ვივა მედთან გამართულ აქციაზე მიხეილ სააკაშვილის ძმა სალომე ზურაბიშვილის განცხადებას გამოეხმაურა და განაცხადა, რომ სამაჯური ფაქტობრივად იმ დანაშაულის აღიარებას ნიშნავს, რაც მესამე პრეზიდენტს არ ჩაუდენია: ”ყველა უკვე ვთანხმდებით, რომ მიშა სააკაშვილი არის პუტინის პირადი ტყვე და არ შემიძლია, რომ არ შევეხო სალომე ზურაბიშვილის გაკეთებულ განცხადებას სამაჯურთან დაკავშირებით. სამაჯურზე, როცა ხდება გამახვილება, ახლა მე იურისტი არ ვარ, მაგრამ მაგით ფაქტობრივად აღიარებაა, რომ მიშას დანაშაულები მიუძღვის ქვეყნის წინაშე, და მე კიდევ ერთხელ ვიტყვი, რომ მიშას ქვეყნის აღმშენებლობის გარდა ჩემი ღრმა რწმენით არაფერი გაუკეთებია.” -აცხადებს გიორგი სააკაშვილი
მას უნდა მოექცნენ ისე, როგორც ბევრ პრეზიდენტს ექცევიან სხვა ქვეყნებში. არსებობს ელექტრონული სამაჯურები და სხვა ფორმები – განაცხადა სალომე ზურაბიშვილმა France 24-თან ინტერვიუში.
