ისრაელის წინააღმდეგ ოპერაცია 100%-ით პალესტინელების მიერ იყო დაგეგმილი და განხორციელებული. არ შევუწუხებივართ იმ ფაქტს, რომ „ჰამასმა“ თავდასხმის გეგმის შესახებ არ შეგვატყობინა, – ამის შესახებ რადიკალური შიიტური დაჯგუფება „ჰეზბოლას“ ლიდერმა, ჰასან ნასრალამ განაცხადა.
„7 ოქტომბრის ოპერაცია 100%-ით პალესტინელების მიერ იყო დაგეგმილი და განხორციელებული. ამ ოპერაციის წარმატება სრულმა საიდუმლოებამ უზრუნველყო. არ შევუწუხებივართ იმ ფაქტს, რომ „ჰამასმა“ თავდასხმის გეგმის შესახებ არ შეგვატყობინა. „ჰამასის“ ოპერაციით ისრაელთან ბრძოლაში ახალი ისტორიული ეტაპი დაიწყო. 7 ოქტომბრის ოპერაცია სწორი, გონივრული და გაბედული იყო. ახლა ისრაელის მხრიდან უდიდესი შეცდომაა ის, რომ ის ისახავს მიზნებს, რომელთა მიღწევაც არ შეუძლია. ღაზაში მყოფი მძევლების დაბრუნება ისრაელს მხოლოდ მოლაპარაკებების გზით შეუძლია. ის, რაც ახლა ღაზაში ხდება, აჩვენებს ისრაელის უგუნურებას და უძლურებას, იმიტომ რომ ისინი ბავშვებსა და ქალებს ხოცავენ. მთელი თვის განმავლობაში მათ ვერცერთ სამხედრო წარმატებას ვერ მიაღწიეს“, – აღნიშნა „ჰეზბოლას“ ლიდერმა.
