მას შემდეგ, რაც საქართველოს პრეზიდენტს კონსტიტუციის დარღვევა დაუდგინდა, არაადეკვატური გახდა – ისე დაგვემუქრა, არ ვიცი, პარლამენტში დღეს რომელი მხრიდან შემოვა. შეიძლება, პირდაპირ ტრიბუნასთან ჩამოფრინდეს და გვითხრას, ეს სალომე ზურაბიშვილი სჯობდაო, – ამის შესახე მოძრაობა „ხალხის ძალის“ წევრმა, გურამ მაჭარაშვილმა განაცხადა.
რაც შეეხება პრეზიდენტის ადმინისტრაციის დღევანდელ განცხადებას, რომლის მიხედვითაც, პრეზიდენტის მოთხოვნის მიუხედავად, პარლამენტმა უარი განაცხადა, იმპიჩმენტის საკითხის განხილვისას სხდომაზე მოეწვია დიპლომატიური კორპუსისა და სასამართლოში პრეზიდენტის წარმომადგენლები, მაჭარაშვილმა აღნიშნა, რომ „პრეზიდენტს სხდომათა დარბაზი საკლასო ოთახი ჰგონია“.
„საკონსტიტუციო სასამართლომ დაადგინა, რომ მან კონსტიტუცია დაარღვია. ეს კონსტიტუცია ბევრ პრეზიდენტს მოინელებს. ვინც ჭკუას იხმარს და დაიცავს, პოსტიდან ღირსეუად წავა, ვინც არა და კონსტიტუცია შესაბამისს პასუხს გასცემს. რაც შეეხება პრეზიდენტის განცხადებას, რა შუაშია დიპლომატების მოწვევა? მგონი, სხდომათა დარბაზი საკლასო ოთახი და თავისი თავი დამრიგებელი ჰგონია. ოპოზიციას ეუბნება, მანდ არ დაგინახოთ, ბავშვებოო, შევალ და კლასის გარეთ დამელოდეთო“, – განაცხადა გურამ მაჭარაშვილმა.
