რთველის საკოორდინაციო შტაბს თელავში დღეს სოფლის მეურნეობის მინისტრი ოთარ შამუგია გახსნის.

წელს კახეთში ყურძნის საუკეთესო მოსავალს ელიან, რომლის საპროგნოზო მოცულობა დაახლოებით 300 ათას ტონას შეადგენს. მევენახე ფერმერების მიერ მოწეული ყურძნის რეალიზაციის ხელშეწყობისა და მეღვინეობის დარგის სტაბილური განვითარების მხარდაჭერის მიზნით, საქართველოს მთავრობა რთველის სუბსიდირებას განახორციელებს, რაც 20 ათასზე მეტ მევენახეს მოსავლის შეუფერხებელი რეალიზაციის, ხოლო რთველში ჩართულ 500-მდე კომპანიას, ყურძნის შესყიდვა-გადამუშავების შესაძლებლობას მისცემს.

სახელმწიფო სუბსიდიას მიიღებს ის კომპანია, რომელიც 2024 წლის რთველის განმავლობაში, შეიძენს და გადაამუშავებს კახეთის რეგიონში მოწეულ არანაკლებ 100 ტონა რქაწითელის ჯიშის ყურძენს და შესყიდული 1 კგ. ყურძნის სანაცვლოდ, ყურძნის ჩამბარებელს არანაკლებ 1.00 ლარს გადაუხდის. კახეთის რეგიონში, მევენახის მიერ მოწეული ყურძნის შესყიდვის სანაცვლოდ, კომპანიებზე გასაცემი სუბსიდია 1კგ. რქაწითელზე – 20 თეთრს შეადგენს.

რთველის პერიოდში საკოორდინაციო შტაბი და სოფლის მეურნეობის სამინისტროს ცხელი ხაზი ნომრით – 1501, 24-საათიან რეჟიმში იმუშავებს.

რთველის საკოორდინაციო შტაბს ღვინის ეროვნული სააგენტოს თავმჯდომარე ლევან მეხუზლა უხელმძღვანელებს.

იუსტიციის სახლის მიმდებარედ საგზაო მოძრაობა ღამის საათებში დროებით შეიზღუდება. ამის შესახებ ინფორმაციას თბილისის მერია ავრცელებს.

მათივე ცნობით, შეზღუდვა 20 აგვისტოს 00:00 საათიდან 05:00 საათამდე იმოქმედებს და გზა ორივე მიმართულებით გადაიკეტება.

„იუსტიციის სახლის წინ არსებული საფეხმავლო ხიდის სადემონტაჟო სამუშაოების გამო, მტკვრის მარჯვენა სანაპიროზე საგზაო მოძრაობა დროებით შეიზღუდება.

მოძრაობის შეზღუდვა იუსტიციის სახლის მიმდებარე ტერიტორიაზე 20 აგვისტოს 00:00 საათიდან 05:00 საათამდე იმოქმედებს. გზა ორივე მიმართულებით გადაიკეტება.

თბილისის მერია ბოდიშს გიხდით შექმნილი დისკომფორტის გამო!“ – ნათქვამია განცხადებაში.

ვერძი

დღის დასაწყისი საკმაოდ დაძაბული იქნება, თუმცა გამოცდილების დახმარებით, ნებისმიერ პრობლემას სწრაფად გაუმკლავდებით და სწორ გადაწყვეტილებას მიიღებთ.
სანამ მათ განზრახვებს არ გაარკვევთ, ახალ ნაცნობებს სიფრთხილით უნდა მოეკიდოთ. დღის მეორე ნახევარი შესაძლებლობას გაძლევთ, სასარგებლო საქმეებზე ყურადღება გაამახვილოთ. საყვარელი ადამიანები სიამოვნებით გეხმარებიან. ბევრი უთანხმოება წარსულში დარჩება და თქვენი ძალისხმევით ჰარმონია და ურთიერთგაგება დაბრუნდება.

კურო

თუ ახალ საქმეს დღის პირველ ნახევარში დაიწყებთ, სწრაფი წარმატების იმდი ნუ გექნებათ. ამ დროს შეფერხებები გელით, რის გამოც საქმის დრულად დასრულება გაგიჭირდებათ. შუადღის შემდეგ ბევრად უფრო ხელსაყრელი დროა, რომელიც მარტივ გამარჯვებებს გპირდებათ. შეძლებთ მნიშვნელოვანი პრობლემის მოგვარებას, რომელიც თქვენს ახლობლებს აწუხებთ. ინტუიცია საიმედო მოკავშირეების პოვნაში დაგეხმარებათ.

