ნიკოლოზ გაგუა ეროვნული ბანკის საბჭოს წევრის თანამდებობას ტოვებს

332
spot_img

ნიკოლოზ გაგუა ეროვნული ბანკის საბჭოს წევრის თანამდებობას ტოვებს.

მისი თქმით, ეროვნული ბანკის საბჭოს წევრის თანამდებობიდან გადადგომის შესახებ განცხადება უკვე დაწერა.

დღეს საქართველოს ეროვნული ბანკის ვიცე-პრეზიდენტის თანამდებობები ასევე დატოვეს პაპუნა ლეჟავამ და არჩილ მესტვირიშვილმა.

ეროვნული ბანკის შესახებ ორგანული კანონის მიხედვით, სებ-ის საბჭოში სულ ცხრა წევრია, თუმცა ამჟამად ის შვიდი პირისგან იყო დაკომპლექტებული, საიდანაც ოთხი პოზიცია აღმასრულებელ პირებს – პრეზიდენტის მოვალეობის შემსრულებელს და სამ ვიცე-პრეზიდენტს ეკავა. კანონის მიხედვით, საბჭო არ არის ქმედითი, თუკი მასში წევრთა რაოდენობა ხუთზე ნაკლებია.