“ნაცების”ტელევიზია აღარ ვართ ნამდვილად, ამას კიდევ წლები დასჭირდება რომ ხალხმა დაიჯეროს”-გიორგი გაბუნია

286
spot_img

ტელეკომპანია „მთავარი არხის“ დირექტორმა, გიორგი გაბუნიამ არხის გადაცემის „შენი შუადღის“ ეთერში, არხთან დაკავშირებულ ცვლილებებზე, მათ შორის სარედაქციო პოლიტიკაზე ისაუბრა და აღნიშნა, რომ ცვლილებები „არა მარტო კოსმეტიკური“, არამედ „ძირეულია“. მისივე მტკიცებით, სარედაქციო პოლიტიკა დღეს პარტიული გავლენისგან თავისუფალია.

„მთავარ არხზე“ არა მარტო კოსმეტიკურად, არამედ ძირეულად შეიცვალა რაღაცები, რადგან ამ ადამიანებს ბევრი წლის განმავლობაში გარკვეულ სიტუაციასა და მოცემულობაში უწევდათ მუშაობა. რთული იყო საკუთარ თავში გადაკეთება, იმიტომ რომ რეფლექსებად გაქვს ეს ყველაფერი ქცეული, რომ რაღაცნაირად შენს საქმეს არ აკეთებ. რატომღაც სულ დაკისრებული ჰქონდა ამ გუნდს ის, რომ ვიღაცის საქმეს აკეთებდა, რასაც რამდენიც არ უნდა გვეთქვა ჩვენ, რომ ასე არ არის, ყველა ხედავდა.

გასაგები იყო, რომ სამწუხაროდ, ნაცების ტელევიზ„ნაცების“ ტელევიზია აღარ ვართ ნამდვილად, ამას კიდევ წლები დასჭირდება რომ ხალხმა დაიჯეროსი ის იარლიყი ტყუილად არ გვქონდა აკრული და ახლა რაც შემიძლია ძალიან დიდი სიამაყით და ბედნიერებით ვთქვა, „რუსთავი 2“-დან მოყოლებული ეს არ მომხდარა, ნაცების ტელევიზია აღარ ვართ ნამდვილად, ამას კიდევ წლები დასჭირდება, რომ ხალხმა დაიჯეროს და დააფიქსიროს, უნდა უყურო ეთერს სისტემატურად, რომ მიხვდე, ნაცების ტელევიზია, რომ არ ვართ. დაკვირვებული თვალი მიხვდება, მაგრამ ვინც არ უყურებს, ახსოვს, რომ „მთავარი არხი“ ეს ნაცების ტელევიზიაა. ნაცების ტელევიზია არ ვართ და ამას პირდაპირ, დიდი სიამაყით ვაცხადებ.

პირველად რომ გამოვაცხადე, რომ მორჩა, აღარ ვართ და არ ხართ ვალდებულები, ვინმეს მითითება გაითვალისწინოთ და თქვენ ჟურნალისტები და წამყვანები როგორც ჩათვლით, რა არის საჭირო და რა არის სასარგებლო საზოგადოებისთვის, იმას გააშუქებთ, რომ გენახათ ნიუსრუმში იყო ტაში და ჟრიამული, იმიტომ რომ ყველაზე კარგად იმ სიმძიმეს, როდესაც პოლიტიკური გავლენის ქვეშ ხარ, გრძნობენ ეს ადამიანები“. – თქვა გიორგი გაბუნია.გაბუნიას თქმით, პარტიაში ორი მხარეა და არავის არანაირი სურვილი არ აქვს, რომ მელიას და ხაბეიშვილის საქმე აკეთოს.

„ამ მოცემულობაში, რაც „ნაცებს“ სჭირთ, ცალ მხარეს არის მელიას მხარე – „ვაი“ და აქეთ ხაბეიშვილის მხარე, „ვუი“ და პარტია არის „ვაი-ვუი“. არავის აქვს სურვილი, „ვაი-ვუის“ საქმე აკეთოს.

მიმაჩნია, რომ მელიას, როგორც დიდი პოლიტიკოსის საქმე, არჩევნებამდე ბევრად უფრო ადრე იყო დასრულებული და ის უბრალოდ ვერ მიხვდა და ვერც ახლა ხვდება, რომ მნიშვნელოვან როლს პოლიტიკაში ვერ შეასრულებს. კაპიტალი, რომელიც მან პატიმრობაში დააგროვა და შარლ მიშელის მცდელობით გამოუშვეს, გაფლანგა.

იგივე ხდება ხაბეიშვილის მხარეს. მას დიდი პრობლემები აქვს. არ შემხვედრია ადამიანი, რომელსაც ხაბეიშვილი მოსწონს. არავინ აპირებს მისთვის ხმის მიცემას. კიდევ უარესი, ნეიტრალურიც არ შემხვედრია. მას არასერიოზულად აღიქვამენ. დასცინიან..

ხაბეიშვილს რაღაც „ვაუს“ გაკეთება სჭირდება, რის შემდეგაც ეს ყველაფერი დაგავიწყდება და მასში „ქურქუმალ ვაითს“ აღარ დაინახავ“, – ამბობს გიორგი გაბუნია და დასძენს, „ყველასთვის უკეთესი იქნებოდა მიშაც, რომ მიხვდეს, რომ პატიმრობაში ყველაზე კარგი იქნებოდა, ყველასთვის თავი დაენებებინა და თავისი თავი თავიდან შეექმნა“.