ტყუპები

ემოციური ფონი არასტაბილურია, განწყობა კი ცვალებადი. ეცადეთ ყურადღება იმ საკითხებზე გაამახვილოთ, რომლებიც მხოლოდ თქვენზეა დამოკიდებული. ახლობლები თქვენს მხარდაჭერას ცდილობენ, მაგრამ სწორი სიტყვების პოვნა უჭირთ. ეცადეთ საღამო განმარტოებით, სიმშვიდეში გაატაროთ.

კირჩხიბი

დღის დასაწყისი საკმაოდ დაძაბულია ამიტომ ნებისმიერი წვრილმანი გაღელვებთ. თქვენთვის საყვარელი ადამიანების მხარდაჭერა განსაკუთრებით მნიშვნელოვანია, მაგრამ ზოგჯერ ის ძალიან იგვიანებს. შუადღის შემდეგ დადებითი ტენდენციების გავლენა თანდათან მოიმატებს და ნებისმიერ დავალებას სწრაფად გაუმკლავდებით. მოერიდეთ სამსახურებრივ რომანს, რომელიც პრობლემების გარდა, არაფერს მოგიტანთ.

ლომი

ხელსაყრელი დღეა. ენერგიით სავსე ხართ და წარმატების მიღწევაში გარემოებებიც გეხმარებათ. თქვენი ძალისხმევით გადაწყდება პრობლემა, რომელიც ახლობელ ადამიანებს აწუხებს.
ინტუიცია დაგეხმარებათ, რომ სიტუაციაში სწრაფად გაერკვეთ და წარმატების მიღწევის შანსი ხელიდან არ გაუშვათ. შესანიშნავი დღეა მომავლის დასაგეგმად. საკუთარ ძლიერ მხარეებს სწორად აფასებთ და მოკავშირეებს ადვილად პოულობთ, რაც გეგმების განხორციელებაში დაგეხმარებათ.

ქალწული

როგორც არ უნდა ეცადოთ, ამ დღეს კამათს თავიდან ვერ აიცილებთ. იქნებ ასე ჯობია? სწორედ ეს კამათი დაგეხმარებათ, რომ ყველასთვის მოსაწონი გამოსავალი იპოვოთ.
სახლში იმაზე მეტი საქმეა, ვიდრე სხვა დროს. გამორიცხული არ არის, რომ მოულოდნელი პრობლემების გადასაჭრელად შვებულების გადადება მოგიწიოთ. ყველაფერს გაუმკლავდებით, მაგრამ საღამოს თავს დაღლილად იგრძნობთ.

სასწორი

ეცადეთ, პროვოკაციებს არ აჰყვეთ და ჩხუბში არ ჩაერთოთ. დღეს ამას შეიძლება ცუდი შედეგები მოჰყვეს – გაღიზიანებული ხართ და ხანდახან ბრაზდებით მათზე, ვინც არაფერში არ არის დამნაშავე. სასურველი შედეგის მიღწევა ყოველთვის ადვილი არ არის, მაგრამ თუ ემოციებს მართვას მოახერხებთ და ცივი გონებით იმოქმედებთ, ყველა დაბრკოლების დაძლევას შეძლებთ.

მორიელი

მშვენიერი დღეა ახალი საქმიანი კავშირების დამყარებისა და ძველის გაძლიერებისთვის. შანსი გაქვთ სპონსორი იპოვოთ, რომელიც თქვენს ბიზნესპროექტებს დააფინანსებს. საყვარელ ადამიანებთან ურთიერთობა უფრო თბილი და ნდობით სავსე გახდება. შეგიძლიათ მათ საკუთარი პრობლემები და გამოცდილება გაუზიაროთ. შეგიძლიათ დარწმუნებული იყოთ, რომ კარგ რჩევას, მორალურ მხარდაჭერას ან რეალურ დახმარებას მიიღებთ.

მშვილდოსანი

უსმინეთ საკუთარ ინტუიციას – ის ორაზროვან სიტუაციებში სწორი გადაწყვეტილებების მიღებაში დაგეხმარებათ. შანსი გაქვთ, რომ თითქმის უიმედო საქმეში წარმატებას მიაღწიოთ. სავარაუდოდ, შორი ქვეყნიდან სასიხარულო სიახლეებს და მოგებიან შეთავაზებას მიიღებთ.
შესაძლებლობა გექნებათ, რომ ოჯახური უთანხმოება მოაგვაროთ და მშვიდობა დაამყაროთ მათთან, ვისთანაც დიდი ხანია, უთანხმოება გაქვთ.

