჩვენი პარტნიორების მხარდაჭერას, ვერც ჩვენი უსაფრთხოებისა და ვერც ჩვენი ევროატლანტიკური მისწრაფებების;

მეორე, არის ძალიან მნიშვნელოვანი განცხადება ჩვენი ევროპელი პარტნიორების, ევროკავშირის სპეციალური განცხადება, სპიკერის განცხადება, რომელიც პირდაპირ ტყუილში ამხელს „რუსულ ოცნებას“. ისინი პირდაპირ საუბრობენ, რომ „რუსული ოცნება“ ვიზალიბერალიზაციის საფრთხეზე, რუსული კონსპირაციული თეორიების მსგავსად, ავრცელებს სრულ ტყუილებს, თითქოს ვიღაცა რაღაცას გვახვევს თავს. ამ დროს ჩვენი პარტნიორები პირდაპირ საუბრობენ, რომ ისინი მხარს უჭერენ საქართველოს ტერიტორიულ მთლიანობას და საქართველოს ხალხის ევროპულ მისწრაფებას. ამასთანავე, მინდა სრულად დავგმო კალაძის, ასევე რუსეთის მსახურის, სრულიად შეურაცხმყოფელი განცხადებები ჩვენი უდიდესი მეგობრის, აქ ევროკავშირის ელჩის მიმართ. საქართველოს მოსახლეობა, რომლის სრული უმრავლესობა მხარს უჭერს ევროპაში გაწევრიანებას, არის მადლიერი ევროკავშირის ელჩის. ჩვენ ვიცით, თუ რამხელა როლს თამაშობს ის ჩვენი ინტერესების გატარებაში. „რუსულ ოცნებას“ ბოდიში აქვს მოსახდელი და აუცილებლად მოიხდიან ჩვენი პარტნიორების მიმართ. მე მინდა, ევროკავშირმა იცოდეს, რომ კახი კალაძის განცხადება აბსოლუტურად არ ასახავს ქართველი ერის პოზიციას, რომელიც ასახულია კონსტიტუციაში და ვინმე ჩიქოვანის არგამოცხადება წვრთნებზე, არ ასახავს ქართველი ხალხის მისწრაფებას, გავხდეთ ევროატლანტიკური უსაფრთხოების, მშვიდობის, განვითარების სივრცის ნაწილი“, – განაცხადა ხოშტარიამ.

ცნობისთვის, ევროკავშირის საგარეო ქმედებათა სამსახურის ვებგვერდზე გამოქვეყნდა ევროკავშირის საგარეო ქმედებათა სამსახურის პრესსპიკერის განცხადება, სადაც ნათქვამია: „ევროკავშირი კატეგორიულად უარყოფს და გმობს საქართველოს ხელისუფლების მიერ საქართველოში ევროკავშირის როლის შესახებ დეზინფორმაციას და უსაფუძვლო ბრალდებებს“.

რვა პუნქტიანი გეგმა არის მწყობრი, გააზრებული ნაბიჯების ერთობლიობა, როგორ მივაღწიოთ გამარჯვებას, მათ შორის – ვაახლებთ მოთხოვნას დროებითი მთავრობის შესახებ. ვითხოვთ დროებით მთავრობას, რომელიც ჩაატარებს ახალ არჩევნებს. თუ მოთხოვნებს არ დააკმაყოფილებენ, საერთო ეროვნული მასშტაბით ვიწყებთ დაუმორჩილებლობის კამპანიას, – ამის შესახებ პატიმრობაში მყოფი „სტრატეგია აღმაშენებლის“ ლიდერი გიორგი ვაშაძე წერილში წერს, რომელსაც პარტიის პრესსამსახური ავრცელებს.

გიორგი ვაშაძე 8-პუნქტიან გეგმას ასახელებს და მის გარშემო გაერთიანების მნიშვნელობაზე საუბრობს.

„რვა პუნქტიანი გეგმა არის მწყობრი, გააზრებული ნაბიჯების ერთობლიობა როგორ მივაღწიოთ გამარჯვებას. ფორმულა მარტივია, თუ ერთად ვიქნებით, გავიმარჯვებთ, რადგან ერთად მდგომ ქართველ ხალხს ივანიშვილის რეჟიმი ვერ დაუდგება წინ. დანარჩენი დროის საკითხია და ჩვენს მონდომებასა და აქტიურობაზეა დამოკიდებული.

ძალა ერთობაშია!

