„ლელოს“თავიდანვე გაცხადებული აქვს, რომ მხარს დაუჭერს კომისიის შექმნას, რომელიც გამოიძიებს იმ ვითარებას, რა ვითარებაშიც იმყოფება პატიმრობაში მყოფი ყოფილი პრეზიდენტი, – ამის შესახებ „ლელოს“ წევრმა, დავით უსუფაშვილმა მიხეილ სააკაშვილთან დაკავშირებით დროებითი საგამოძიებო კომისიის შექმნის საკითხზე განაცხადა.
უსუფაშვილის თქმით, აღნიშნული კომისია არ არის სააკაშვილის უდანაშაულობის ან დამნაშავეობის დამდგენი კომისია.
„ეს კომისია თუ შეიქმნება, იქნება იმ პირობებისა და გარემოებების შემსწავლელი, რომელშიც აღმოჩნდა პრეზიდენტი მას შემდეგ, რაც ის პატიმრობაშია“, – განმარტა დავით უსუფაშვილმა.
