სწორად გეშინია, დაგველოდეთ, 4 ოქტომბერს ივანიშვილი, შენ და შენნაირი „კუდაბზიკები“ დაელოდეთ ხალხის განაჩენს, – ასე მიმართა „ნაციონალური მოძრაობის“ პოლიტსაბჭოს თავმჯდომარე, ლევან ხაბეიშვილს თბილისის მერს, კახა კალაძეს.

მისი განცხადებით, კახა კალაძე „აბსოლუტურ ისტერიკაშია“.

„ეს კაცი ამ „ბრიქაობის“ ნაცვლად, დაინტერესებული რომ იყოს, ნოემბერ-დეკემბერში ადამიანები რომ დაასისხლიანეს, ერთი საქმე გამოეძიებინათ – ჟურნალისტები რომ დაასახიჩრეს, ქუჩაში რომ დასდევდნენ, მათ შორის თქვენს კოლეგებს, მაკა ჩიხლაძეს, გურამ როგავას, ერთი საქმე რომ ჰქონდეთ გამოძიებული, ვიტყოდი, რომ ადეკვატურად „იწელება“ ეს კაცი, მაგრამ რაც ვნახე, აბსოლუტურ ისტერიკაშია. „აბა, გაბედეთ“- იძახის და უკაცრავად, ჩვენ არ ვართ ის ხალხი, რომელიც კანონს და კონსტიტუციას გადადის. ესენია ის ხალხი, ვისაც კანონიც ფეხებზე ჰკიდიათ და კონსტიტუციაც, მძარცველები არიან და ეს არის მათი ყოველდღიურობა. კახი, ჩვენ გავბედავთ იმას, რომ თქვენ ვეღარ გაბედავთ ადამიანების წამებას. ჩვენ გავბედავთ იმას, რომ თქვენ ვეღარ მოიტაცებთ ჩვენს მოქალაქეებს და მერე სისხლის გუბეებს ვერ დააყენებთ ე.წ. პოლიციის ავტომობილებში. კი, ამას გავბედავთ და თქვენ არ წაგიცდეთ ხელი. დამშვიდდი, დადინჯდი, ეს ისტერიკა ცუდია, გუნდში გეტყვიან, რომ შენი გამომეტყველება ძალიან მშიშარა, მხდალი კაცის გამომეტყველებას ჰგავდა. სწორად გეშინია, დაგველოდეთ, 4 ოქტომბერს ივანიშვილი, შენ და შენნაირი „კუდაბზიკები“ დაელოდეთ ხალხის განაჩენს. მუდმივად ჩვენ და ხალხი ელოდება, ვის რამდენს მოჰპარავთ, ვის რამდენს მიუსჯით, ვის დაიჭერთ და ფიზიკურად გაუსწორდებით, 4 ოქტომბერს ახლა ჩვენ დაგველოდეთ, რა განაჩენს გამოვიტანთ. მათი მოწოდებებია, რომ „აბა, გაბედეთ უკანონობა“- არა კახი, აბა თქვენ გაბედეთ და ქართველ ხალხზე აღმართეთ ხელი. ამ შემთხვევაში, ნამდვილად მიიღებთ მრისხანებას“,- განაცხადა ხაბეიშვილმა.

„რამდენიმე ათეული, სახე დაკარგული ადამიანის ქმედებასთან გვაქვს საქმე“, – ამის შესახებ ოპოზიციაზე საუბრისას პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილემ გიორგი სოსიაშვილმა განაცხადა. 

„ასეთი გამოხტომები მათი მხრიდან არახალია. ჩვენი საზოგადოება ამ ყველაფრით უკვე დაიღალა – რამდენიმე ათეული, სახე დაკარგული ადამიანის ქმედებასთან გვაქვს საქმე. გახსოვთ, ჯერ კიდევ იმ პერიოდში, როცა რამდენჯერმე მიიტანეს შტურმი ჩვენი სახელმწიფოს მთავარი ინსტიტუციის – პარლამენტის წინააღმდეგ, ძალადობდნენ პოლიციელებზე, ლამის გადაწვეს ჩვენი დედაქალაქი, თავიდანვე დამარაგებული ჰქონდათ აღჭურვილობა, მსხვილი, მდიდარი „ენჯეოების“ დაფინანსებით. ამჯერად, უკვე ინერციით მოდიან. დავესესხები ჩვენს ერთ დიდებულ მწერალს, გურამ რჩეულიშვილს – სასაცილომდე მისული ინერციაა ეს ყველაფერი“, – აცხადებს სოსიაშვილი. 

