Home Blog Page 10

საქართველოს ხელისუფლებამ და ფარიკაობის საერთაშორისო ფედერაციამ უნდა უპასუხონ რუსი სპორტსმენების წინააღმდეგ მიმართულ პროვოკაციას – რუსეთის სახელმწიფო დუმის დეპუტატი

საქართველოს ხელისუფლებამ და ფარიკაობის საერთაშორისო ფედერაციამ უნდა უპასუხონ რუსი სპორტსმენების წინააღმდეგ მიმართულ პროვოკაციას, – ამის შესახებ რუსეთის სახელმწიფო დუმის დეპუტატმა და ფიზიკური კულტურისა და სპორტის კომიტეტის თავმჯდომარის პირველმა მოადგილემ, დიმიტრი სვიშჩევმა განაცხადა, რითაც თბილისში მიმდინარე ფარიკაობის მსოფლიო ჩემპიონატზე რუსი სამხედრო სპორტსმენების მონაწილეობის გამო გამართულ საპროტესტო აქციას გამოეხმაურა.

რუსეთის დუმის წარმომადგენელი ირწმუნება, რომ დემონსტრაციით “რუსეთის ფედერაციის მოქალაქეების უფლებები შელახეს”.

„ძალიან მნიშვნელოვანია, რომ საქართველოს ხელისუფლებამ რეაგირება მოახდინოს ასეთ უპრეცედენტო პროვოკაციაზე არა მხოლოდ რუსი სპორტსმენების, არამედ მთელი სპორტული საზოგადოების, მათ შორის საერთაშორისო ფარიკაობის ფედერაციის მიმართ. თუ მსოფლიო ჩემპიონატის მასპინძელი ქვეყანა იღებს ვალდებულებებს ვიზების უზრუნველყოფის, უსაფრთხოების, მათ შორის ჩვენი სპორტსმენების მიმართ, მაშინ მათ პასუხისმგებლობა უნდა აიღონ მომხდარზე. ეს იყო კარგად დაგეგმილი აქცია და პროვოკაცია, არ ვიცით, ვინ შეუკვეთა, თუმცა წავიკითხე, რომ უკრაინელი სპორტსმენები პროტესტს, პროვოკაციას ამზადებდნენ. როგორც ჩანს, ეს არის ის, რაც მოხდა”, – განაცხადა მან.

„17 რუსი სამხედრო ანწუხელიძის ქვეყანაში“ – ამ ლოზუნგით ახალ სპორტის სასახლესთან გუშინ საპროტესტო აქცია გაიმართა. აქციის მონაწილეების განცხადებით, ისინი საქართველოში მიმდინარე ფარიკაობის მსოფლიო ჩემპიონატზე 25 რუსი სპორტსმენის მონაწილეობას აპროტესტებენ, რომელთაგან, მათივე ინფორმაციით, 17 სამხედროა.

თიბისის განათლების შესაძლებლობები სტუდენტებისთვის:  გაიცანით მარიამ სტურუა

თიბისისთვის განათლება მნიშვნელოვანი სტრატეგიული მიმართულებაა და ამ გზაზე ახალი თაობის მხარდაჭერას აქტიურად განაგრძობს. თიბისი საგანმანათლებლო ფონდ „ვიზიონერის“ პარტნიორია და რამდენიმე სტუდენტს სრულად უფინანსებს სწავლის საფასურს, მათ შორისაა სამედიცინო ფაკულტეტის სტუდენტი მარიამ სტურუა.   

ახალი თაობა ქვეყნის განვითარების ძირითადი, შეუქცევადი ძალაა. ხარისხიანი განათლება კი როგორც ხშირად გადამწყვეტი კონკურენტული უპირატესობა, მარიამის ამბავშიც შეუცვლელ როლს ასრულებს. მისთვის განათლება არა მხოლოდ კარიერული წარმატების მიღწევის გარანტია, არამედ საკუთარი თავის ახლებურად, განსხვავებულ სიტუაციებში აღმოჩენის საშუალება. განათლებით იპოვა ისეთი შესაძლებლობები, რომლებმაც ცხოვრებაში წარმატების სხვადასხვა კარი გაუღო.

„ბავშვობიდანვე ვცდილობ, რომ ჩავერთო ბევრ საგანმანათლებლო აქტივობაში. შეიძლება უნივერსიტეტში ერთ მიმართულებას სწავლობდე, მაგრამ არაფორმალური განათლების სივრცეც ძალიან მნიშვნელოვანია მომავლისთვის. განსაკუთრებით, თუ უცხოეთში გინდა სწავლა ან გაცვლითი პროგრამებით წასვლა, იქ ძალიან დიდი ყურადღება ექცევა იმას, უნივერსიტეტის გარეთ რა გიკეთებია, რა პროგრამებში ჩართულხარ და ა.შ”

სწორედ ამ მიზნით – თავისი უნარების აღმოსაჩენად და შემდეგ რეალურ კონკურენტულ გარემოში მათი სწორი რეალიზებისთვის, ჩაერთო ვიზიონერის HR მენტორინგის პროგრამაში, რომელშიც, როგორც მან აღნიშნა, ძალიან დიდი ტრანსფორმაცია განიცადა.

