„მე არ ვიზიარებ მოსაზრებას, რომ ეს ხანგრძლივი ომი იქნება“ – კირილ ბუდანოვი

80
spot_img

უკრაინის თავდაცვის სამინისტროს მთავარი სადაზვერვო სამსახურის ხელმძღვანელის კირილ ბუდანოვის თქმით, საბრძოლო მოქმედებები დიდხანს ვერ გაგრძელდება, რადგან რუსეთს ფიზიკურად არ ეყოფა ძალები ხანგრძლივ დროზე გათვლილი საბრძოლო მოქმედებებისთვის.

„მე არ ვიზიარებ მოსაზრებას, რომ ეს ხანგრძლივი ომი იქნება. ეს ჩემი პირადი მოსაზრებაა, რომელიც ეფუძნება იმ მონაცემების ანალიზს, რაც ჩვენ, პირველ რიგში, მტრის შესახებ გვაქვს.

ყველას საკუთარი აზრი აქვს იმის „ხანგრძლივ ვადებზე“. თუ ნახევარ წელზე, შვიდ თვეზე თუ ერთ წელზე საუბრობთ და ფიქრობთ, რომ ამას ჰქვია ხანგრძლივი დრო, მაშინ, რა თქმა უნდა, მართალი იქნებით“, – განაცხადა ბუდანოვმა იალტის ევროპული სტრატეგიის (YES) ფარგლებში.