თვითმმართველობის არჩევნებში მონაწილეობის გამო, მწვავე კრიტიკის ობიექტი გახდნენ „ლელოს“ ლიდერები, რომლებმაც სასჯელაღსრულების დაწესებულება პრეზიდენტის შეწყალების საფუძველზე დატოვეს.

„ნაციონალური მოძრაობა“ და ბოიკოტში მყოფი სხვა პარტიები „ლელოს“ ისევ ღალატში ადანაშაულებენ.

თვითმმართველობის არჩევნებში მონაწილეობის გამო, მწვავე კრიტიკის ობიექტი გახდნენ “ლელოს” ლიდერები, რომლებმაც სასჯელაღსრულების დაწესებულება პრეზიდენტის შეწყალების საფუძველზე დატოვეს.

კოლეგების მხრიდან ბულინგისა და ზეწოლის მიუხედავად, “ძლიერი საქართველო”, მარათონში მონაწილეობასთან დაკავშირებით, გადაწყვეტილებას არ ცვლის. ამბობენ, რომ ყოფილი პარტნიორების აზრი მათზე გავლენას ვერ მოახდენს.

“ჩვენს მიდგომაში არანაირი ცვლილება არ არის. ჩვენ არ ვაპირებთ, ვიყოთ ოპოზიციის ოპოზიცია. ჩვენ ავირჩიეთ ჩვენი გზა – ბრძოლაში შევედით და ამას ვერაფერი შეცვლის”, – აცხადებს პარტია ”ლელო – ძლიერი საქართველოს” პოლიტიკური საბჭოს წევრი გიორგი სიორიძე.

“ნაციონალური მოძრაობა” და ბოიკოტში მყოფი სხვა პარტიები “ლელოს” ისევ ღალატში ადანაშაულებენ და მოუწოდებენ, უარი თქვან 4 ოქტომბრის არჩევნებზე.

“მათ ოპოზიციურ ამომრჩეველში სანდოობა აბსოლუტურად დაკარგეს. ისინი იხილავენ იმ კატასტროფულ რეიტინგს, რომელიც მათ ოპოზიციურ ამომრჩეველში აქვთ. ეს გადაწყვეტილება არის არა ოპოზიციური, არამედ სახელისუფლებო საქმე. ეს ხალხი, თავისი ამ ნაბიჯით, უპირისპირდება თავისივე ამომრჩეველს და აყენებს ზიანს თავის რეპუტაციასა და პოლიტიკურ მომავალს”, – აცხადებს პარტია ”ერთიანობა – ნაციონალური მოძრაობის” გენერალური მდივნის მოადგილე ირაკლი ფავლენიშვილი.

წინასაარჩევნო კამპანიის ფარგლებში, „ქართული ოცნება-დემოკრატიული საქართველოს“ თბილისის მერობის კანდიდატი კახა კალაძე სამგორის რაიონის მოსახლეობას შეხვდა.

კახა კალაძემ დეტალურად ისაუბრა დედაქალაქში მიმდინარე და სამომავლო პროექტებზე, მოსახლეობას გააცნო სამოქმედო გეგმა.

მანვე ხაზი გაუსვა იმ ფაქტს, რომ „ქართული ოცნება“ არის ერთადერთი პოლიტიკური ძალა, რომელიც გრძნობს პასუხისმგებლობას და ანგარიშვალდებულებას ამომრჩევლის წინაშე.

„მეგობრებო, თქვენ კარგად იცით, რომ არასდროს გაგვიწყვეტია კავშირი მოსახლეობასთან, რადგან ვგრძნობთ უდიდეს პასუხისმგებლობას ამომრჩევლის წინაშე, ვინც გვანდო ქვეყნის და ქალაქის ბედი. სწორედ ამიტომ, წინასაარჩევნო კამპანია დავიწყეთ ადრიანად, რათა ყველასთან მივსულიყავით, მიგვეტანა ჩვენი სათქმელი, გაგვეზიარებინა სამომავლო გეგმები, მოგვესმინა თქვენთვის. ყველა ხედავს, როგორი მუდმივი რყევების და ხელოვნურად შექმნილი დაძაბულობის ქვეშ გვიწვეს ცხოვრება.