გამარჯვების 8 პუნქტიანი გეგმა: 1. ვერთიანდებით საერთო ბრენდის ქვეშ, ვერთიანდებით პოლიტიკური პარტიები, საზოგადოებრივი ჯგუფები და სალომე ზურაბიშვილი საერთო ბრენდის ქვეშ; 2. ერთიანობის ურღვეობისთვის ვთანხმდებით გადაწყვეტილებების მიღების წესზე. თუ კონსენსუსი ვერ მიიღწევა, გადაწყვეტილება მიიღება გაერთიანებაში შემავალი სუბიექტების უმრავლესობით; მიღებული გადაწყვეტილება სავალდებულოა ყველასთვის; 3. სოციოლოგიურ კვლევებში ვაფიქსირებთ დიდ უპირატესობას. მიზანია კვლევაში დიდი უპირატესობის დაფიქსირება – ამის ყველანაირი შესაძლებლობა გვაქვს გაერთიანების შემთხვევაში; ეს შეცვლის ხალხის განწყობას, გააჩენს ახალ მუხტს და აჩვენებს რეალურ ძალას, ალტერნატივას, რომელიც უფრო მეტია, ვიდრე „ქოცი“; 4. ვაახლებთ საერთო ეროვნულ კამპანიას. კამპანია მიმდინარეობს როგორც ონლაინ, ისე პირისპირ – თბილისში და რეგიონებში. მიზანია სპეციალურ აპში (სარეგისტრაციო პროგრამაში) მინიმუმ მილიონი მხარდამჭერის რეგისტრაცია. აპი გამოიყენება გადაწყვეტილებების მიღებაში ჩასართავად, შეტყობინებების და კოორდინაციისთვის; 5. ვნიშნავთ საერთო ეროვნულ შეკრებას. ვაორგანიზებთ და ვნიშნავთ მასშტაბურ შეკრებას – „მილიონი ქართველი”; გადამწყვეტი შეტევა შესაძლოა იყოს 4 ოქტომბერს;6. ვაახლებთ მოთხოვნას დროებითი მთავრობის შესახებ. ვითხოვთ დროებით მთავრობას, რომელიც ჩაატარებს ახალ არჩევნებს; 7. უკიდურესი ზომები უარის შემთხვევაში – თუ მოთხოვნებს არ დააკმაყოფილებენ, საერთო ეროვნული მასშტაბით ვიწყებთ დაუმორჩილებლობის კამპანიას. სხვა ბევრი ნაბიჯები გვაქვს მოფიქრებული, რომლებსაც მოგვიანებით გაგაცნობთ; 8. ვანიშვნინებთ ახალ არჩევნებს, ვაიძულებთ ჩანიშნონ ახალი საპარლამენტო არჩევნები სამართლიანი წესებით; ახალ არჩევნებზე გაერთიანება გავდივართ საერთო ბრენდით, სახელით და დიდი უპირატესობით იმარჯვებს ქართველი ხალხი!“, – წერს გიორგი ვაშაძე.

დონალდ ტრამპს გადავეცი მნიშვნელოვანი გზავნილები, რომელიც გაგვაჩნია აშშ-ის მიმართ და რაც გულისხმობს იმას, რომ საქართველოს ხელისუფლება მზადაა, გადაიშალოს ახალი ფურცელი ჩვენს ურთიერთობებში , – ამის შესახებ ნათქვამია აშშ-ში საქართველოს საგანგებო და სრულუფლებიანი ელჩის თამარ ტალიაშვილის განცხადებში, რომელიც მას შემდეგ გააკეთა, რაც მან ამერიკის შეერთებული შტატების პრეზიდენტ დონალდ ტრამპს თეთრ სახლში რწმუნებათა სიგელები გადასცა.

როგორც ტალიაშვილი აღნიშნავს, „შეხვედრა ძალიან თბილ და მეგობრულ გარემოში ჩატარდა და მას ესწრებოდა სახელმწიფო მდივანი მარკო რუბიო.

“მნიშვნელოვანი დღე იყო დღეს ქართულ-ამერიკულ ურთიერთობებში. მქონდა პატივი, გადამეცა რწმუნებათა სიგელები აშშ-ის პრეზიდენტ დონალდ ტრამპისთვის. მე მას ასევე გადავეცი საქართველოს ხელისუფლების, ქართველი ხალხის, საქართველოს პრემიერის, პრეზიდენტის კეთილი სურვილები, მათი მილოცვები, ასევე ის მნიშვნელოვანი გზავნილები, რომელიც ჩვენ გაგვაჩნია აშშ-ის მიმართ და რაც გულისხმობს იმას, რომ საქართველოს ხელისუფლება მზადაა, გადაიშალოს ახალი ფურცელი ჩვენს ურთიერთობებში და ის დაემყაროს ურთიერთსარგებელს, ჩვენი პარტნიორობა გახდეს მტკიცე და კიდევ უფრო გაძლიერდეს ის ხალხთაშორისი ურთიერთობები, რომელიც ამ ეტაპზე არსებობს.

მინდა აღვნიშნო, რომ შეხვედრა ძალიან თბილ და მეგობრულ გარემოში ჩატარდა,შეხვედრას ესწრებოდა სახელმწიფო მდივანი მარკო რუბიო.

მინდა, მადლობა გადავუხადო აშშ – ის სახელმწიფო ადმინისტრაციას, იმისთვის რომ ამ მნიშვნელოვანი ცერემონიის ჩატარება საქართველოსთან მიმართებაში შესაძლებელი გახდა უმოკლეს დროში. მინდა, კიდევ ერთხელ ხაზი გავუსვა იმ ფაქტს, რომ ჩვენ დიდი ხელშეწყობა გვქონდა, რათა ეს პროცედურები რაც შეიძლება სწრაფად და მალე განხორციელებულიყო.

