“მომზადებულია მთავრობის განკარგულების პროექტი დამატებით ექვსი უძრავი ქონების შეძენასთან დაკავშირებით” – კახა კალაძე

63
spot_img

გრძელდება უსახლკარო ოჯახების საცხოვრებელი ფართებით უზრუნველყოფის პროექტი, რომელიც ჩვენი წინასაარჩევნო დაპირება იყო. გასულ წელს შევიძინეთ 56 ბინა, ხოლო მიმდინარე წელს შესყიდულია 23 საცხოვრებელი ფართი, რაც ჯამში, 79 უძრავ ქონებას შეადგენს, – ამის შესახებ დედაქალაქის მერმა, კახა კალაძემ თბილისის მთავრობის სხდომაზე განაცხადა.

„გარდა ამისა, უკვე მომზადებულია მთავრობის განკარგულების პროექტი დამატებით, ექვსი უძრავი ქონების შეძენასთან დაკავშირებით. აღნიშნული პროცესი გაგრძელდება მანამ, სანამ თითოეული ადამიანი არ იქნება ფართით დაკმაყოფილებული და აღნიშნული პრობლემა მოხსნილი. კიდევ ერთხელ შეგახსენებთ, რომ იმ მოქალაქეებმა, რომელთაც აღნიშნული პრობლემა აქვთ, პირველ ეტაპზე უსახლკაროს სტატუსი უნდა მიიღონ. შემდეგ მათ საქმეს თბილისის მერიის ჯანდაცვისა და სოციალური მომსახურების საქალაქო სამსახურში განიხილავენ და შესაბამის გადაწყვეტილებას მიიღებენ“, – განაცხადა დედაქალაქის მერმა.