„საკუთარი თავის რწმენა არის გადამწყვეტი ფაქტორი ნებისმიერი ოცნების მიღწევისთვის. როცა რაღაც ძალიან დიდი მიზანი გაქვს, წარმატებას ზოგჯერ მარცხიც მოჰყვება ხოლმე, რამაც არ უნდა ჩაგიკლას მოტივაცია, არ უნდა შეიტანო საკუთარ თავში ეჭვი. ამ დროს გეხმარება საკუთარი თავის რწმენა, რომ გააგრძელო შენი ამბის შექმნა.”

როდესაც განათლებით შენს ამბავს ქმნი, შეიძლება ზუსტად იმ დროს შენი დიდი მიზნისთვის საჭირო სათანადო გამოცდილება, მოტივაცია, მზაობა არ გქონდეს, მაგრამ სწორედ ამ ბუნდოვანებაში, მაშინ, როცა არაფერია, რაც ზუსტად იცი, უნდა დაიჯერო, რომ ახლა შეუძლებლად წარმოდგენილიც, შეგიძლია.

ყველაფერი გამოგივა, მთავარია გჯეროდეს შენი მიზნების!

R

პოლიციამ თბილისსა და რეგიონებში ნარკოდანაშაულის ბრალდებით 16 პირი დააკავა

შინაგან საქმეთა სამინისტროს საპატრულო პოლიციის, თბილისის, აჭარის, ქვემო ქართლისა და იმერეთის პოლიციის დეპარტამენტების თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად ნარკოდანაშაულის ბრალდებით 16 პირი დააკავეს. ინფორმაციას შსს ავრცელებს.

განსაკუთრებით დიდი ოდენობით ნარკოტიკული საშუალებების, უკანონო შეძენა-შენახვის, უკანონო რეალიზაციის, რეალიზაციის მცდელობის, რეალიზაციის ხელშეწყობის, ნარკოტიკული საშუალების შემცველი მცენარის უკანონო კულტივირებისა და ნარკოტიკული საშუალების ექიმის დანიშნულების გარეშე უკანონო მოხმარების ფაქტებზე დაკავებულები არიან: 1984 წელს დაბადებული ა.გ., 2001 წელს დაბადებული ი.გ., 2004 წელს დაბადებული გ.ღ., 1987 წელს დაბადებული ს.კ., წარსულში ნასამართლევი პირები: 1995 წელს დაბადებული ი.ო., 2006 წელს დაბადებული ნ.ქ., 1974 წელს დაბადებული ზ.ჯ., 1984 წელს დაბადებული მ.ქ., 1989 წელს დაბადებული გ.ჩ. და უცხო ქვეყნის მოქალაქეები: 2002 წელს დაბადებული ა.კ., 1970 წელს დაბადებული ა.ა., 1995 წელს დაბადებული პ.კ., 1987 წელს დაბადებული ი.პ., 1993 წელს დაბადებული ო.ბ., 1994 წელს დაბადებული ჰ.ჯ., 1993 წელს დაბადებული ა.კ.

დანაშაულები 20 წლამდე ან უვადო თავისუფლების აღკვეთას ითვალისწინებს.

პოლიციამ მოსამართლის განჩინების საფუძველზე განახორციელა ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.

სამართალდამცველებმა ბრალდებულების პირადი და საცხოვრებელი სახლების ჩხრეკის შედეგად, ასევე, ნარკოტიკული საშუალების შემცველი მცენარის კულტივირებისთვის მოწყობილი სპეციალური სათბურიდან და საგამოძიებო ექსპერიმენტის დროს, მათ მიერ მითითებული ლოკაციებიდან ნივთმტკიცებად ამოიღეს სარეალიზაციოდ განთავსებული განსაკუთრებით დიდი ოდენობით ნარკოტიკული საშუალებები, მათ შორის: „მეტამფეტამინი“, „კოკაინი“, „ბუპრენორფინი“, „კლეფერდრონი“, „მეთადონი“, „ალფა პვპ“, „მარიხუანა“ და „მცენარე „კანაფი“.

პოლიციის მიერ ნივთმტკიცებად, ამოღებულია უკანონოდ გაყიდული ნარკოტიკი, ნარკოტიკული საშუალებების დაფასოებისთვის და კულტივირებისთვის საჭირო მასალები და თანხა.