აღსანიშნავია, რომ გუშინ ასევე მქონდა ძალიან საინტერესო და მნიშვნელოვანი შეხვედრა აშშ-ის სახელმწიფო პროტოკოლის ხელმძღვანელთან, ელჩ მონიკა ქრაულისთან. ეს შეხვედრა წარიმართა ძალიან მეგობრულ ატმოსფეროში.

ჩვენ გვქონდა შესაძლებლობა, ამ შეხვედრების განმავლობაში გვესაუბრა საქართველო- აშშ-ის ურთიერთობების გაძლიერებაზე და ასევე იმ სამოქმედო გეგმაზე, რომელიც გაიწერება და იქნება სახელმძღვანელო იმისათვის, რომ ჩვენი სამომავლო გეგმები და თანამშრომლობა იყოს ძლიერი და მტკიცე”, – განაცხადა ელჩმა შეხვედრის შემდეგ, რომლის კომენტარასაც უწყება ავრცელებს.

დონალდ ტრამპს გადავეცი მნიშვნელოვანი გზავნილები, რომელიც გაგვაჩნია აშშ-ის მიმართ და რაც გულისხმობს იმას, რომ საქართველოს ხელისუფლება მზადაა, გადაიშალოს ახალი ფურცელი ჩვენს ურთიერთობებში , – ამის შესახებ ნათქვამია აშშ-ში საქართველოს საგანგებო და სრულუფლებიანმა ელჩის თამარ ტალიაშვილის განცხადებში, მას შემდეგ რაც მან ამერიკის შეერთებული შტატების პრეზიდენტ დონალდ ტრამპს თეთრ სახლში რწმუნებათა სიგელები გადასცა.

როგორც ტალიაშვილი აღნიშნავს, „შეხვედრა ძალიან თბილ და მეგობრულ გარემოში ჩატარდა და მას ესწრებოდა სახელმწიფო მდივანი მარკო რუბიო.

“მნიშვნელოვანი დღე იყო დღეს ქართულ-ამერიკულ ურთიერთობებში. მქონდა პატივი, გადამეცა რწმუნებათა სიგელები აშშ-ის პრეზიდენტ დონალდ ტრამპისთვის. მე მას ასევე გადავეცი საქართველოს ხელისუფლების, ქართველი ხალხის, საქართველოს პრემიერის, პრეზიდენტის კეთილი სურვილები, მათი მილოცვები, ასევე ის მნიშვნელოვანი გზავნილები, რომელიც ჩვენ გაგვაჩნია აშშ-ის მიმართ და რაც გულისხმობს იმას, რომ საქართველოს ხელისუფლება მზადაა, გადაიშალოს ახალი ფურცელი ჩვენს ურთიერთობებში და ის დაემყაროს ურთიერთსარგებელს, ჩვენი პარტნიორობა გახდეს მტკიცე და კიდევ უფრო გაძლიერდეს ის ხალხთაშორისი ურთიერთობები, რომელიც ამ ეტაპზე არსებობს.

მინდა აღვნიშნო, რომ შეხვედრა ძალიან თბილ და მეგობრულ გარემოში ჩატარდა,შეხვედრას ესწრებოდა სახელმწიფო მდივანი მარკო რუბიო.

მინდა, მადლობა გადავუხადო აშშ – ის სახელმწიფო ადმინისტრაციას, იმისთვის რომ ამ მნიშვნელოვანი ცერემონიის ჩატარება საქართველოსთან მიმართებაში შესაძლებელი გახდა უმოკლეს დროში. მინდა, კიდევ ერთხელ ხაზი გავუსვა იმ ფაქტს, რომ ჩვენ დიდი ხელშეწყობა გვქონდა, რათა ეს პროცედურები რაც შეიძლება სწრაფად და მალე განხორციელებულიყო.

აღსანიშნავია, რომ გუშინ ასევე მქონდა ძალიან საინტერესო და მნიშვნელოვანი შეხვედრა აშშ-ის სახელმწიფო პროტოკოლის ხელმძღვანელთან, ელჩ მონიკა ქრაულისთან. ეს შეხვედრა წარიმართა ძალიან მეგობრულ ატმოსფეროში.

ჩვენ გვქონდა შესაძლებლობა, ამ შეხვედრების განმავლობაში გვესაუბრა საქართველო- აშშ-ის ურთიერთობების გაძლიერებაზე და ასევე იმ სამოქმედო გეგმაზე, რომელიც გაიწერება და იქნება სახელმძღვანელო იმისათვის, რომ ჩვენი სამომავლო გეგმები და თანამშრომლობა იყოს ძლიერი და მტკიცე”, – განაცხადა ელჩმა შეხვედრის შემდეგ, რომლის კომენტარასაც უწყება ავრცელებს.