მოვუწოდებთ რუსეთს, დაუყოვნებლივ შეწყვიტოს ხერსონის დაბომბვა – ბორელი

100
spot_img

საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი ჯოზეფ ბორელი რუსეთს მოუწოდებს, დაუყოვნებლივ შეწყვიტოს ცეცხლი ხერსონის ოლქში.

„ვრცელდება ცნობები ხერსონის დაბომბვის შესახებ, რომელიც საფრთხეს უქმნის ხერსონის რეგიონში, კახოვკის კაშხლის განადგურების შედეგად დაზარალებული, მშვიდობიანი მოსახლეობის ევაკუაციას. მოვუწოდებთ რუსეთს, დაუყოვნებლივ შეწყვიტოს ეს მიუღებელი ქმედება. ეს იქნება ომის კიდევ ერთი დანაშაული. ყველა დამნაშავე აგებს პასუხს, – წერს ბორელი.

ცნობისთვის, უკრაინული მხარის ცნობით, რუსეთის ჯარებმა ხერსონის რაიონი მას შემდეგ დაბომბეს, რაც 8 ივნისს უკრაინის პრეზიდენტი ვოლოდიმირ ზელენსკი ეწვია ქვეყნის სამხრეთში მდებარე რეგიონს.