რუსული აგრესია უკრაინაში გრძელდება. საოკუპაციო ძალებმა იერიში გაააქტიურეს ხარკოვისკენ. ოკუპანტი ქვეყნის თავდაცვის უწყების ცნობით, რუსულმა ძალებმა ხარკოვის ოლქში სარკინიგზო სადგური დაიკავეს.
იერიშები გრძელდება მიკოლაევისა და ოდესის მიმართულებით.
რუსული ძალები, 20 ივლისის ღამეს, თავს დაესხნენ მიკოლაივის ცენტრს, რის შედეგადაც 3 სართულიან საცხოვრებელ კორპუსსა და ავტოფარეხებში ხანძარი გაჩნდა, – ინფორმაციას უკრაინული მედია მიკოლაივის ოლქის სამხედრო ადმინისტრაციის ხელმძღვანელზე, ვიტალი კიმზე და მიკოლაივის მერზე, ალექსანდრე სენკევიჩზე დაყრდნობით ავრცელებს.
მათივე ინფორმაციით, ამ დროისთვის ცნობილია 9 დაჭრილის შესახებ, მათ შორის 5 ბავშვია. არიან გარდაცვლილებიც, რაოდენობა, ჯერჯერობით, უცნობია.
„რუსებმა ქალაქის ცენტრს დაარტყეს. ავტოფარეხები და 3 სართულიანი საცხოვრებელი სახლი იწვის“, – განაცხადა მიკოლაივის მერმა.
ოლქის გუბერნატორის, ვიტალი კიმის ინფორმაციითმ ხანძარი სერიოზულია და ადგილზე მაშველები იმყოფებიან. მან ასევე დაადასტურა, რომ თავდასხმის შედეგად არიან გარდაცვლილებიც.
მიკოლაევში სარაკეტო დატრყმის შედეგად, სამ სართულიანი საცხოვრებელი სახლი ჩამოინგრა. არის მსხვერპლი. დაღუპულთა ზუსტი რაოდენობა დგინდება. 9 დაშავებულს შორის, 5 ბავშვია.
რუსული ძალები წუხელ უკრაინის საპორტო ქალაქ ოდესას თავს დაესხნენ, საოკუპაციო ძალების სამიზნეში მოექცა პორტი და მარცვლეულის საწყობი- ამის შესახებ ოდესის ოლქის სამხედრო ადმინისტრაციის ხელმძღვანელი, ოლეგ კიპერი იუწყება.
მისი ინფორმაციით, თავდასხმის შედეგად ორი ადამიანი დაშავდა. დაფიქსირდა ნგრევა, 300 კვადრატულ მეტრ ფართობზე კი ხანძარი გაჩნდა. ადგილზე შესაბამისი სამსახურების სპეციალისტები იმყოფებიან.
