საფრანგეთის პრეზიდენტის ემანუელ მაკრონის განცხადებით, ულტრამემარჯვენე პარტიის ლიდერი მარინ ლე პენი ოთხი წლის შემდეგ შესაძლოა, ქვეყნის ხელისუფლებაში მოვიდეს და პრეზიდენტი გახდეს, თუ ამჟამინდელი მთავრობა ვერ უპასუხებს გამოწვევებს და არსებულ რეალობას უარვყოფს. ამის შესახებ მაკრონმა გამოცემა Parisien-თან ინტერვიუში განაცხადა.
„მარინ ლე პენი მოვა ხელისუფლებაში, თუ არ გვეცოდინება როგორ ვუპასუხოთ გამოწვევებს, თუ დავუშვებთ ტყუილის ნორმალიზებასა და რეალობის უარყოფას ვაქცევთ ჩვევად. თუ ჩვენ ვიტყვთ, რომ პრობლემები არ არის, ვინ მოიგებს?“, – უპასუხა მაკრონმა შეკითხვას, წარმოუდგენია თუ არა, რომ ოთხი წლის შემდეგ ხელისუფლებაში მარინ ლე პენი მოვიდეს.
მაკრონის რეიტინგი საპენსიო რეფორმის შედეგად მკვეთრად დაეცა.
მან აღიარა „შეცდომები საზოგადოებასთან კომუნიკაციაში“ საპენსიო რეფორმის მიღებისას, რამაც ქვეყანაში მასობრივი პროტესტი გამოიწვია.
14 აპრილს ემანუელ მაკრონის რეფორმა, რომელიც საპენსიო ასაკის 62-დან 64 წლამდე გაზრდას ითვალისწინებს, საფრანგეთის საკონსტიტუციო საბჭომ კონსტიტუციასთან შესაბამისად ცნო. მაკრონმა მეორე დღეს ხელი მოაწერა კანონს.
საფრანგეთის პრეზიდენტმა, ემანუელ მაკრონმა ხელი მოაწერა საპენსიო კანონს, რომელიც საპენსიო ასაკის 62-დან 64 წლამდე გაზრდას ითვალისწინებს.