გამოძიება სისხლის სამართლის კოდექსის 260-ე, 260-ე ტერცია, 19-260-ე ტერცია, 260-ე კვარტა, 261-ე, 265 პრიმა და 273-ე მუხლებით მიმდინარეობს.

კიევზე რუსეთის მიერ ღამით განხორციელებული საჰაერო თავდასხმის შედეგად, საცხოვრებელი კორპუსის რვა მცხოვრები, მათ შორის სამი წლის ბავშვი დაშავდა

კიევზე რუსეთის მიერ ღამით განხორციელებული საჰაერო თავდასხმის შედეგად, საცხოვრებელი კორპუსის რვა მცხოვრები, მათ შორის სამი წლის ბავშვი დაშავდა, – ინფორმაციას Reuters უკრაინულ მედიაზე დაყრდნობით ავრცელებს.

კიევის სამხედრო ადმინისტრაციის ხელმძღვანელ ტიმურ ტკაჩენკოს განცხადებით, შუაღამის შემდეგ მომხდარი თავდასხმის შედეგად დაშავებულთაგან ოთხი ჰოსპიტალიზებულია, მათგან ერთი მძიმე მდგომარეობაშია.

რუსული სარაკეტო და დრონებით თავდასხმების შესახებ გაფრთხილების გამო დედაქალაქი კიევი და უკრაინის დიდი ნაწილი ღამით რამდენიმე საათის განმავლობაში საჰაერო თავდასხმის საფრთხის ქვეშ იმყოფებოდა.

გამოვლინდა ის, რა პრობლემები აქვს ქვეყანას. მაგრამ ისიც გამოვლინდა, რომ საზოგადოება ერკვევა საიდან მოდის ეს პრობლემები – გიორგი ვოლსკი „გორბის“ კვლევაზე

ტელეკომპანია „იმედის“ დაკვეთით ჩატარებულ „გორბის“ კვლევებს ეხმაურებიან მმართველ გუნდში. „ქართული ოცნებაში” განმარტავენ, რომ საქართველოს მოსახლეობის უმეტესობა ობიექტურად აფასებს საქართველოში განვითარებულ პროცესებსა თუ სოციალურ-ეკონომიკურ მდგომარეობას. მათივე თქმით, კვლევაზე დაყრდნობით ნათლად გამოიკვეთა, თუ ვის ენდობა ამომრჩეველი.

„გამოვლინდა ის, რა პრობლემები აქვს ქვეყანას. მაგრამ ისიც გამოვლინდა, რომ საზოგადოება ერკვევა საიდან მოდის ეს პრობლემები და დარწმუნებულია, რომ ის ტენდენციები, რომლებიც არაერთმა საერთაშორისო ორგანიზაციამ პოზიტიურად შეაფასა და მაღალი რეიტინგები მისცა ჩვენს ქვეყანას, არის რეალური და ამას მოჰყვება ქვეყნის სტაბილურობა და განვითარების მაჩვენებლების კიდევ უფრო ზრდა. პრობლემების მიუხედავად, რომლებიც საზოგადოებას აქვს – ფასებთან დაკავშირებით, სოციალურ-ეკონომიკური თემები, არის რეალური და ამ რეალობას რომ თვალს უსწორებს კონკრეტული პოლიტიკური ძალა, ესეც გამოვლინდა იმ მაღალ რეიტინგში, რომელიც „ქართულმა ოცნებამ“ მიიღო“, – მიიჩნევს პარლამენტის პირველი ვიცე-სპიკერი გიორგი ვოლსკი.

კითხვაზე, პარლამენტის არჩევნები ამ კვირას რომ ტარდებოდეს ვის მისცემდით ხმას შემდეგი პარტიებიდან? გამოკითხულთა 56,2% – მა „ქართულ ოცნება“ დაასახელა.

ტელეკომპანია „იმედის“ დაკვეთით საქართველოს საზოგადოებრივი აზრისა და ბიზნესის კვლევის საერთაშორისო ცენტრმა „გორბიმ“ საზოგადოებრივი აზრის კვლევა თბილისისა და ქვეყნის მასშტაბით, პირისპირი ინტერვიუირების მეთოდის გამოყენებით ჩაატარა.

საველე სამუშაოები 2025 წლის 22 ივნისი-5 ივლისს შესრულდა. შედგა 2300 პირისპირი ინტერვიუ საქართველოს ზრდასრულ მოქალაქესთან (18 წლის და მეტი ასაკის).