თხის რქა

ნუ ცდილობთ შეუძლებელს მიაღწიოთ. ამ დღეს მნიშვნელოვანია, რომ თქვენი ძლიერი მხარეები სწორად შეაფასოთ და საგნებს რეალისტურად შეხედოთ. იქნებ რთული ამოცანების სამომავლოდ გადადება და უფრო მარტივზე ფოკუსირება ჯობს, რომლის მოგვარებას სწრაფად შეძლებთ. ეცადეთ, შეინარჩუნოთ კარგი ურთიერთობა ადამიანებთან, რომლებსაც შეუძლიათ თქვენს ცხოვრებაზე გავლენა მოახდინონ.
ხელსაყრელი დღეა ყოველდღიური პრობლემების მოსაგვარებლად. თუ ფინანსური მდგომარეობა ხელს გიწყობთ, გირჩევთ სახლისთვის ახალი ავეჯი და საყოფაცხოვრებო ტექნიკა შეიძინოთ.

მერწყული

ხელსაყრელი დღეა შემოქმედებითი საქმიანობისთვის, რომელიც მდიდარ ფანტაზიას მოითხოვს. გაცილებით რთული იქნება რუტინული ამოცანების ამოხსნა. გირჩევთ ფულს უსარგებლო ნივთებში ნუ დახარჯავთ, განსაკუთრებით კრედიტის აღებას უნდა მოერიდოთ.

თევზები

რთული ამოცანების გადაჭრას თავს ადვილად ართმევთ და ისეთ შედეგებს აღწევთ, როგორზეც სხვები მხოლოდ ოცნებობენ. ამაში ბოლო დროს შეძენილი ცოდნა და უნარები გეხმარებათ. გარშემომყოფებს საქმის მიმართ თქვენი სერიოზული მიდგომა მოსწონთ და გამორიცხული არ არის, რომ ვიღაცამ ხელსაყრელი პირობებით თანამშრომლობა შემოგთავაზოთ. რისკზე წასვლას უნდა მოერიდოთ, უმჯობესია სიფრთხილე და წინდახედულობა გამოიჩინოთ.

საქართველოს პრემიერ-მინისტრი ირაკლი კობახიძე, აღმასრულებელი და საკანონმდებლო ხელისუფლების წევრებთან ერთად, ბახმაროში სახალხო სადღესასწაულო ღონისძიებებს და ტრადიციულ დოღს დაესწრო, რომელიც ფერისცვალების დღესასწაულზე ყოველწლიურად იმართება.

მთავრობის მეთაურმა სახალხო დღესასწაულის სტუმრებსა და ადგილობრივებს ფერისცვალება მიულოცა.

„ძალიან მიხარია, რომ დღეს თქვენთან ერთად ვიზიარებ საზეიმო განწყობას. მინდა, მოგილოცოთ ფერისცვალება, ეს არაჩვეულებრივი დღესასწაული. ფარავდეს ამ დღის მადლი გურიას, ყველას ყველაფერს საუკეთესოს გისურვებთ! გურიაში განსაკუთრებულად იციან ქვეყნის სიყვარული, მშვიდობის ფასი. აქ ყველაზე კარგად ესმით ასევე პოლიტიკა და ჩვენთვის განსაკუთრებით ძვირფასია გურულებთან ურთიერთობა, ეს შემიძლია, თამამად გითხრათ. მიხარია, რომ დავესწარი დოღს, რომელსაც საუკუნოვანი ტრადიცია აქვს და ვულოცავ დოღში გამარჯვებულებს“, – განაცხადა პრემიერ-მინისტრმა.

ადგილობრივებს და ბახმაროში შეკრებილ სტუმრებს სახალხო დღესასწაული მიულოცეს სახელმწიფო რწმუნებულმა გურიის რეგიონში, გიორგი ურუშაძემ და ჩოხატაურის მერმა, დავით შარაშიძემ.

მთავრობის მეთაურმა ადგილობრივი მეწარმეების პროდუქციის გამოფენა დაათვალიერა და გაესაუბრა მეწარმეებს, რომლებმაც მცირე ბიზნესი სახელმწიფოს მხარდაჭერით დაიწყეს.

სახალხო დღესასწაულთან დაკავშირებული გასართობი და კულტურული ღონისძიებები ბახმაროში მთელი დღის განმავლობაში გრძელდება.

ინფორმაციას საქართველოს მთავრობა სოციალურ ქსელში ავრცელებს.