პარლამენტის გარემოს დაცვისა და ბუნებრივი რესურსების კომიტეტის წევრის, ფრაქცია „ქართული ოცნების“ თავმჯდომარის მოადგილის, გია ცაგარეიშვილის განცხადებით, შოვში მომხდარ სტიქიასთან დაკავშირებით მიმდინარეობს გამოძიება და აქედან გამომდინარე არ თვლიან მიზანშეწონილად, რომ პარალელურად რაღაც სტრუქტურები შეიქმნას საქართველოს პარლამენტში.
მისი თქმით, მათ ოპონენტებს არ აინტერესებთ პრობლემის არსი, მთავარია საპარლამენტო ტრიბუნის გამოყენება.
„მიმდინარეობს გამოძიება, მასალების მოკვლევა და აქედან გამომდინარე ჩვენ არ ვთვლით მიზანშეწონილად, ამ უბედურებასთან დაკავშირებით პარალელურად რაღაც სტრუქტურები შეიქმნას საქართველოს პარლამენტში და სრულად იყოს ეს თემა პოლიტიზებული. ეს უნდათ ჩვენ ოპონენტებს. არც აინტერესებთ პრობლემის არსი, მთავარია საპარლამენტო ტრიბუნის გამოყენება იმისთვის, რომ საშემოდგომო სესიაზე უსაქმურობისგან არ გაილიოს მათი დღეები“, – განაცხადა გია ცაგარეიშვილმა.
ფრაქცია „ნაციონალური მოძრაობა“ რაჭის სტიქიასთან და მის შედეგებთან დაკავშირებით პარლამენტის დროებითი საგამოძიებო კომისიის შექმნას ითხოვს.
