ლიეტუვა არის ძლიერ მოტივირებული, რომ საქართველოს მხარი დაუჭიროს პოლიტიკურად დეკემბრის ევროკავშირის საბჭოს სხდომაზე -ლიეტუვის პრეზიდენტი

694
spot_img

ჩვენ ყურადღებით ვაკვირდებით, თუ რა ხდება ქართულ საზოგადოებაში და მე ნამდვილად ოპტიმისტურად ვარ განწყობილი იმის გამო, რომ ვხედავ, ქართული საზოგადოება მტკიცედ უჭერს მხარს ევროკავშირთან მჭიდრო ინტეგრაციის იდეას, – ამის შესახებ ლიეტუვის პრეზიდენტმა, გიტანას ნაუსედამ განაცხადა.

ნაუსედას თქმით, ლიეტუვა არის ძლიერ მოტივირებული, რომ საქართველოს მხარი დაუჭიროს დეკემბრის ევროკავშირის საბჭოს სხდომაზე.

„ვფიქრობ, თქვენს პოლიტიკოსებს, ხელისუფლებას აქვთ ძლიერი მანდატი, რომ გააკეთონ ყველაფერი, რათა საქართველო ევროკავშირთან უფრო დააახლოონ. იმის გათვალისწინებით, რომ ევროკომისიის გადაწყვეტილება გვექნება ოქტომბერში, ჩემი ქვეყანა, ლიეტუვა არის ძლიერ მოტივირებული, რომ საქართველოს მხარი დაუჭიროს პოლიტიკურად დეკემბრის ევროკავშირის საბჭოს სხდომაზე. ვფიქრობ, ძალიან მნიშვნელოვანია, დავეხმაროთ ჩვენს მეგობრებს აღმოსავლეთ პარტნიორობის ქვეყნებიდან, რომ შეუერთდნენ კლუბს და რეგიონში შეიტანონ თამაშის დემოკრატიული წესები“, – განაცხადა ნაუსედამ ევროპული პოლიტიკური გაერთიანების სამიტის დაწყებამდე.