გაუმჭვირვალობამ აცდუნა როგორც ორგანიზაცია, ასევე დონორი, რომ გაეყალბებინათ პარალელური დათვლის შედეგები, თუმცა, როგორც კი საზოგადოებისთვის გამჭვირვალე გავხადეთ ინფორმაცია დონორების, მათ შორის USIAD-ისა და NDI-ის თაობაზე, მაშინვე მოუწიათ უკან დახევა და საბოლოო ჯამში პარალელური დათვლის მთავარი დანიშნულება რაც იყო, რიგგარეშე არჩევნების გამოწვევა, ეს ვეღარ მოხერხდა, – ამის შესახებ საქართველოს პრემიერ-მინისტრმა ირაკლი კობახიძემ პირველი არხის გადაცემაში „გადაწყვეტილება“ განაცხადა.

როგორც ირაკლი კობახიძემ აღნიშნა, არასამთავრობო ორგანიზაციების დაფინანსებაზე როცა აქცენტი არ კეთდებოდა, ამ პირობებში თავისუფლად გააყალბეს პარალელური დათვლის შედეგები.

„იმ პირობებში, როცა არათუ გამჭვირვალე არ იყო, არამედ აქცენტიც კი არ კეთდებოდა გამჭვირვალობაზე, მოხდა რა – USIAD აფინანსებდა პარალელური დათვლის პროცესს და კონკრეტულად NDI-ის მიერ დაფინანსებული თანამშრომელი ითვლიდა პარალელურად საარჩევნო შედეგებს. NDI და USIAD იყო პირდაპირ ჩართული. იმ პირობებში, როდესაც არც გამჭვირვალე იყო ეს დაფინანსება, არც არავინ აკეთებდა აქცენტს გამჭვირვალობის აუცილებლობაზე, ძალიან მარტივად გააყალბეს პარალელური დათვლის შედეგები, შესაბამისად, გაუმჭვირვალობამ შექმნა ცდუნება, რომ ასეთი რამ გაკეთებულიყო. გაუმჭვირვალობამ შეასრულა სწორედ ეს როლი, რომ დაზღვევა ვერ მოხდა. მას შემდეგ რაც, ჩვენ გამჭვირვალე გავხადეთ ინფორმაცია, ანუ საზოგადოებას მივაწოდეთ ინფორმაცია დონორებთან დაკავშირებით, ამან ნახეთ, რამხელა შედეგი გამოიღო – საბოლოო ჯამში ეს გაყალბება იყო განკუთვნილი, რათა ჩატარებულიყო რიგგარეშე არჩევნები და სწორედ გამჭვირვალობით, საზოგადოებისთვის ინფორმაციის მიწოდებით, მოვახერხეთ ის, რომ პარალელური დათვლის გაყალბება ვეღარ გახდა რიგგარეშე არჩევნების ჩატარების მიზეზი“, – განაცხადა ირაკლი კობახიძემ.

მისივე თქმით, გამჭვირვალობამ ძალიან დიდი, საკვანძო როლი შეასრულა, რომ გაყალბებული პარალელური დათვლის წყალობით მათ ვერ მოახერხეს რიგგარეშე არჩევნების გამოწვევა ქვეყანაში.

„პარალელური დათვლა სწორედ რომ საჩვენო არგუმენტია ანუ გაუმჭვირვალობამ აცდუნა როგორც ორგანიზაცია, ასევე დონორი, რომ გაეყალბებინათ პარალელური დათვლის შედეგები, თუმცა, როგორც კი საზოგადოებისთვის გამჭვირვალე გავხადეთ ინფორმაცია დონორების თაობაზე, მათ შორის USIAD-ისა და NDI-ის თაობაზე, მაშინვე მოუწიათ უკან დახევა. საბოლოო ჯამში პარალელური დათვლის მთავარი დანიშნულება რაც იყო, რიგგარეშე არჩევნების გამოწვევა, ეს ვეღარ მოხერხდა. გამჭვირვალობამ იქაც თავისი ძალიან სერიოზული როლი შეასრულა. თუ მომავალში წინდაწინ იქნება გამჭვირვალე ყველაფერი, რა თქმა უნდა, თავიდანვე იქნება დაზღვეული ასეთი არასწორი პრაქტიკა როგორიც არის პარალელური დათვლის შედეგების გაყალბება, რევოლუციის მოწყობის მცდელობა და ა.შ“, – განაცხადა პრემიერ-მინისტრმა.

