ნატო-საქართველოს არსებითი პაკეტის ფარგლებში, შვედეთის მთავრობამ საქართველოსთვის ხუთი მილიონი შვედური კრონა გამოყო

47
National vector fabric wave flags of Sweden and Georgia isolated on white background. 1 to 2 proportion.
spot_img

შვედეთის მთავრობამ გადაწყვიტა, საქართველოსთვის ხუთი მილიონი შვედური კრონა გამოყოს, როგორც ნატო-საქართველოს არსებითი პაკეტის ნაწილი, – ამის შესახებ საქართველოში შვედეთის სამეფოს ელჩი ანა ლიბერგი სოციალურ ქსელში წერს.

აღნიშნული ინფორმაცია გამოქვეყნდა შვედეთის მთავრობის ვებგვერდზე. როგორც დოკუმენტშია აღნიშნული, თანხა გამოყოფილია პროექტებისთვის ისეთ სფეროებში, როგორებიცაა კრიზისის მართვა, კიბერუსაფრთხოება და ინფორმაციის გაზიარება.

ამასთან, შვედეთის მთავრობამ თანხმები გამოყო უკრაინისა და მოლდოვისთვისაც.

პაკეტის ფარგლებში უკრაინას 50 მილიონი შვედური კრონა გადაეცემა, ხოლო მოდლოვას – ხუთი მილიონი.

„მხარდაჭერა ხორციელდება ნატო-ს სხვადასხვა ფონდის მეშვეობით და გამოყენებული იქნება, სხვა საკითხებთან ერთად, კრიზისების მართვის, კიბერუსაფრთხოებისა და განათლებისთვის”, – აღნიშნულია შვედეთის მთავრობის ვებგვერდზე გამოქვეყნებულ ინფორმაციაში.