მზიურის პარკთან მამაკაცის დაჭრის ფაქტზე ერთი პირი დააკავეს

104
spot_img

თბილისში, მამაკაცის დაჭრის ფაქტზე, ერთი პირი დააკავეს. შემთხვევა გუშინ, მზიურის მიმდებარე ტერიტორიაზე მოხდა.

არსებული ინფორმაციით, დაჭრილი 40 წლამდე ბიზნესმენია, რომელიც ერთ-ერთი სამშენებლო კომპანიის მეწილეა. ის სასწრაფო დახმარების ჯგუფმა კლინიკაში გადაიყვანა.

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 117 და 236 მუხლებით დაიწყო, რაც ჯანმრთელობის განზრახ მძიმე დაზიანებასა და იარაღის უკანონო ტარებას გულისხმობს.