მჯერა, ერთ დღეს უკრაინა გახდება ევროკავშირისა და ნატო-ს წევრი, – ამის შესახებ ლიეტუვის პრეზიდენტმა, გიტანას ნაუსედამ კიევში, უკრაინის დამოუკიდებლობის დღისადმი მიძღვნილ ღონისძიებაზე განაცხადა.
გიტანას ნაუსედას თქმით, აგრესორი არ განსაზღვრავს უკრაინის ბედს.
„ჩვენ ერთად აღვადგენთ უკრაინას. გვსურს, უკრაინა გახდეს ნატო-ს ალიანსის ნაწილი. ჩვენი ხედვა დღეს არის ძლიერი უკრაინა ძლიერ ევროპაში. მჯერა, ერთ დღეს უკრაინა გახდება ევროკავშირისა და ნატო-ს წევრი. აგრესორი არ განსაზღვრავს უკრაინის ბედს“, – განაცხადა გიტანას ნაუსედამ.
კიევში უკრაინის დამოუკიდებლობის დღისადმი მიძღვნილ ღონისძიებას, ლიეტუვის ლიდერთან ერთად, პორტუგალიის, ნორვეგიისა და ბოსნია-ჰერცეგოვინის ლიდერები ესწრებოდნენ.
