ნინო ჯანგირაშვილმა თემა შემოაგდო, აქაოდა ირაკლი კობახიძე სტატუსის შემთხვევაში ბარიერის დაწევის პირობას დებსო, მაგრამ ერთი „უმცირესი“ დეტალი დაუმალა საზოგადოებას – ამ პირობის თარიღი, – ასე ეხმაურება სოციალურ ქსელში ექსპერტი ლევან ნიკოლეიშვილი, ტელეკომპანია „კავკასიის“ გენერალური დირექტორის, ნინო ჯანგირაშვილის განცხადებას, სადაც ირაკლი კობახიძის მიერ გაჟღერებულ არჩევნების სრულად პროპორციული სისტემით და 2%-იანი ბარიერით ჩატარების გადაწყვეტილებას იხსენებს.
ნიკოლეიშვილი აღნიშნავს, რომ მმართველი პარტიის თავმჯდომარემ რეალურად ეს პირობა 2022 წელს დადო, მაგრამ მაშინ, სამწუხაროდ, საქართველო უსამართლოდ დაიჩაგრა და სტატუსის გარეშე დატოვეს.
„თემა შემოაგდო, აქაოდა ირაკლი კობახიძე სტატუსის შემთხვევაში ბარიერის დაწევის პირობას დებსო, მაგრამ ერთი „უმცირესი“ დეტალი დაუმალა საზოგადოებას – ამ პირობის თარიღი ახალ ამბად უნდა რომ გაასაღოს. რეალურად ეს პირობა მმართველი პარტიის თავმჯდომარემ 2022 წელს დადო, მაგრამ მაშინ, სამწუხაროდ, საქართველო უსამართლოდ დაიჩაგრა და სტატუსის გარეშე დაგვტოვეს “, – წერს ლევან ნიკოლეიშვილი Facebook-ზე.
