სომხეთსა და ამერიკის შეერთებულ შტატებს შორის დაგეგმილი ერთობლივი სამხედრო წვრთნების გამო რუსეთმა შეშფოთება გამოთქვა. კრემლის პრესმდივნის, დიმიტრი პესკოვის განცხადებით, არსებულ ვითარებაში, ასეთი წვრთნების შესახებ ინფორმაცია შეშფოთების საგანია.
„მოსკოვი დეტალურად გააანალიზებს ამ ცნობას და სიტუაციას დააკვირდება“, – განაცხადა პესკოვმა.
ამერიკის შეერთებულ შტატებთან ერთობლივი სამხედრო წვრთნების შესახებ განცხადება სომხეთის თავდაცვის სამინისტრომ ოფიციალურ ვებგვერდზე დღეს გამოაქვეყნა. სამხედრო სწავლება სომხეთის ტერიტორიაზე 11 სექტემბერს დაიწყება და 20 სექტემბრამდე გაგრძელდება.