ის რაზეც „ქართული ოცნება“ ბოლო წლებია ხმამაღლა და დაუფარავად საუბრობდა, დღეს მსოფლიოსთვის გახდა ცხადი. გჯეროდეთ, არცერთი ნაბიჯი არ იქნება გადადგმული საქართველოს და მისი ხალხის ინტერესების საზიანოდ. ეს ქვეყანა არის ჩვენი, საქართველოს თითოეული მოქალაქის და არავის მივცემთ უფლებას გვმართოს და დაგვიმონოს. ამისთვის არ უბრძოლიათ ჩვენ გმირ წინაპრებს, მათ სისხლით მოიპოვეს დამოუკიდებლობა. ჩვენი ვალია დავიცვათ ქვეყნის სუვერენიტეტი, ჩვენი იდენტობა, რწმენა და კულტურა. ამის საფუძველს გვაძლევს თქვენი მხარდაჭერა, ჩვენი ერთოანობა,“- განაცხადა კახა კალაძემ შეხვედრაზე.

სამგორის რაიონის მოსახლეობასთან გამართულ შეხვედრას საკრებულოში სამგორის რაიონის მაჟორიტარობის კანდიდატები ესწრებოდნენ.

„ქვეყნის შიგნით წარმოდგენილი აგენტურა გარედან მიღებული მითითებით ცდილობს, რომ ყველაფერი ქართული და ძვირფასი, რაც გაგვაჩნია, წაბილწოს სხვადასხვა ქმედებით“, – ასე გამოეხმაურა დედაქალაქის მერი მედიასთან საუბრისას საზოგადოება „ქართულის“ განცხადებას.

კახა კალაძის თქმით, როცა საქართველოს ხელისუფლება გარედან შემოსული თანხების შესახებ საუბრობდა, საზოგადოების ნაწილი ქილიკობდა, თუმცა, აშშ-ის პრეზიდენტმა  ყველაფერს ფარდა ახადა.

„ეროვნულ ცნობიერებას, ქვეყნის დამოუკიდებლობას, თავისუფლებას, სუვერენიტეტს ვინ ებრძვის ხომ ვიცით – ქვეყნის შიგნით წარმოდგენილი აგენტურა გარე დავალებებით. ისინი გარედან მიღებული მითითებით ცდილობენ, რომ ყველაფერი ქართული და ძვირფასი, რაც გაგვაჩნია, იყოს წაბილწული სხვადასხვა ქმედებით. თუნდაც სარწმუნოების მხრივ, პატრიარქის, ჩვენი კულტურის, ტრადიციების წინააღმდეგ გამოდიან. ეს შემთხვევითი არ არის, ყველაფერი იმართება და ფინანსდება გარედან.

არიან სხვადასხვა ტიპის ორგანიზაციები, რომლებიც ყველაფრისთვის მზად არიან, ნებისმიერ სიბინძურეს გააკეთებენ და დავალებებს შეასრულებენ. ეს მიმართულია საზოგადოების გახლეჩვის, დაპირისპირების, პოლარიზაციის გაღრმავებისკენ, სახელმწიფო გადატრიალების მცდელობები აქვთ და ა.შ. ამაზე როცა ვსაუბრობდით, დაგვცინოდნენ, ქილიკობდნენ – რა გლობალური ომის პარტია, რაგ არედან შემოსული თანხებიო. გამოვიდა დონალდ ტრამპი და ყველაფერს ახადა ფარდა, დაარქვა თავისი სახელი, თუ როგორ ხდებოდა სხვადასხვა სახელმწიფოში, მათ შორის საქართველოშიც, ვითომ არასამთავრობო ორგანიზაციების გავლით თანხების შემოდინება და ქვეყნის შიგნით რევოლუციას ხმარდებოდა. ქართველები ემოციური ხალხი ვართ, მაგრამ დღეს ემოცია ყველაზე ნაკლებად გვჭირდება. ცივი გონებით სწორი გადაწყვეტილებები უნდა მივიღოთ, რომ ქვეყნის და ქართველი ხალხის ინტერესები იყოს გათვალისწინებული“, – აღნიშნა თბილისის მერმა.