წარმოდგენილი მონაცემები შეწონილია როგორც დემოგრაფიული, ასევე პოლიტიკური წონით (2024 წლის საპარლამენტო არჩევნებში გაცხადებული ხმის მიცემის და ოფიციალური შედეგების თანაფარდობით) და წარმოდგენილია სავარაუდო ამომრჩევლის ჭრილში.

სავარაუდო ამომრჩეველი გამოვლინდა არჩევნებში მონაწილეობის მზაობასთან დაკავშირებულ შეკითხვებზე გაცემული პასუხებიდან გამომდინარე. ცდომილების ზღვარი: +/-3% სავარაუდო ამომრჩეველი, ქვეყნის მასშტაბით.

28 ივლისის ასტროლოგიური პროგნოზი

ვერძი

გუნდური მუშაობისთვის ხელსაყრელი დღეა. თანამოაზრეებთან ერთად კოორდინირებული მოქმედებები საშუალებას მოგცემთ მიზანს უფრო სწრაფად და საუკეთესო შედეგებით მიაღწიოთ. სავარაუდოდ, ახლობელი ადამიანი საინტერესო იდეას ან ღირებულ რჩევას მოგცემთ, შეიძლება სასიხარულო ამბავიც გაგიზიაროთ!

კურო

ამ დღეს ნებისმიერ საქმეში წარმატება და ეს იღბლის კი არა, თქვენი შრომისმოყვარეობის, მონდომებისა და პიროვნული თვისებების დამსახურება იქნება, რითაც ვარსკვლავებმა უხვად დაგასაჩუქრეს. შეიძლება რთულ და დამაბნეველ პროექტებსაც კი გაუმკლავდეთ, რადგან ზუსტად იცით, რა უნდა გააკეთოთ და, რაც მთავარია, როგორ.

ტყუპები

ვარსკვლავები გაფრთხილებენ, რომ ამ დღეს თქვენსა და თქვენს გეგმებს შორის შეიძლება დაბრკოლება წარმოიშვას და მას სიზარმაცე და პასიურობა ჰქვია. პრობლემები შეიძლება იქაც კი შეიქმნას, სადაც არ ელით – საკითხები, რომლებიც უკვე მოგვარებული გეგონათ, დამატებით ძალისხმევას მოითხოვენ. ეს არ ნიშნავს, რომ თქვენი გეგმები მარცხით დასრულდება. უბრალოდ, შედეგის მისაღწევად ჩვეულებრივზე ბევრად მეტი დრო და ძალისხმევა უნდა დახარჯოთ.

კირჩხიბი

თუ ამ დღეს რაღაც არ გამოგდით, დამნაშავე თავად ხართ. ეს დღე მშვენიერ შესაძლებლობებს გთავაზობთ, ​​მაგრამ უყურადღებობის გამო შეიძლება შანსი ხელიდან გაუშვათ. გარდა ამისა, შეიძლება ძველი შეცდომა გაიმეოროთ. ნუ მოდუნდებით – თქვენი წარმატების გასაღები ენერგია, შრომისმოყვარეობა და პოზიტიური განწყობაა.

ლომი

ამ დღეს შესანიშნავი დიპლომატი ხართ და სურვილის შემთხვევაში, საერთო ენის გამონახვას ნებისმიერ ადამიანთან შეძლებთ. ასე რომ, თუ ვინმესთან კითხვები ან პრეტენზიები დაგიგროვდათ, ვარსკვლავები გირჩევენ, შესაძლებლობა გამოიყენოთ.

ქალწული

დილას გაღვიძება, სამსახურში წასვლა და სხვა რუტინული საქმეები ამ დღეს განსაკუთრებით დიდ ძალისხმევას მოითხოვს. გახსოვდეთ, რომ თქვენი შესაძლებლობები უსასრულო არ არის – ვარსკვლავები გირჩევენ, კარგად დაისვენოთ და როგორც ფიზიკური, ისე გონებრივი ძალა აღიდგინოთ.

სასწორი

კმაყოფილებას ვერ მალავთ, რადგან მოვლენები ისე განვითარდება, როგორც გეგმავდით. გარდა ამისა, მოსალოდნელია სასიამოვნო სიურპრიზი, წარმატებული შენაძენი, საინტერესო ადამიანის გაცნობა და კომპლიმენტი. ასე რომ, ხვალ ამ დღეს წუწუნის მიზეზი არ გექნებათ, ამიტომ შეგიძლიათ, პოზიტიური განწყობა გარშემო მყოფებს გაუზიაროთ.

მორიელი

ჰოროსკოპის ვარსკვლავები გაფრთხილებენ, რომ მნიშვნელოვანი საქმის დასრულებისთვის შეიძლება ენერგია, პრაქტიკული გამოცდილება ან ცოდნა არ გეყოთ, ამიტომ გამოცდილ ადამიანებს დახმარება უნდა სთხოვოთ.

