მთიანი ყარაბაღიდან სომხეთში 27 სექტემბრის მდგომარეობით 53 629 ეთნიკურად სომეხი ლტოლვილი ჩავიდა. ამის შესახებ სომხური მედია სომხეთის პრემიერ-მინისტრის პრესსპიკერზე დაყრდნობით იტყობინება.
ინფორმაციისთვის, მთიან ყარაბაღში 120 000 სომეხი ცხოვრობდა.
სომხეთის მთავრობა მთიანი ყარაბაღიდან იძულებით გადაადგილებულ ყველა მოქალაქეს აძლევს საცხოვრებელს, ვისაც საცხოვრებელი ადგილი არ აქვს. იძულებით გადაადგილებულმა ზოგიერთმა ადამიანმა ნათესავებთან ან მეგობრებთან სომხეთში დარჩენა არჩია.
რაც შეეხება აზერბაიჯანულ მხარეს, აზერბაიჯანის ხელისუფლების განცხადებით, მთიან ყარაბაღში, ქალაქ ხანკენდში ეთნიკურად აზერბაიჯანელების დაბრუნების გეგმებს განიხილავენ.
