„მან დღეს საბოლოოდ დაადასტურა ქვეყანაში არაფორმალური მმართველობა“ – სოფო ჯაფარიძე

27
spot_img

ქართველი ხალხი 2024 წელს აღარ აირჩევს რუსეთს, აღარ აირჩევს შიმშილს, სიღარიბეს, სიბნელეს, უმუშევრობას და აღარ აირჩევს ემიგრაციას“, – ასე ეხმაურება მიხეილ სააკაშვილის წარმომადგენელი სოფო ჯაფარიძე ბიძინა ივანიშვილის პოლიტიკაში დაბრუნებას.

„კიდევ ერთხელ მინდა ვთქვა ის, რაც აქამდე არაერთხელ მითქვამს და დღეს საბოლოოდ დადასტურდა, რომ დიახ, რუსი ოლიგარქი არასოდეს წასულა ქართული პოლიტიკიდან. მან დღეს საბოლოოდ დაადასტურა ქვეყანაში არაფორმალური მმართველობა და კიდევ ერთხელ დაადასტურა შიში იმისა, რომ მიხეილ სააკაშვილის და „ერთიანი ნაციონალური მოძრაობის“ ფართო ჩართულობით 2024 წელს ცვლილებები გარდაუვალია.

მე მინდა ვუთხრა მას – ქართველი ხალხი 2024 წელს აღარ აირჩევს რუსეთს, აღარ აირჩევს შიმშილს, სიღარიბეს, სიბნელეს, უმუშევრობას და აღარ აირჩევს ემიგრაციას“, – განაცხადა სოფო ჯაფარიძემ დღეს გამართულ ბრიფინგზე.