მშვილდოსანი

ამ დღეს წარმატებას ადვილად, განსაკუთრებული ძალისხმევის გარეშე აღწევთ! ეს ის დღეა, როდესაც თქვენი სურვილები შესაძლებლობებს შეესაბამება. თუ მნიშვნელოვანი პროექტის დაწყებას ან საპასუხისმგებლო საუბარს გეგმავთ, ეს დღე ამისთვის შესანიშნავი დროა. ამ დღის დევიზია – მოქმედების ნუ გეშინია, ადგილზე დარჩენის გეშინოდეს!

თხის რქა

სწავლის, გონებრივი მუშაობისა და დაგეგმვისთვის არახელსაყრელი დღეა – შეიძლება, ბევრი შეცდომა დაუშვათ. ნუ ეცდებით, რომ გეგმები დაუყოვნებლივ განახორციელოთ! ისინი რეალობისგან ჯერ შორსაა, ამიტომ მათზე კიდევ ბევრი უნდა იმუშაოთ. ყველაზე სწორი გადაწყვეტილება იქნება, თუ ამ დღეს შემოქმედებით საქმიანობას დაუთმობთ. შეიძლება რაღაც შედევრი შექმნათ!

მერწყული

ამ დღეს გარშემო მყოფთა კეთილგანწყობის მოსაპოვებლად პრაქტიკულად, არაფრის გაკეთება არ გჭირდებათ – ისედაც თქვენ მხარეს არიან. სამსახურში, ბიზნესში, მეგობრობაში, სიყვარულში თქვენზე დიდი მოთხოვნაა. თქვენი იდეები მიმზიდველია, სიტყვები კი დამაჯერებელი, ამიტომ შეგიძლიათ ეს დღე თანამოაზრეთა მოზიდვას ან ახალი პროექტის პოპულარიზებას დაუთმოთ. სასურველი შედეგის იმედი გქონდეთ.

თევზები

ეს დღე ყველაზე რთულ ამოცანების გადაწყვეტას და სამომავლო გეგმების შედგენას უნდა დაუთმოთ. ინტუიციის წყალობით, ნებისმიერი პრობლემიდან გამოსავალს იპოვით, ამიტომ ეს შესაძლებლობა უნდა გამოიყენოთ.

„გორბი“: კითხვაზე, პარლამენტის არჩევნები ამ კვირას რომ ტარდებოდეს ვის მისცემდით ხმას შემდეგი პარტიებიდან? გამოკითხულთა 56,2% – მა „ქართულ ოცნება“ დაასახელა

საქართველოს საზოგადოებრივი აზრის და ბიზნესის კვლევის საერთაშორისო ცენტრმა „გორბიმ“ ტელეკომპანია „იმედის“ დაკვეთით ჩაატარა კვლევა. რესპონდენტებისთვის დასმული კითხვები მოიცავს როგორც პოლიტიკურ, ისე ეკონომიკურ მიმართულებებს, ასევე სახელმწიფო ინსტიტუტებისადმი ნდობას.

კითხვაზე, პარლამენტის არჩევნები ამ კვირას რომ ტარდებოდეს ვის მისცემდით ხმას შემდეგი პარტიებიდან?

გამოკითხულთა 56,2% – მა „ქართულ ოცნება“ დაასახელა;

10,7% – „ძლიერი საქართველო – ლელო ხელისუფლებისთვის, თავისუფლებისთვის“ – აძლევს ხმას;

10% – „გახარია საქართველოსთვის“;

9,5% – „კოალიცია ცვლილებებისთვის“, გვარამია, მელია, „გირჩი“, „დროა“;

7,5% – „ერთიანი ნაციონალური მოძრაობა“;

3,2% – „გირჩი“;

1,8% – „საქართველოს პატრიოტთა ალიანსი“;

1,1 % – სხვა პარტიები.

ტელეკომპანია „იმედის“ დაკვეთით საქართველოს საზოგადოებრივი აზრისა და ბიზნესის კვლევის საერთაშორისო ცენტრმა „გორბიმ“ საზოგადოებრივი აზრის კვლევა თბილისისა და ქვეყნის მასშტაბით, პირისპირი ინტერვიუირების მეთოდის გამოყენებით ჩაატარა.

საველე სამუშაოები 2025 წლის 22 ივნისი-5 ივლისს შესრულდა. შედგა 2300 პირისპირი ინტერვიუ საქართველოს ზრდასრულ მოქალაქესთან (18 წლის და მეტი ასაკის).

