“მათ „დასახვრეტ სიებში” ისედაც შეტანილები ვართ” – დავით ქართველიშვილი გიორგი ვაშაძის განცხადებაზე

43
spot_img

ნაც-ყასბებისა და ჯალათების ბინძური ბაგეებიდან ჩვენი პირებიდან ენის ამოჭრის მუქარას რომ ვისმენ, ამ პოლიტიკური სასაკლაოს მესვეურების მხრიდან რატომღაც საერთოდ აღარაფერი მიკვირს. მათ „დასახვრეტ სიებში” ისედაც შეტანილები ვართ, უბრალოდ, როგორც ჩანს – ჩვენი ნაწილ-ნაწილ დანაწევრება მათ სხვა, „ფროიდისეულ” სიამოვნებას ანიჭებს, – ასე ეხმაურება სოციალურ ქსელში „ხალხის ძალის” წევრი დავით ქართველიშვილი,„სტრატეგია აღმაშენებლის” თავმჯდომარის, გიორგი ვაშაძის განცხადებას, სადაც ამბობს, რომ ენა უნდა ამოაჭრა „ქართული ოცნების“ ლიდერებს.

ქართველიშვილი ციხის დოკუმენტურ მასალებს იხსენებს და ამას ნაცების „პოლიტიკურ პათოლოგიურ ანატომიას” უწოდებს.

„პოლიტიკური ტრანსპლანტოლოგია. ამ “საინტერესო” დარგში თამამი ექსპერიმენტები ყველას გვახსოვს. ნეო-ალქიმიკოსების დონეზე ჩატარებული ცდებიც. ყველაფერი ეს და უფრო მეტიც ახასიათებდა და ახასიათებს ქართველ ლიბერალ-ფაშისტებს – ნაცებს. როდესაც ქალაქში დადიოდა ხმები, რომ ნაცების ერთ-ერთ სარფიან ბიზნესად – ადამიანური ორგანოებით ვაჭრობა იყო, პირადად მე არა მჯეროდა, რადგანაც სხეულების ქირურგიული კვეთის დროს ხელში „სანთელი არ მეკავა”. ამიტომაც ამ თემას არასდროს ვეხებოდი. სამაგიეროდ კარგად მახსოვს დღევანდელი „ნაც-ყასაბის”, დუმბაძის მანიაკური დანაპირები – კიდურების ამპუტაციის თაობაზე. მართალია – ეს მის დღევანდელ თანაპარტიელებს ეხებოდა, მაგრამ რა მნიშვნელობაა. ფულისგან განსხვავებით – ყველა სისხლს ერთი და იგივე სუნი აქვს. შემდეგ გავეცანი დოკუმენტურ მასალებს, ციხის პროზექტურაში გარდაცვლილებზე „სკოჩით” დაბმული ცოცხალი პატიმრების წამებაზე – ასე გაიხსნა ჩემთვის ნაცების „პოლიტიკური პათოლოგიური ანატომიის” არსი. შემდეგ საკუთარი თვალით ვნახე უდანაშაულო მამაკაცების „გაქათმების” პროცესის ამსახველი ვიდეოკადრები, ალბათ ასევე, „პოლიტიკური მედიცინის” ფარგლებში ჩატარებული. ამიტომ, ნაც-ყასბებისა და ჯალათების ბინძური ბაგეებიდან ჩვენი პირებიდან ენის ამოჭრის მუქარას რომ ვისმენ, ამ პოლიტიკური სასაკლაოს მესვეურების მხრიდან რატომღაც საერთოდ აღარაფერი მიკვირს. მათ „დასახვრეტ სიებში” ისედაც შეტანილები ვართ, უბრალოდ, როგორც ჩანს – ჩვენი ნაწილ-ნაწილ დანაწევრება მათ სხვა, „ფროიდისეულ” სიამოვნებას ანიჭებს“, – წერს დავით ქართველიშვილი Facebook-ზე.