“მინდა, რომ ლაზარე გირაოთი მაინც გაათავისუფლონ” – ლაზარე გრიგორიადისის ბაბუა

115
spot_img

მარტის აქციებზე დაკავებული ლაზარე გრიგორიადისის ბაბუა აცხადებს, რომ სასამართლოს ობიექტურობის მოლოდინი არ აქვს.

როგორც სხდომის დაწყებამდე გია კალანდაძემ აღნიშნა, დღეს მისი ბრალდებული შვილის შვილი სასამართლო სხდომაზე სიტყვით ისარგებლებს.

“მოლოდინის მხრივ შემიძლია გითხრათ, გულში მინდა, რომ ლაზარე დღეს გირაოთი მაინც გაათავისუფლონ, მაგრამ თვითონ სასამართლო, რას იტყვის, ამაზე ვერაფერს გეტყვით, იმიტომ, რომ არ ვიცი, როგორ აქვთ ზემოდან დავალება მიღებული. არ მაქვს ობიექტურობის იმედი”, – განაცხადა გია კალანდაძემ.

რაც შეეხება კადრებს, რომლის საფუძველზეც ლაზარე გრიგორიადისს დანაშაულის ჩადენას ედავებიან, როგორც ბრალდებულის ბაბუა ამბობს, გარკვეული კადრები ნანახი აქვს.

ასევე, მისი განმარტებით, იზიარებს ადვოკატის მოსაზრებას, რომ პირ, ვინც ვიდეო კადრებში ჩანს, შესაძლოა, არ იყოს ლაზარე გრიგორიადისი.

“არ გამოვრიცხავ, რომ ასე იყოს. დარწმუნებული ვარ, რომ ასე იქნება”, – განაცხადა გია კალანდაძემ.

თბილისის საქალაქო სასამართლოში ლაზარე გრიგორიდისის საქმეზე პროცესი გაიმართება. სხდომის პარალელურად დაგეგმილია ბრალდებულის მხარდასაჭერი აქცია. ამ წუთებში ბრალდებულის მხარდამჭერები სასამართლოს ეზოში იკრიბებიან.