უკრაინაში რუსული სამხედრო აგრესია გრძელდება. უკრაინის გენშტაბის განცხადებით, გასული 24 საათის განმავლობაში რუსულმა ძალებმა უკრაინის მიმართულებით ცეცხლი 78-ჯერ გახსნეს. მათი თავდასხმები განსაკუთრებით ძლიერი ავიდეევკასა და კუპიანსკის მიმართულებით იყო.
გენშტაბის ცნობით, მტერი ქალაქ ავდეევკას ალყაში მოქცევას ცდილობს, თუმცა უშედეგოდ. უკრაინული მხარის ინფორმაციით, მათ მტრის 890 ჯარისკაცი მოკლეს. ომის დაწყებიდან დღემდე რუსეთის დანაკარგები 306 800 სამხედროს შეადგენს.
