„ლელომ“ ბოიკოტი გამოუცხადა საპარლამენტო საქმიანობას, რაც კიდევ ერთხელ მეტყველებს, რომ ამ პოლიტიკურ ძალას არ გააჩნია აღქმა, რას ითხოვს პარტიებისგან პოლიტიკური ცხოვრება -ირაკლი ქადაგიშვილი

15
spot_img

გუშინდელი შეხვედრა წარიმართა საკმაოდ ნორმალურ ვითარებაში, ყველა მხარეს ჰქონდა საშუალება, წარმოედგინა თავისი მოსაზრება პროცესთან დაკავშირებითაც და მონახაზიც წარმოდგენილიყო, ვინ როგორ უყურებს, როგორ უნდა მოხდეს გარკვეული ცვლილებები, – ამის შესახებ „ქართული ოცნების“ წევრმა, ირაკლი ქადაგიშვილმა განაცხადა.

მისი თქმით, გუშინდელი შეხვედრა მეტ-ნაკლებად ნორმალური იყო.

„ლელომ“ ბოიკოტი გამოუცხადა ამ საპარლამენტო საქმიანობას, რაც კიდევ ერთხელ მეტყველებს იმაზე, რომ ამ პოლიტიკურ ძალას არ გააჩნია აღქმა, დღეს სად იმყოფება საქართველო, მისი პოლიტიკური ცხოვრება რას ითხოვს პოლიტიკური პარტიებისგან. აქედან გამომდინარე, რა თქმა უნდა, თავის თავს დააბრალონ მერე რა შედეგიც იქნება. ყოველ შემთხვევაში მე ვარ დარწმუნებული, რომ ის წილი გასაკეთებელი სამუშაოსი, რაც ცხრა რეკომენდაციის გზაზე პარლამენტის გასაკეთებელი იქნება, შესრულდება“, – განაცხადა ქადაგიშვილმა.

„ლელოს“ წარმომადგენლები გუშინ პარლამენტში გამართულ შეხვედრას, სადაც ევროკავშირის რეკომენდაციების შესრულებაზე მუშაობა დაიწყო, არ დაესწრნენ.