„მოემზადეთ: 2024 წლის არჩევნები მთელ მსოფლიოს შეარყევს“ – რას წერს უცხოური პრესა

40
spot_img

ამერიკული სამაუწყებლო ტელეარხის „სი-ენ-ენ“-ის (CNN) ვებ-გვერდზე გამოქვეყნებულია სტატია სათაურით „მოემზადეთ: 2024 წლის არჩევნები მთელ მსოფლიოს შეარყევს“ (ავტორი – დევიდ ანდელმანი, ანალიტიკოსი).

გთავაზობთ პუბლიკაციის შინაარსს:

2024 წელს დაგეგმილი არჩევნები მსოფლიო სტაბილურობას შეარყევენ. ეს იქნება მართლაც შემობრუნებითი მომენტი, რადგან იმ ქვეყნებში, სადაც არჩევნები უნდა ჩატარდეს, დედამიწის მოსახლეობის უდიდესი ნაწილი – 4 მილიარდი ადამიანი ცხოვრობს. მათ სრულიად შეუძლიათ შეცვალონ მსოფლიოს სახე თავიანთი გადაწყვეტილებით.

უბრალოდ, წარმოიდგინეთ არჩევნების მასშტაბი: 2024 წელს, იანვრიდან დეკემბრამდე, არჩევნები გაიმართება აშშ-ში, რუსეთში, ევროკავშირში, სამხრეთ აფრიკის რესპუბლიკაში, ბანგლადეშში, პაკისტანში, ინდოეთში, ინდონეზიაში, მექსიკაში, ტაივანზე და ასე შემდეგ.

ექსპერტ-ანალიტიკოსთა მიერ ჩატარებული კვლევები მოწმობენ, რომ მსოფლიოში დემოკრატიით უკმაყოფილების ტენდენცია შეიმჩნევა, მატულობს უკიდურესად მემარჯვენე ხასიათის იდეების მატარებელი პარტიებისა და პოლიტიკოსების პოპულარობა.

ტაივანზე დაგეგმილ „საპრეზიდენტო“ არჩევნებს პეკინსა და ტაიბეის შორის არსებული დაძაბულობის გამწვავება შეუძლია და როგორც შედეგი, პაკინსა და ვაშინგტონის ურთიერთობებისთვის „ცეცხლზე ნავთის დასხმის“ როლს შესრულებს. დღეს ტაივანზე, რომელსაც კომუნისტური ჩინეთი თავის განუყოფელ ნაწილად თვლის, ხოლო თვითონ კუნძულს საკუთარი თავი დამოუკიდებელ სახელმწიფოდ მიაჩნია, წინასაარჩევნო კამპანიაში მცირე უპირატესობით ლიდერობს ლი ჩინთე, რომელიც პროამერიკელია, სხვა კანდიდატები კი პირიქით, ან პეკინთან მოლაპარაკების მომხრენი არიან , ან „ოქროს შუალედის“ ძიებით არიან დაკავებულები.

რუსეთში 2024 წლის მარტის საპრეზიდენტო არცევნებში, დიდი ალბათობით , ვლადიმერ პუტინი გაიმარჯვებს. მის სავარაუდო კონკურენტად შეიძლება ალექსი ნეჩაევი იყოს, პარტია „ახალი ადამიანების“ ლიდერი და სახელმწიფო სათათბიროს წევრი, მაგრამ იგი წარმატებას ვერ მიაღწევს. ვლადიმერ პუტინის ხელახლა არჩევა რუსეთის პრეზიდენტად მსოფლიოში ძალთა განლაგების მხრივ, უახლოეს პერსპექტივაში დიდ მნიშვნელობას იძენს.

ინდოეთში არ არის გამორიცხული, რომ საპარლამენტო არცევნების შემდეგ ქვეყნის პრემიერად ისევ ნარენდრა მოდი დარჩეს, რაც იმას ნიშნავს, რომ მსოფლიოს ყველაზე მჭიდროდ დასახლებული ქვეყანა, სადაც დღეს დემოკრატია დინამიურად ვითარდება, ინდუისტურ ეროვნულ სახელმწიფოდ გადაიქცეს, თეოკრატიასთან მიახლოებული მართვის სისტემით. ეს ნიშნავს, რომ ინდოეთი და რუსეთი ერთმანეთს კიდევ უფრო დაუახლოვდებიან. ამჯამად ინდოეთი რუსეთისათვის ერთ-ერთ მნიშვნელოვან სავაჭრო პარტნიორს წარმოადგენს.

ევროკავშირს („ერთიან ევროპას“) სერიოზულად ემუქრება „მარჯვნივ გადახრა“ დღეს ევროპაში სწრაფად იკრებენ პოპულარობას მემარჯვენე შეხედულებები, ხოლო მემარჯვენეთა ბლოკი – პოლიტიკურ გავლენასა და ძალას. მემარჯვენე ევროპელი კონსერვატორები და რეფორმისტები ევროპარლამენტში შეიძლება მესამე გავლენიან ძალად ჩამოყალიბდნენ. რასაკვირველია, ისინი წამოაყენებენ საკითხს უკრაინისადმი დახმარების შეწყვეტის, რუსეთისადმი სანქციების შესუსტებისა და იმიგრაციის შემცირების თაობაზე (ამ დროს უნგრეთი და სლოვაკეთი ტანდემში იქნებიან). ასევე შესუსტდება კლიმატისადმი კონტროლი და კანონის უზენაესობის პრინციპის დაცვა ევროკავშირის მასშტაბით. განხორციელდება ჩინეთისადმი მიდგომის ცვლილებაც.

აშშ-ში დონალდ ტრამპის გამარჯვებას 2024 წლის საპრეზიდენტო არჩევნებში შუუზლია ძირი გამოუთხაროს დემოკრატიის საფუძველებს როგორც თვითონ ამერიკაში, ასევე მტელ მსოფლიოში. დონალდ ტრამპის გამარჯვება ძლიერ გავლენას მოახდენს ნატოზე და აშშ-ის ზოგად რიტორიკაზე – გავიხსენოთ, რომ ექს-პრეზიდენტი სიმპათიურად არის განწყობილი ვლადიმერ პუტინისა და ვიქტორ ორბანის მიმართ.

ასე რომ, 2024 წელს ამომრჩევლები მსოფლიოს ისეთ სახეს განსაზღვრავენ, რომელშიც ცხოვრება მოგვიხდება. უნდა მოვემზადოთ.

წყარო