წარმოდგენილი მონაცემები შეწონილია როგორც დემოგრაფიული, ასევე პოლიტიკური წონით (2024 წლის საპარლამენტო არჩევნებში გაცხადებული ხმის მიცემის და ოფიციალური შედეგების თანაფარდობით) და წარმოდგენილია სავარაუდო ამომრჩევლის ჭრილში.

სავარაუდო ამომრჩეველი გამოვლინდა არჩევნებში მონაწილეობის მზაობასთან დაკავშირებულ შეკითხვებზე გაცემული პასუხებიდან გამომდინარე. ცდომილების ზღვარი: +/-3% სავარაუდო ამომრჩეველი, ქვეყნის მასშტაბით.

არავითარი დანდობა კორუფციისა არ იქნება, სახელმწიფოს გადასარჩენად, მისი სტაბილურობისთვის საჭიროა, იყო მკაცრი – გია ვოლსკი

კორუფცია ისეთი თემაა,  კი არ უნდა დამალო, როგორც ამას წინა ხელისუფლება აკეთებდა, არამედ ღიად, ტრანსფარენტულად უნდა გამოიტანო საზოგადოების წინაშე ის ზომები, რომელიც იქნება მიღებული, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.

მისი თქმით, სახელმწიფოს პასუხი კორუფციის წინააღმდეგ მკაცრი იქნება.

„ჩვენ არ ველოდებით, რომ ეს კიდევ გაფართოვდება სახელმწიფო სტრუქტურებში, მაგრამ ფაქტია, რომ არავითარი დანდობა კორუფციისა არ იქნება, ეს სახელმწიფოს ანგრევს, სახელმწიფოს საფუძვლებს ანგრევს. რასაკვირველია, საზოგადოებამ ზუსტად იცის, რომ რეიტინგები ძალიან მაღალია საქართველოსი, მოწინავე ქვეყნებშია, უსწრებს ევროკავშირის ბევრ წევრ ქვეყანას კორუფციასთან ბრძოლის სისტემიდან გამომდინარე. ჩვენ ეს რეიტინგი უნდა შევინარჩუნოთ და არამარტო რეიტინგისთვის, არამედ სახელმწიფოს გადასარჩენად, მისი სტაბილურობისთვის საჭიროა, იყო მკაცრი, მაგრამ ამავე დროს აუცილებელია სამართლიანობა“,- განაცხადა ვოლსკიმ.

სახელმწიფო უსაფრთხოების სამსახურმა საქართველოს თავდაცვის მინისტრის ყოფილი მოადგილე, გიორგი ხაინდრავა, სამინისტროს შესყიდვების დეპარტამენტის ყოფილი უფროსი და თავდაცვის იმდროინდელი მინისტრის, ჯუანშერ ბურჭულაძის ახლო ნათესავი დააკავა.

როგორც სუს-ში განმარტეს, საქმე ეხება წინასწარი შეთანხმებით ჯგუფის მიერ, სამსახურებრივი მდგომარეობის გამოყენებით საქართველოს თავდაცვის სამინისტროს კუთვნილი დიდი ოდენობით თანხის 2023 წელს მართლსაწინააღმდეგო გაფლანგვის ფაქტს.

ლუკა კურტანიძის დაკავების ფაქტზე შსს განცხადებას ავრცელებს

ლუკა კურტანიძის დაკავების ფაქტზე შსს განცხადებას ავრცელებს.

„შინაგან საქმეთა სამინისტროს აჭარის პოლიციის დეპარტამენტის ქობულეთის რაიონული სამმართველოს თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, ოჯახში ძალადობისა და დამცავი ორდერით გათვალისწინებული ვალდებულების შეუსრულებლობის ბრალდებით, 1972 წელს დაბადებული ე.კ. დააკავეს.

დანაშაული 2 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა დაარღვია სასამართლოს მიერ, მის მიმართ გამოცემული დამცავი ორდერით გათვალისწინებული ვალდებულება – კომუნიკაცია დაამყარა ყოფილ მეუღლესთან და მას ფიზიკური შეურაცხყოფა მიაყენა.

სამართალდამცველებმა ე.კ. ბრალდებულის სახით დააკავეს.

გამოძიება საქართველოს სისხლის სამართლის კოდექსის 126-ე პრიმა და 381-ე პრიმა მუხლებით მიმდინარეობს,“ – აღნიშნულია გავრცელებულ ინფორმაციაში. 

,, უკრაინაში რუსეთის შეჭრის შემდეგ გახდა ანწუხელიძე გმირი მათთვის?” – პრეზიდენტი

ეს არის ერთი სცენარი, ერთი ქსელი, რომელიც გარედანაა დაფინანსებული. ამაში ჩართულია მთელი ოპოზიცია. აშშ-ის დაზვერვის ხელმძღვანელი საუბრობს იგივე თემაზე, – განაცხადა საქართველოს პრეზიდენტმა მიხეილ ყაველაშვილმა ჟურნალისტის კითხვაზე, რომელიც შეეხებოდა სხვადასხვა ჯგუფისა თუ ოპოზიციონერი პოლიტიკოსების განცხადებებს, რომ საქართველოს ხელისუფლება პრორუსულია.

