ნიკა გვარამია, გიგი უგულავა და ოპოზიციის სხვა წარმომადგენლები პრემიერ-მინისტრ ირაკლი კობახიძესთან შეხვედრას ითხოვენ და აცხადებენ, რომ მათი მოთხოვნაა „არა რუსულ მთავრობას“.
ისინი აქციის მონაწილეებთან ერთად მთავრობის ადმინისტრაციასთან იმყოფებიან. მათი განცხადებით, ელოდებიან ირაკლი კობახიძესთან შეხვედრას და დაშლას არ აპირებენ.
ნიკა გვარამიას განცხადებით, დღეს „უცხოური გავლენის გამჭვირვალობის შესახებ“ კანონპროექტის მიღების შემდეგ მოთხოვნა შეიცვალა და გახდა „არა რუსულ მთავრობას“. კითხვაზე, „თუ არ შეგხვდებათ, რას აპირებთ?“, – გვარამიამ უპასუხა: „ამ თუზე იფიქროს კობახიძემ, ჩვენ ვიცით, რაც მოხდება“.
მთავრობის ადმინისტრაციის შესასვლელებთან მობილიზებული არიან სამართალდამცველები.
