“მოლდოვის მიერ სანქციებთან შეერთება კიდევ ერთი მტრული ნაბიჯია” – მარია ზახაროვა

48
spot_img

რუსეთის საწინააღმდეგო სანქციებთან შეერთებისთვის რუსეთი მოლდოვას საპასუხო ზომების მიღებით დაემუქრა.

რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ განაცხადა, რომ მოსკოვი უპასუხოდ არ დატოვებს მოლდოვის ხელისუფლების გადაწყვეტილებას, შეუერთდეს ანტირუსულ სანქციებს, რომლებიც, მისივე განმარტებით, მიზნად ისახავს მოსკოვსა და კიშინეუს შორის ურთიერთობების განადგურებას.

„მიგვაჩნია, რომ ეს არის კიდევ ერთი მტრული ნაბიჯი, რომელიც მიზნად ისახავს რუსეთ-მოლდოვური ურთიერთობების განადგურებას. ეჭვგარეშეა, რომ ეს ჩვენი მხრიდან უპასუხოდ არ დარჩება“, – განაცხადა მარია ზახაროვამ.

მანამდე, მოლდოვის პარლამენტში მხარი დაუჭირეს რუსეთის წინააღმდეგ დაწესებულ ზომებთან მიერთებას.