ტრენდია, რომ თურმე პოლიტიკოსებს შეიძლება, გადაუარო, იმიტომ რომ მედიაში ზიხარ და არავის აქვს უფლება, ობიექტური აზრი თქვას ჟურნალისტებზე, ამიტომ ვართ ამ დღეში. ისევე როგორც პოლიტიკოსების ჟურნალისტების სტანდარტიც არის ასაწევი, – ამის შესახებ „ლელო – ძლიერი საქართველოს“ ლიდერმა, მამუკა ხაზარაძემ „ტვ პირველის“ ეთერში განაცხადა.

მისი თქმით, მომავალი ევროპული მასმედია, განსაკუთრებით ტელევიზია, ისეთი ადგილი უნდა იყოს, სადაც ჟურნალისტი განსხვავებულ არგუმენტებს შეაფასებს და არ იტყვის, რომ მე ამას ვუჭერ მხარს. მამუკა ხაზარაძის თქმით, ეს უკვე პოლიტიკოსობაა.

„გუშინ, იმის მაგივრად, რომ ოპოზიციიდან ან იმ ხალხისგან, ვინც ბიძინა ივანიშვილის ამ პროვოკაციას წამოეგო აქცენტი გაკეთებულიყო, რომ როგორ შეიძლება, ერთი და იგივე, ტყუპისცალივით ერთნაირი დანაშაულისთვის მყოფი რვა პოლიტმაპტიმრისგან ორის გათავისუფლება ხდება და დანარჩენის არა, აქცენტი არავის არ გაუკეთებია, რომ ეს კიდევ ერთი ლუსტრაციაა და ნიღბის ჩამოხსნა სისტემის. იმ სისტემის, სადაც ჩვენ ვაძლევთ უფლებას, კანონი ფეხქვეშ გათელონ, თავზე გადაგვახიონ, დააპირისპირონ ადამიანები. და იმის მაგივრად, რომ გუშინ მედიას ამაზეც გაეკეთებინა აქცენტები, ზოგმა ჟურნალისტმა თავს უფლება მისცა, რომ პოლიტიკოსობა დაეწყო და პირობები დაეყენებინა – ახლა ხაზარაძე გამოვა და პასუხს გასცემს, იღებს თუ არა არჩევნებში მონაწილეობას. ეს ყველაფერი ბიძინა ივანიშვილის წისქვილზე ასხმას წყალს. როდესაც ჟურნალისტი ან გარკვეული ჟურნალისტები მოცემულობას ქმნიან, სამი საათის განმავლობაში და თქვენ იცით, როგორ იქმნება საზოგადოებრივი აზრი, უკვე იმაზე კი არ არის საუბარი, მოდი, გავერკვეთ, რა მოხდა, არამედ ამათ თურმე იმიტომ უშვებენ, რომ რაღაცა თეორიაა, მოლაპარაკება“, – განაცხადა მამუკა ხაზარაძემ.

მისი თქმით, ზოგიერთი ჟურნალისტი არის მხარე.

„არა მარტო გუშინ, ზოგიერთი ჟურნალისტები არიან მხარე, ეს უნდა ითქვას. მე არ ვიცი, ვინმეს ეწყინება თუ არ ეწყინება, მაგრამ მე ტელევიზია და მომავალი ევროპული მასმედია, განსაკუთრებით ტელევიზია, მიმაჩნია ისეთ ადგილად, სადაც ჟურნალისტი ამ არგუმენტსაც და იმ არგუმენტსაც შეაფასებს და არ იტყვის, რომ იცი რა, მე ამას ვუჭერ მხარს. ეს უკვე პოლიტიკოსობაა. პედესტალიდან პოლიტიკოსებს ნურავინ ნუ გველაპარაკება. ტრენდია, რომ თურმე პოლიტიკოსებს შეიძლება, გადაუარო, იმიტომ რომ მედიაში ზიხარ და არავის აქვს უფლება, ობიექტური აზრი თქვას ჟურნალისტებზე. ამიტომ ვართ ამ დღეში. ეს სტანდარტი, ისევე როგორც პოლიტიკოსების სტანდარტი, ჟურნალისტების სტანდარტიც არის ასაწევი. გინდა ვინმეს ეწყინოს, გინდა არა“, – განაცხადა მამუკა ხაზარაძემ.