მეკობრეების ტყვეობიდან გათავისუფლებული ქართველი მეზღვაურები სამშობლოში დაბრუნდნენ

65
spot_img

მეკობრეების ერთთვიანი ტყვეობიდან გამოხსნილი ქართველი მეზღვაურები სამშობლოში დაბრუნდნენ. ორი ქართველი მეზღვაური მეკობრეებმა 2 მაისს, ცენტრალურ აფრიკაში, გაბონის ტერიტორიულ წყლებში ღუზაზე მდგომი გემიდან გაიტაცეს.

მეზღვაურების უსაფრთხოდ გამოხსნაში აქტიურად იყვნენ ჩართულები გემთმფლობელი კომპანია, საზღვაო ტრანსპორტის სააგენტო, საქართველოს საგარეო საქმეთა სამინისტრო და სამხრეთ აფრიკაში, ეთიოპიაში, ნიუ-იორკის შტატში და სინგაპურში საქართველოს გენერალური საკონსულოები. ნუკრი ბერიძეს და გენადი ჩიტაძეს აჭარის მთავრობის თავმჯდომარე და ეკონომიკის სამინისტროს საზღვაო ტრანსპორტის სააგენტოს ხელმძღვანელი შეხვდნენ და გათავისუფლება მიულოცეს.