გამჭვირვალობა ბევრ რამეს დააზღვევს, გაუჭირდებათ, ღიად უცხოური დაფინანსებით გააგრძელონ მაგალითად ეკლესიაზე თავდასხმა, ან აწარმოონ ლგბტ პროპაგანდა და ა.შ. ამიტომ ეშინიათ ვიღაცებს გამჭვირვალობის, რომ მოუწევთ კონკრეტულ არასწორ პრაქტიკაზე უარის თქმა, – ამის შესახებ საქართველოს პრემიერ-მინისტრმა ირაკლი კობახიძემ პირველი არხის გადაცემაში „გადაწყვეტილება” განაცხადა.

მთავრობის მეთაურის შეფასებით, გამჭვირვალობის კანონი ხელს შეუწყობს იმას, რომ თვისებრივად გაიზრდება დონორების პასუხისმგებლობის საკითხი.

„მათ შორის იქ უამრავი ფაქტი ამოვარდება. საზოგადოება გაიგებს, ვინ აფინანსებდა მთელი ამ პერიოდის განმავლობაში მოძრაობას „სირცხვილია”, ან ისეთ ორგანიზაციებს, როგორიც არის მაგალითად „წერტილი”, „ტალღა” და ა.შ რომლებიც ღიად თავს ესხმიან მართლმადიდებელ ეკლესიას, პირდაპირ ეწევიან პროპაგანდას მართლმადიდებელი ეკლესიის წინააღმდეგ, ეწევიან ნარკოტიკების პროპაგანდას, ათას მანკიერებაში არიან ჩართული, პირდაპირ ჩართული არიან რადიკალიზმის გაღვივებაში. როდესაც საზოგადოება ამ ყველაფერს ნახავს, როცა საზოგადოებისთვის გამჭვირვალე გახდება ინფორმაცია იმის შესახებ, ვინ აღვივებს ამ ქვეყანაში პოლარიზაციას, ვინ ესხმის თავს მართლმადიდებელ ეკლესიას, ვინ ეწევა ლგბტ პროპაგანდას და ა.შ, ეს გამჭვირვალობა ხომ ბევრ რამეს დააზღვევს, ხომ გაუჭირდებათ, ღიად უცხოური დაფინანსებით გააგრძელონ მაგალითად ეკლესიაზე თავდასხმა, ან აწარმოონ ლგბტ პროპაგანდა და ა.შ. რა თქმა უნდა, ამაზე უკან დაიხევენ. ამიტომ ეშინიათ ვიღაცებს გამჭვირვალობის, რომ მოუწევთ კონკრეტულ არასწორ პრაქტიკაზე უარის თქმა”, – აღნიშნა პრემიერმა.

ერთადერთი, რაც უნდა გასაჯაროვდეს, ეს არის ფინანსებთან დაკავშირებული ინფორმაცია – შემოსავლები და ხარჯები, მეტი არაფერი, – ამის შესახებ საქართველოს პრემიერ-მინისტრმა ირაკლი კობახიძემ პირველი არხის გადაცემაში „გადაწყვეტილება“ განაცხადა.

მთავრობის მეთაურის თქმით, ამას პოლიტიკური პარტიები უკვე აკეთებენ და ეს ყველაფერი არასოდეს გამხდარა მათი საქმიანობის შეფერხების მიზეზი. მისივე განცხადებით, თუ გამჭვირვალობა აქამდე დაბრკოლებას არ უქმნიდა პოლიტიკურ პარტიებს, გაუგებარია, რატომ შეუქმნის დაბრკოლებას NGO-ებს.

„ერთადერთი, რაც უნდა გასაჯაროვდეს, ეს არის ფინანსებთან დაკავშირებული ინფორმაცია – შემოსავლები და ხარჯები, მეტი არაფერი, რასაც პოლიტიკური პარტიები უკვე აკეთებენ და არასოდეს ეს არ გამხდარა არც პარტიების საქმიანობის შეფერხების მიზეზი, არც მითუმეტეს მათი დახურვის მიზეზი და ა.შ. ანუ ასეთი ტიპის აბსურდულ საკითხებზე გვიწევს მსჯელობა. დღემდე, წლების განმავლობაში, პარტიები აქვეყნებენ მთლიანად, ბევრად უფრო დეტალურად, ვიდრე მოეთხოვებათ არასამთავრობო ორგანიზაციებს საკუთარ შემოსავლებს და გასავლებს და პარტიების საქმიანობის შეფერხების თემა არასოდეს დამდგარა დღის წესრიგში. მიუხედავად იმისა, რომ ბევრად უფრო გამჭვირვალეა პარტიების საქმიანობა, ვიდრე ამას ითვალისწინებს ახალი კანონი. ისინი ამტკიცებენ, რომ ამ ყველაფერმა, გამჭვირვალობამ, შეიძლება დაბრკოლება შეუქმნას ორგანიზაციის საქმიანობას. პარტიებს თუ არ უქმნიდა აქამდე, NGO-ებს რატომ შეუქმნის,“- აღნიშნა პრემიერმა.

