“ნაციონალური მოძრაობისგან” შექმნილი სისტემა „ქართულმა ოცნებამ“ დაანგრია-პაპუაშვილი

246
spot_img

ისტორიამაც დაგვანახა ერთი რამ, რომ ოპოზიციას მხოლოდ ერთი მიზანი აქვს – რამენაირად ჩამოირეცხონ ის ლაქა, რაც მათ საკუთარ ხელისუფლებაში ყოფნის დროს დაიდეს, კერძოდ, „ნაციონალურმა მოძრაობამ“ ორი რამ შეძლო – შექმნა კორუფციისა და ძალადობის სისტემა, – ამის შესახებ პარლამენტის თავმჯდომარემ, შალვა პაპუაშვილმა განაცხადა.

პაპუაშვილის თქმით, „ნაციონალური მოძრაობის“ პროპაგანდისტული ხაზია, როგორმე კორუფცია და ძალადობა დააბრალონ ხელისუფლებას და ამით საკუთარი ლაქის ჩამორეცხვა სურთ.

„ისინი ცდილობენ, რაღაცნაირად ისეთი საკითხი მოძებნონ, რომელიც გირგვლიანის მსგავსი საქმე იქნება და ამაზე აწევენ ემოციებს, ასევე ცდილობენ, მუდმივად კორუფციულ სქემებზე ბრალდებები წამოაყენონ. საქმეც იმაშია, რომ სიმართლე სულ სხვაა. საბოლოო ჯამში, ყველა ასეთი ყალბი ამბავი იფუშება და უშედეგოდ მთავრდება, რადგან სიმართლე არის ზუსტად იქ, რომ მათ მიერ შექმნილი სისტემა „ქართულმა ოცნებამ“ დაანგრია და ქართული საზოგადოება კორუფციული მარწუხებისგან გაათავისუფლა. სწორედ იმას უზრუნველყოფს „ქართული ოცნება“, რომ არ დააბრუნოს მოძალადე და კორუმპირებული ძალები ხელისუფლებაში. ეს იქნება სწორედ მომავალ წელს საპარლამენტო არჩევნებში მთავარი არჩევანი“, – განაცხადა პაპუაშვილმა.