ირანის უზენაესმა ლიდერმა ალი ხამენეიმ განაცხადა, რომ თუ ღაზას წინააღმდეგ სისასტიკე გაგრძელდება, მუსლიმებმა და წინააღმდეგობის ძალებმა შეიძლება დაკარგონ მოთმინება და მერე ვერავინ შეძლებს მათი ქმედებების აღკვეთას.
მისი თქმით, უზურპატორი სიონისტური რეჟიმი უნდა გასამართლდეს.
ამასთან, ირანის უზენაესი ლიდერი ისრაელს ღაზაში „ეთნიკურ წმენდაში“ ადანაშაულებს.
„რაც არ უნდა გააკეთოს სიონისტურმა რეჟიმმა, ის ვერ აანაზღაურებს იმ სამარცხვინო მარცხს, რომელიც მან განიცადა ამ შემთხვევაში. სიონისტური რეჟიმი უნდა გასამართლდეს. მსოფლიო მოწმეა სიონისტური რეჟიმის მიერ განხორციელებული ეთნიკური წმენდის. მთელი მსოფლიო ხედავს ამას.
როგორც არაერთი ინფორმაცია გვამცნობს, სიონისტური რეჟიმის შიგნით ამ დღეების და გასული კვირის პოლიტიკას ამერიკელები არეგულირებენ, პოლიტიკას ატარებენ. სასწრაფოდ უნდა შეწყდეს დაბომბვები. მუსლიმი ერები ძალიან გაბრაზებულები არიან“, – აცხადებს ალი ხამენეი.