წავიკითხე გამოგზავნილი დოკუმენტი და როგორც იურისტმა, შემიძლია ვთქვა, რომ ვენეციის კომისიას პროფესიულ ღირსებაზე საერთოდ უარი აქვს ნათქვამი, – ამის შესახებ საქართველოს პრემიერ-მინისტრმა ირაკლი კობახიძემ პირველი არხის გადაცემაში „გადაწყვეტილება”, გამჭვირვალობის კანონთან დაკავშირებით ვენეციის კომისიის დასკვნის შეფასებისას განაცხადა.

მთავრობის მეთაურის შეფასებით, დოკუმენტში უამრავი აბსურდული ჩანაწერი და ტყუილია.

„უბრალოდ, უხერხულობას ვგრძნობდი, როგორც იურისტი, როდესაც ამ დოკუმენტს ვკითხულობდი, იმდენად უსუსური იყო ის სახე, რომელიც აჩვენა ვენეციის კომისიამ ამ დოკუმენტით. არაფერი აქვთ სათქმელი და უბრალოდ არის სავსე აბსურდული ჩანაწერებით და მათ შორის ტყუილებით. უამრავი სიცრუე გხვდებათ თქვენ ვენეციის კომისიის დოკუმენტში და ამ სიცრუესთან ერთად არის სრულიად აბსურდული სამართლებრივი მსჯელობა ყოველგვარი არგუმენტაციის გარეშე, მაგრამ საზოგადოება უყურებს საბოლოო ჯამში არა იმას, თუ რა თქვა ვენეციის კომისიამ, არამედ უყურებს იმას, თუ სად არის სიმართლე და ეს არის ერთ-ერთი სერიოზული მიღწევა, რაც ჩვენ გვაქვს ამ 2-3 წლის განმავლობაში. ამიტომ ვამბობთ ხოლმე მათ შორის ხშირად, რომ დღეს ჩვენი ქვეყანა არის სუვერენული, როგორც არასდროს. ამაში მათ შორის იგულისხმება ის, რომ საზოგადოება უფრო მეტად აფასებს ჩვენი ქვეყნის დამოუკიდებლობას. ანუ დამოუკიდებლობის ფასი დღეს უფრო მეტად აქვს გააზრებული ქართულ საზოგადოებას დღეს, ვიდრე ჰქონდა თუნდაც 3-4 წლის წინ”, – აღნიშნა პრემიერმა.

წავიკითხე გამოგზავნილი დოკუმენტი და როგორც იურისტმა, შემიძლია ვთქვა, რომ ვენეციის კომისიას პროფესიულ ღირსებაზე საერთოდ უარი აქვს ნათქვამი, – ამის შესახებ საქართველოს პრემიერ-მინისტრმა ირაკლი კობახიძემ პირველი არხის გადაცემაში „გადაწყვეტილება”, გამჭვირვალობის კანონთან დაკავშირებით ვენეციის კომისიის დასკვნის შეფასებისას განაცხადა.

მთავრობის მეთაურის შეფასებით, დოკუმენტში უამრავი აბსურდული ჩანაწერი და ტყუილია.

„უბრალოდ, უხერხულობას ვგრძნობდი, როგორც იურისტი, როდესაც ამ დოკუმენტს ვკითხულობდი, იმდენად უსუსური იყო ის სახე, რომელიც აჩვენა ვენეციის კომისიამ ამ დოკუმენტით. არაფერი აქვთ სათქმელი და უბრალოდ არის სავსე აბსურდული ჩანაწერებით და მათ შორის ტყუილებით. უამრავი სიცრუე გხვდებათ თქვენ ვენეციის კომისიის დოკუმენტში და ამ სიცრუესთან ერთად არის სრულიად აბსურდული სამართლებრივი მსჯელობა ყოველგვარი არგუმენტაციის გარეშე, მაგრამ საზოგადოება უყურებს საბოლოო ჯამში არა იმას, თუ რა თქვა ვენეციის კომისიამ, არამედ უყურებს იმას, თუ სად არის სიმართლე და ეს არის ერთ-ერთი სერიოზული მიღწევა, რაც ჩვენ გვაქვს ამ 2-3 წლის განმავლობაში. ამიტომ ვამბობთ ხოლმე მათ შორის ხშირად, რომ დღეს ჩვენი ქვეყანა არის სუვერენული, როგორც არასდროს. ამაში მათ შორის იგულისხმება ის, რომ საზოგადოება უფრო მეტად აფასებს ჩვენი ქვეყნის დამოუკიდებლობას. ანუ დამოუკიდებლობის ფასი დღეს უფრო მეტად აქვს გააზრებული ქართულ საზოგადოებას დღეს, ვიდრე ჰქონდა თუნდაც 3-4 წლის წინ”, – აღნიშნა პრემიერმა.

