“მარცვლეულით დატვირთულ გემებს შავ ზღვასთან უსაფრთხო წვდომა უნდა ჰქონდეთ” – შარლ მიშელი

91
spot_img

ევროპული საბჭოს პრეზიდენტის, შარლ მიშელის განცხადებით, მარცვლეულით დატვირთულ გემებს უნდა ჰქონდეთ უსაფრთხო წვდომა შავ ზღვასთან.

როგორც მარლ მიშელმა ინდოეთში, „დიდი ოცეულის“ სამიტის დაწყებამდე განაცხადა, რუსეთმა უნდა შეაჩეროს უკრაინის შავი ზღვის პორტების ბლოკირება და დაბომბვა.

„მსოფლიოში 250 მილიონზე მეტი ადამიანი განიცდის სურსათის დეფიციტს. უკრაინაზე განზრახ თავდასხმით, კრემლი მათ იმ სურსათის გარეშე ტოვებს, რომელიც სასიცოცხლო სჭირდებათ. სკანდალურია, რომ რუსეთი შავი ზღვის მარცვლეულის ინიციატივის დატოვების შემდეგ ახდებს უკრაინული პორტების ბლოკირებას და ახორციელებს მათზე თავდასხმას. ეს უნდა შეჩერდეს. მარცვლეულით დატვირთულ გემებს უნდა ჰქონდეთ უსაფრთხო წვდომა შავ ზღვასთან“, – განაცხადა შარლ მიშელმა.

მისივე თქმით, ცინიკურია კრემლის შეთავაზება, რომ ღარიბ აფრიკულ ქვეყნებში უსასყიდლოდ გააგზავნის რუსულ მარცვლეულს. ევროპული საბჭოს პრეზიდენტის განცხადებით, ევროკავშირი გააგრძელებს უკრაინის დახმარებას სურსათის ალტერნატიული მარშრუტებით ექსპორტში.