რუსული მედიის ცნობით, 30 ივლისის ღამეს მოსკოვს რამდენიმე უკრაინული დრონი დაესხა თავს. შედეგად, აფეთქება მოხდა „IQ-კვარტალის“ შენობაში განთავსებულ ბიზნეს ცენტრში „მოსკოვი-სითი“. ვრცელდება ინფორმაცია ერთი დაშავებულის შესახებ.
რუსეთის თავდაცვის სამინისტროს განცხადებით, თავდასხმაში სამი დრონი მონაწილეობდა. არსებული ცნობით, ერთ-ერთი მათგანი მოსკოვის რეგიონის ოდინცოვოს რაიონის თავზე განადგურდა. დანარჩენი ორი კი, ელექტრონული ომის საშუალებებით ჩამოაგდეს და ისინი მოსკოვის ტერიტორიაზე დაეცა.
მოსკოვის მერის, სერგეი სობიანინის ინფორმაციით, ინციდენტის შედეგად ქალაქში „მოსკოვი-სითის“ ორი ცათამბჯენის ფასადები მსუბუქად დაზიანდა.
„მეხუთე და მეექვსე სართულებზე დაზიანდა შემინული ფასადი. ასევე, პირველ და მეოთხე სართულებზე ჩაიმსხვრა „ოკო 2-ის“ შენობის მინები“, – ნათქვამია ინფორმაციაში.
შედეგად, კომპლექსიდან ხალხის ევაკუაცია განხორციელდა.
ამასთან, მოსკოვის რეგიონის საჰაერო ზონაში ფრენები აიკრძალა და დახურული იყო ვნუკოვოს აეროპორტი. რუსული მედიის ცნობით, ჯამში 20-ზე მეტი რეისი გადაიდო
