“მარიუპოლის აღდგენაში აქტიურად მონაწილეობს გერმანული კომპანია Knauf-ი და მისი მთავარი აქციონერი, რუსი ბიზნესმენი ბუდარინია, თუმცა არც ის და არც კომპანია არ დასანქცირებულა”

59
spot_img

„რუსული მარიუპოლის“ (უკრაინა) აღდგენაში აქტიურად მონაწილეობს, როგორც მინიმუმ, ორი გერმანული კომპანია: Knauf და WKB Systems – აღნიშნული კომპანიის მთავარი აქციონერი, რუსი ბიზნესმენი ვიქტორ ბუდარინია. დგინდება, რომ WKB Systems GmbH წლების განმავლობაში, ბეტონის ბლოკებს აწარმოებს და აწვდის მათ რუსეთის მიერ ოკუპირებულ უკრაინის ტერიტორიაზე. მიუხედავად ამისა, არც WKB Systems GmbH-ს და არც ბუდარინის მიმართ სანქციები არ იქნა გამოყენებული“, – ამის შესახებ პარტია „ხალხის ძალის“ წევრი, დავით ქართველიშვილი საკუთარ ფეისბუკზე წერს.

ქართველიშვილი აღნიშნავს, რომ გერმანული ტელეარხ ARD-ის ჟურნალისტური გამოძიებით ირკვევა, რომ რუსეთში მოქმედ გერმანულ კომპანია Knauf-ს, რუსეთის ბაზარზე მილიარდობით ბრუნვა გააჩნია.

მისი განმარტებით, გერმანიის ქრისტიან-დემოკრატიული კავშირის ექსპერტმა საერთაშორისო საკითხებში, როდერიჰ კიზევეტერმა ოკუპირებულ ტერიტორიებზე, გერმანული კომპანიის ბიზნესსაქმიანობა მკაცრად დაგმო და ამას საერთაშორისო სამართლის ნორმების უხეში დარღვევა უწოდა.

„რუსული კანონი” არა? – „რუსული მარიუპოლის” (უკრაინა) აღდგენაში აქტიურად მონაწილეობს, როგორც მინიმუმ, ორი გერმანული კომპანია: Knauf და WKB Systems – ამაზე იუწყება გერმანული ტელეარხ ARD-ს ჟურნალსუტური გამოძიება. 3 აპრილს, ამ საზოგადოებრივი მაუწყებლის ტელეგადაცემა Monitor-მა გამოააშკარავა ცემენტის წარმოების გერმანული ფირმა Knauf-ის სანქტ-პეტერბურგის ქარხნის პროდუქცია მარიუპოლის სამშენებლო ობიექტებზე. გადაცემა დეტალურად შეეხო რუსეთში დღემდე მოღვაწე გერმანულ კომპანია Knauf-ს, რომელშიც დასაქმებულია 4 ათასი თანამშრომელი და რუსეთის ბაზარზე მილიარდობით ბრუნვა გააჩნია. გერმანელი ჟურნალისტების შეკითხვას, კომპანიის მესვეურებმა უპასუხეს, რომ რუსეთის აგრესიას უკრაინის წინააღმდეგ გმობენ და ითვალისწინებენ რუსეთის წინააღმდეგ შემოღებულ ყველა სანქციას. მათი განმარტებით, Knauf-ის პროდუქცია განკუთვნილია მხოლოდ რუსეთის შიდა ბაზრისთვის. შეკითხვაზე: წარმოადგენს თუ არა მარიუპოლი რუსეთის ტერიტორიას, კომპანიის პრესსამსახურმა პასუხი ვერ გასცა.

გერმანიის ქრისტიან-დემოკრატიული კავშირის ექსპერტმა საერთაშორისო საკითხებში, როდერიჰ კიზევეტერმა (Roderich Kiesewetter) მკაცრად დაგმო გერმანული ბიზნესის საქმიანობა ოკუპირებულ ტერიტორიებზე, როგორც საერთაშორისო სამართლის ნორმების უხეში დარღვევა. გარდა ამისა, ARD-ს მიერ მოპოვებულ ფოტო და ვიდეომასალებში ჩანს გერმანული კომპანია WKB Systems-ის წარმოების ბეტონის ბლოკები მწვანე შეფუთვაში და შესაბამისი წარწერით: „ვესტფალია, ჩრდილოეთ რეინი, მიუნსტერლანდის რეგიონი.“ აღნიშნული კომპანიის მთავარი აქციონერი, რუსი ბიზნესმენი ვიქტორ ბუდარინია. ARD-ს ხელთ არსებული საბაჟო დოკუმენტაციით დგინდება, რომ WKB Systems GmbH წლების განმავლობაში, ბეტონის ბლოკებს აწარმოებს და მათ რუსეთის მიერ ოკუპირებულ უკრაინის ტერიტორიაზე აწვდის. მიუხედავად ამისა, არც WKB Systems GmbH-ს და არც ბუდარინის მიმართ სანქციები არ იქნა გამოყენებული“, – წერს დავით ქართველიშვილი.