მესუთ იოზილი თურქეთის პარლამენტში იყრის კენჭს

60
spot_img

თურქული წარმოშობის გერმანელი ფეხბურთელი მესუთ იოზილი, რომელმაც 2014 წელს გერმანიის ნაკრებთან ერთად მსოფლიო ჩემპიონატი მოიგო, თურქეთის პარლამენტში იყრის კენჭს.

თურქული მედიის ცნობით, 34 წლის იოზილი, რომელმაც ფეხბურთელის კარიერა მიმდინარე წლის მარტში დაასრულა, გადაწყვიტა, რეჯეფ თაიფ ერდოღანის „სამართლიანობისა და განვითარების პარტიის“ სახელით იყაროს კენჭი.

იოზილსა და ერდოღანს ახლო მეგობრობა აკავშირებთ, 2019 წელს იოზილის ქორწილში ერდოღანი საპატიო სტუმრის სტატუსით იმყოფებოდა.

სხვადასხვა წელს იოზილი მადრიდის „რეალისა“ და ლონდონის „არსენალის“ ღირსებას იცავდა, კარიერის ბოლო წლები კი თურქეთში – „ფენერბახჩესა“ და „ისთანბულ ბაშაკშეჰირში“ გაატარა. გერმანიის ნაკრების მაისურით იოზილს 92 მატჩი აქვს ჩატარებული.