![imedinews-8s-14](https://geotimes.ge/wp-content/uploads/2024/01/imedinews-8s-14.jpg)
მართლმადიდებლური ეკლესიის ერთიანად სტალინისტურად გამოცხადება არასწორია, – ასე გამოეხმაურა „სტრატეგია აღმაშენებლის“ წევრი პაატა მანჯგალაძე დავით ბერძენიშვილის განცხადებას, რომ „საქართველოს საპატრიარქო, პატრიარქის თამადობით სტალინისტებით არის გაძეძგილი“.
„კვირას უნდა დავდგეთ წირვა-ლოცვაზე და მივხვდებით, რომ რუსეთი და სტალინი არაფერ შუაში არ არის. შეიძლება სტალინისტებიც იყვნენ, არ გამოვრიცხავ, მაგრამ მთელ ეკლესიაზე ასე საუბარი არ შეიძლება“, – აცხადებს მანჯგალაძე.
„რესპუბლიკელების“ ერთ-ერთმა ლიდერმა, დავით ბერძენიშვილმა „ტვ პირველის“ ეთერში საპატრიარქო და თავად პატრიარქი სტალინისტებად მოიხსენია.