3-4 წლის წინ ერთი ევროპარლამენტარი რომ რაღაც ცუდს იტყოდა, ამაზეც კი სერიოზული მღელვარება იყო საზოგადოებაში; დღეს ისე იღებენ ევროპარლამენტის უსამართლო რეზოლუციებს, საერთოდ არავითარი რეაქცია აღარ აქვს საზოგადოებას და ამ კუთხითაც გაჯანსაღებულია ვითარება, – ამის შესახებ საქართველოს პრემიერ-მინისტრმა ირაკლი კობახიძემ პირველი არხის გადაცემაში „გადაწყვეტილება” განაცხადა.

მთავრობის მეთაურის შეფასებით, საზოგადოების უდიდესი უმრავლესობა პირველ რიგში უყურებს, სად არის სიმართლე და მერე აქცევს ყურადღებას იმას, თუ ვინ რას ამბობს ამ სიმართლესთან დაკავშირებით.

„ჩვენ კვლევის შედეგებიც გავაცანით საზოგადოებას. როცა სოციოლოგიურ კვლევაში ეკითხებოდნენ ზოგადად გამჭვირვალობასთან დაკავშირებით, 80% აცხადებდა, რომ ემხრობოდა NGO-ების გამჭვირვალობის იდეას, რომ მათ უნდა გამოექვეყნებინათ ინფორმაცია საკუთარი ფინანსების შესახებ, თუმცა როგორც კი კითხვაში შემოდიოდა უცხოური ჩარევის ელემენტი, დაუჭერდნენ თუ არა ისინი მხარს იგივე კანონს, თუ უცხოელები იტყოდნენ, რომ არ ვარგა, მაჩვენებელი ამ შემთხვევაში 61%-მდე ჩამოდიოდა. დაახლოებით 20%-იანი კლება დაფიქსირდა, რაც მაინც მაღალი მაჩვენებელია. ერთსა და იმავე კანონზეა საუბარი – თუ უცხოელები არაფერს ამბობენ, 80%-ზე მეტს მოსწონს, მაგრამ თუ უცხოელებს არ მოსწონთ, ჩამოდის უკვე 61%-მდე. ეს დამოკიდებულება კიდევ არსებობს, მაგრამ აქაც თვისებრივად გაჯანსაღებულია ვითარება, ვინაიდან მხოლოდ 61%-მდე ჩამოვიდა ეს მაჩვენებელი. ჩვენ რომ გავიხსენოთ 3-4 წლის წინანდელი პერიოდი, ეს კლება იქნებოდა ბევრად უფრო დიდი. ერთი ევროპარლამენტარი რომ რაღაც ცუდს იტყოდა, ამაზეც კი სერიოზული მღელვარება იყო საზოგადოებაში. დღეს ისე იღებენ ევროპარლამენტის უსამართლო რეზოლუციებს, საერთოდ არავითარი რეაქცია აღარ აქვს საზოგადოებას. მოსამართლეებზე დააწესეს სანქციები და პრაქტიკულად ნულოვანი რეაქცია იყო. ამ კუთხითაც გაჯანსაღებულია ვითარება. საზოგადოების უდიდესი უმრავლესობა პირველ რიგში უყურებს, სად არის სიმართლე და მერე აქცევს ყურადღებას იმას, თუ ვინ რას ამბობს ამ სიმართლესთან დაკავშირებით. იგივე ეხება ვენეციის კომისიას”, – განაცხადა პრემიერმა.

ირაკლი კობახიძე – გაუმჭვირვალობა იყო ერთ-ერთი მთავარი ინსტრუმენტი, რომელმაც კონკრეტულ სუბიექტებს შეაძლებინა, ორჯერ ეცადათ რევოლუციის მოწყობა ამ ქვეყანაში

გაუმჭვირვალობა იყო ერთ-ერთი მთავარი ინსტრუმენტი, რომელმაც კონკრეტულ სუბიექტებს შეაძლებინა, ორჯერ ეცადათ რევოლუციის მოწყობა ამ ქვეყანაში, – ამის შესახებ საქართველოს პრემიერ-მინისტრმა ირაკლი კობახიძემ პირველი არხის გადაცემაში „გადაწყვეტილება” განაცხადა.