მისი თქმით, ისინი იმას საუბრობენ და ისე მოქმედებენ, რასაც „დიფ სთეითი“ დაავალებს.

„მინდა პასუხი გავცე ბატონ ჯაფარიძესაც, რომელიც 2012 წლის შემდეგ გახდა ნაციონალური მოძრაობის პარტიის წევრი, სადაც თვითონ აღიარა რომ დანაშაულს ჩადიოდა. პენიტენციურ დაწესებულებაში პატიმრებს აწამებდნენ, ამის შესახებ მთავრობაში ყველამ იცოდა და მან გააჟღერა ეს პირველად. ამის შემდეგ ეს ადამიანი ხდება იმ დანაშაულებრივი პარტიის წევრი, რაზეა საუბარი?

ფარიკაობის მსოფლიო ჩემპიონატზე იყვნენ აქტივისტები მივარდნილი, თითქოს სპორტსმენების წინააღმდეგ – ბანერები და სურათები ჰქონდათ ანწუხელიძეს. რა თქმა უნდა, ყველასთვის სათაყვანებელი გმირი გვყავს, მაგრამ რა მინდა გავახსენო ამ ადამიანებს – 2008 წელს რუსეთთან გვქონდა ომი, მაშინ აწამეს და მოკლეს ანწუხელიძე. მაშინ ნაცმოძრაობამ მოაწერა ხელი რეზოლუციას სადაც აღიარეს, რომ ომი საქართველომ დაიწყო და ქართველ სამხედროებს, ანწუხელიძეს დააბრალეს ეს ყველაფერი. ამის შემდეგ, ზუსტად ერთი წლის შემდეგ მტერს მიჰყიდეს 30 000-მდე სტრატეგიული ობიექტი. შემდეგ, ეს ლიდერები რომლებიც დღეს ყოველდღე რუსთაველზე არიან – ბურჭულაძე, ნინო ქათამაძე და კულტურის სხვა წარმომადგენლები პირდაპირ უმღეროდნენ პუტინს. ლარსზე იდგა მაშინდელი პრეზიდენტი და თავად ხვდებოდა რუს ტურისტებს. მაშინდელი ხელისუფლება, ყველა ერთ ხმაში ლაპარაკობდა, რომ მიეღოთ რუსი ტურისტები, რუსულ ფულს სუნი არ აქვს – ეს დამოკიდებულება ჰქონდათ ჩვენი ომის შემდეგ და 15 წლის შემდეგ რა შეიცვალა – უკრაინაში შეჭრის შემდეგ გახდა ანწუხელიძე გმირი მათთვის? ახლა გახდა რუსეთი მტერი? დღეს რომ ქილიკობენ „დიფ სთეითზე“, მაშინ გადატვირთვა მოხდა რუსეთს და ამერიკას, იმ „დიფ სთეითსა“ და რუსეთს შორის, გასხვისდა ჩვენი სტრატეგიული ობიექტები და რუსეთი ამათი პარტნიორი გახდა, რადგან დაავალეს, რომ უნდა ყოფილიყო პოლიტიკა შეცვლილი. მაგრამ ახლა როგორც კი შეიცვალა დამოკიდებულება რუსეთის მიმართ, ისევ დაუქნიეს ალამი და ახლა გაახსენდათ, რომ რუსეთი მტერია და ახლა გაახსენდათ ანწუხელიძე.

დაუსვან ახალგაზრდებმა ზურა ჯაფარიძეს ეს კითხვები. გაციებული არ იყო ჩვენი გმირის სხეულები, აქ ყიჟინა მოაწყვეს და გამარჯვებას ზეიმობდნენ. რა ნამუსით საუბრობენ საერთოდ სამშობლოზე? უბრძოლველად ჩააბარეს კოდორის ხეობა, ამდენი ადამიანი გახადეს დევნილი და ამდენი ადამიანი გარდაიცვალა. როცა დაასრულებს საგამოძიებო კომისიას მუშაობას, ვიმედოვნებ, რომ მთელი საქართველო გაიგებს მათი დანაშაულების შესახებ“, – განაცხადა ყაველაშვილმა.

