“ოპოზიციას რომ შეეძლოს, გაყაროს ხელისუფლება, ისინი უკვე გაყრილები იქნებოდნენ” – იაგო ხვიჩია

103
spot_img

ოპოზიციას რომ შეეძლოს, გაყაროს ხელისუფლება, ისინი უკვე გაყრილები იქნებოდნენ, – ამის შესახებ „გირჩის“ წევრმა, იაგო ხვიჩიამ განაცხადა.

ხვიჩია გამოეხმაურა „გირჩი – მეტი თავისუფლების“ ლიდერის, ზურაბ ჯაფარიძის განცხადებას, რომელმაც აღნიშნა: „ოცნების“ ხელისუფლებიდან გაშვების ერთი გზაა რიგგარეშე არჩევნები; მეორეა, რეგულარულ არჩევნებზე უგებ და თუ მაინც არ გაძლევენ საშუალებას, ისევ ქუჩიდან უნდა გაყარო, ყველაზე რეალისტური სცენარი ეს არის“.

იაგო ხვიჩიას განცხადებით, ოპოზიციამ ხალხს არ უნდა დაუმალოს, რის გაკეთებას აპირებს, როგორც მომავალი ხელისუფლება.

„ნებისმიერი ხელისუფლების გაშვების გზა არის არჩევნები ან გაყრა. მეორე საკითხია, ოპოზიცია რას აკეთებს იმისთვის, რომ ან არჩევნებით გავყაროთ ხელისუფლება, ან ქუჩით. მგონი, აქ არის მთავარი შეკითხვა, თორემ ხელისუფლების გაშვების გზა ან არჩევნები, ან გაყრა რომ არის, ეს ისედაც ცხადია. ოპოზიციას რომ შეეძლოს,  გაყაროს ხელისუფლება, ისინი უკვე გაყრილები იქნებოდნენ. თავისთავად ცხადია, რომ როცა რაღაც შეგიძლია, რესურსი გაქვს, ხალხი მხარს გიჭერს, რომ ხელისუფლება შეცვალო – ოპოზიციაში იმიტომ ხარ, რომ ეს გააკეთო, მაგრამ ვიდრე ამას გააკეთებ და ხალხი უფლებამოსილებას მოგცემს, რომ ხელისუფლება შეცვალო, ჯერ, სულ მცირე, მას არ უნდა დაუმალო, რის გაკეთებას აპირებ, როგორც მომავალი ხელისუფლება. აქ ვართ გაჭედილი ახლა. ოპოზიცია არ ამბობს, როგორი ქვეყანა უნდათ „ქართული ოცნების“ შემდეგ“, – განაცხადა იაგო ხვიჩიამ.