მთავრობის მეთაურის თქმით, ხელისუფლებას ყველა სცენარი წინასწარ ჰქონდა გათვლილი. ირაკლი კობახიძის განცხადებით, პოლარიზაციის დასასრულებალად საჭიროა პოლიტიკური პროცესის გამჭვირვალობა და NGO-ების გამჭვირვალობაც სწორედ ამას ნიშნავს.

„ჩვენ ყველა სცენარი გვქონდა გათვლილი. არსებული სცენარიც იყო აბსოლუტურად გათვლადი და ერთ-ერთი ვერსია, რაც განვიხილეთ, თუ რა შეიძლებოდა ყოფილიყო პროცესის გაგრძელება, იყო  სწორედ ეს, მათ შორის აქციები, რაც გაიმართა, არა ჯანსაღი რეაქციები, მათ შორის, უცხოელების მხრიდან, ბრძოლა გამჭვირვალობის წინააღმდეგ, ეს აბსოლუტურად მოსალოდნელი იყო. საბოლოო ჯამში, აქ ხდება ლუსტრაცია. როდესაც იბრძვი გამჭვირვალობის წინააღმდეგ, გამოდის, რომ კიდევ გაქვს განზრახული ის, რასაც აკეთებდი წინა წლების განმავლობაში.

გაუმჭვირვალობა იყო ერთ-ერთი მთავარი ინსტრუმენტი, რომელმაც კონკრეტულ სუბიექტებს შეაძლებინა, ორჯერ ეცადათ რევოლუციის მოწყობა ამ ქვეყანაში. როცა ამის შემდეგაც იბრძვი გამჭვირვალობის წინააღმდეგ, რჩება ლოგიკური აღქმა, შეგვიძლია გამოვიტანოთ ლოგიკური დასკვნა, რომ ვიღაცეებს უნდათ კიდევ ერთხელ სცადონ რევოლუციების მოწყობა ამ ქვეყანაში. რაც უბრალოდ არასწორია, ეს არ არის სწორი მიდგომა ჩვენი საზოგადოების და ქართული სახელწმიფოს მიმართ. არ შეიძლება ყოველწლიურად ქვეყანა, მუდმივად, ცხოვრობდეს ამ გაუთავებელი ე.წ. პოლარიზაციის რეჟიმში.

მე კიდევ ერთხელ გავიხსენებ 2016 წლის არჩევნები გახსოვთ, 2017 იყო ერთადერთი შედარებით მშვიდი წელი, 2018 წლის არჩევნები გახსოვთ, 2019 წლის მოვლენები – ორჯერ სხვადასხვა დროს როდესაც უხეშად გაღვივდა პოლარიზაცია, შემდეგ 2020 წლის არჩევნები, 2021 წლის მოვლენები, 2022 წელი, როდესაც არ მოგვანიჭეს, უსამართლოდ, კანდიდატის სტატუსი და ამის საფუძველზე სცადეს რევოლუციის მოწყობა, შემდეგ ეს გაგრძელდა 2023 წელს. ანუ, ყოველ წელს ჩვენ გვაქვს მუდმივი, ხელოვნურად შექმნილი ტურბულენტობა, არ დაასვენეს ეს ქვეყანა. ამ ვითარებაში, ჩვენ ვერ ვხედავთ სხვა გზას იმისათვის, რომ ქვეყანა დავამშვიდოთ, არ შეიძლება ყოველწლიურად ვცხოვრობდეთ მუდმივი პოლარიზაციის რეჟიმში, რაც მთლიანად ხელოვნურად არის გარედან თავს მოხვეული. ეს რადიკალური ოპოზიციაც მთლიანად არის ხელოვნურად, გარედან თავს მოხვეული, რადიკალური NGO-ები,  ტელევიზიები, ყველაფერი ის უმსგავსობა, რაც ხდებოდა ქვეყანაში 2012 წლამდე ხელისუფლების სახით, იყო გარედან თავს მოხვეული და რაც ხდება უკვე ოპოზიციის რიგებიდან ამ სუბიექტების შესრულებით, იმავე NGO-ებით, იმავე პოლიტიკოსებით, იმავე მედიასაშუალებებით, ესეც არის გარედან თავს მოხვეული, ხელოვნურად. იმისათვის, რომ ეს დასრულდეს, ერთხელ და სამუდამოდ, ჩვენ გვჭირდება პოლიტიკური პროცესის გამჭვირვალობა. NGO-ების გამჭვირვალობაც ნიშნავს პოლიტიკური პროცესის გამჭვირვალობას,”- აღნიშნა პრემიერმა.