,,სასიამოვნო ფაქტი იყო, რომ ჩვენი ელჩი შეხვდა ამერიკის შეერთებული შტატების პრეზიდენტს და გადასცა ჩვენი გზავნილები”- მიხეილ ყაველაშვილი

სასიამოვნო ფაქტი იყო, რომ ჩვენი ელჩი შეხვდა ამერიკის შეერთებული შტატების პრეზიდენტს და გადასცა ჩვენი გზავნილები, – განაცხადა საქართველოს პრეზიდენტმა მიხეილ ყაველაშვილმა თამარ ტალიაშვილის პრეზიდენტ დონალდ ტრამპთა შეხვედრაზე საუბრისას.

„ვიცით, რომ განსხვავებული დამოკიდებულება იყო წინა ადმინისტრაციის მხრიდან, შეიცვალა ადმინისტრაცია. იმ ღირებულებებზე და გამოწვევებზე, რაზეც დღეს არსებული ადმინისტრაცია საუბრობს, ამაზე ჩვენ წინასწარ ვსაუბრობდით, სწორედ ამ გამოწვევებს ვებრძოდით და არა აშშ-ს და არა ევროკავშირს.

როცა ასეთი ორმაგი სტანდარტი იყო განხორციელებული მათი მხრიდან, რაშიც თავად დღევანდელი ადმინისტრაცია ამხელს წინა წინა ადმინისტრაციას. ამ რუსულის იარლიყით მთელი მსოფლიო მოსდეს და უკვე საქილიკო გახდა, რომ ამ იარლიყს იყენებენ, როცა არ აქვთ არგუმენტი. სასაცილოა უკვე ამ თემაზე საუბარი. ის, რომ ჩვენ მზად ვართ გადატვირთვისთვის, ჩვენ ყოველთვის მზად ვიყავით და ველოდებით შემხვედრ ნაბიჯებს, დარწმუნებული ვარ, ამ ყველაფრის გააზრების შემდეგ მოხდება ჩვენი შეხვედრა.

ჩვენ არაფერს ვცვლით, ჩვენ ვართ პირველ რიგში, გულწრფელები და ინფორმაციას ვაძლევთ ჩვენს მოქალაქეებს, თუ რა გვსურს და რა გზას ვირჩევთ. შემხვედრ ნაბიჯებზე დამოკიდებულება, პასუხისმგებლობა ამერიკის არსებულმა პრეზიდენტის ადმინისტრაციამ და სახელმწიფო მდივანმა უნდა აიღოს. ამის შემდეგ ჩვენ ყოველთვის მზად ვართ, რომ გვქონდეს შესაძლებლობა დისკუსიის და თემების განხილვის“, – აღნიშნა პრეზიდენტმა.

ქუთაისში ერთი მამაკაცი მოკლეს, ორი კი დაჭრეს – დაკავებულია 1 პირი

ქუთაისში ერთი მამაკაცი მოკლეს, ორი კი დაჭრეს. შინაგან საქმეთა სამინისტროს ცნობით, სამართალდამცველებმა მომხდართან დაკავშირებით წარსულში ნასამართლევი პირი დააკავეს.

„შინაგან საქმეთა სამინისტროს იმერეთის პოლიციის დეპარტამენტის ქუთაისის საქალაქო სამმართველოს თანამშრომლებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, 1994 წელს დაბადებული, წარსულში ნასამართლევი უ.ბ. ორი ან ორზე მეტი პირის მიმართ ჩადენილი განზრახ მკვლელობის მცდელობით ბრალდებით დააკავეს.

დანაშაული 20 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა ქუთაისში, ურთიერთშელაპარაკების ნიადაგზე დაწყებული დაპირისპირებისას, 1978 წელს დაბადებულ ზ.ფ.-ს, 1975 წელს დაბადებულ ვ.ხ.-ს და 1985 წელს დაბადებულ შ.ს.-ს ცივი იარაღის გამოყენებით სხეულის სხვადასხვა არეში ჭრილობები მიაყენა და შემთხვევის ადგილიდან მიიმალა.

დაჭრილი მამაკაცები სამედიცინო დაწესებულებაში გადაიყვანეს, სადაც ერთი მათგანი-ზ.ფ. მიღებული დაზიანებების შედეგად მალევე გარდაიცვალა.

პოლიციამ ჩატარებული ოპერატიული ღონისძიებებისა და საგამოძიებო მოქმედებების შედეგად, უ.ბ. ბრალდებულის სახით, მომხდარიდან რამდენიმე საათში დააკავა.

სამართალდამცველებმა დანაშაულის ჩადენის იარაღი – დანა ნივთმტკიცებად ამოიღეს.

გამოძიება საქართველოს სისხლის სამართლის კოდექსის 19-109-ე მუხლით მიმდინარეობს“,-აღნიშნულია შსს-ის მიერ გავრცელებულ ინფორმაციაში.

1...91011...2,903Page 10 of 2,903
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი