წაქცეულები არიან და ახლა წაქცეულს კიდე ფეხი მიაყოლო, ცოტა უხერხულია ჩვენის მხრიდან. რაც უნდათ, ის ქნან, – ასე გამოეხმაურა პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველი მოადგილე ირაკლი ზარქუა „ნაციონალურ მოძრაობაში“ მიმდინარე პროცესებს.
„წაქცეულები არიან და ახლა წაქცეულს კიდევ ფეხი მიაყოლო, ცოტა უხერხულია ჩვენი მხრიდან. რაც უნდათ, ის ქნან. ხაბეიშვილი რომ გახდება მთავარი ოპოზიციური პარტიის თავმჯდომარედ, ახლა იქ რა უნდა ილაპარაკო?! ან მელიას რა აქვს სალაპარაკო?! ხაბეიშვილი რომ ჩამოგაგდებს, წადი, დაიმალე რა. არჩევნებზე დარეგისტრირდება თუ მოაგროვა ის ხმები, რაც უნდა პარტიის რეგისტრაციას, წააგებს და მერე იტყვის გამიყალბესო. საკუთარ პარტიაში ჩამოგაგდეს, ბიჭო რა დროს ჯერ შენი პოლიტიკაა. ხელმოცარულების პარტიაა. ლუზერების პლატფორმა. ამიტომ გადმოიყვანეს დიდი მებრძოლი, ცრუ პატრიოტი ვაშაძე. პოპულისტი, საკუთარი მეზობლები არ აძლევენ ხმას. ხომ ხედავთ, აქ ხელმოცარულები ხართ რევოლუციურ დაფინანსებებში. ერთმანეთს მოუწყვეთ მერე პარტიაში რევოლუცია“, – აღნიშნა ზარქუამ.
შიდა პარტიული დაპირისპირების შემდეგ დარჩება თუ არა ნიკა მელია „ნაციონალურ მოძრაობაში“, სავარაუდოდ, 7 ოქტომბერს გაირკვევა. ამ დღეს ყოფილი თავმჯდომარე თანამოაზრეებს შეხვდება, სადაც განხილვის ერთ-ერთი მთავარი თემა მისი და თანაგუნდელების მომავალი პოლიტიკური საქმიანობა იქნება. არ არის გამორიცხული ნიკა მელიამ „ნაცმოძრაობის“ დატოვების გადაწყვეტილებაც მიიღოს.
