ლას-ვეგასში, სასამართლოს დარბაზში მსჯავრდადებული მოსამართლეს თავს დაესხა

209
spot_img

ლას-ვეგასის სასამართლოში განაჩენის გამოცხადების დროს ბრალდებული მოსამართლეს თავს დაესხა. კაცი მაგიდას გადაახტა და მოსამართლისკენ ხელებით გაიწია.

სასამართლო ჩანაწერების თანახმად, 30 წლის დეობრა რედენი სასამართლოს წინაშე წარდგა მას შემდეგ, რაც სხეულზე დაზიანებების მიყენების გამო ნოემბერში თავი დამნაშავედ ცნო.

ვიდეოჩანაწერებზე ჩანს, რომ მოსამართლე მერი კეი ჰოლთუსმა მოულოდნელად თვალები აწია, ამ დროს დარბაზში მყოფებმა ყვირილი დაიწყეს. შემდეგ კი რედენი მოსამართლისკენ გაიწია და დაახტა. კაცის შეკავებას ორი ადამიანი ცდილობდა. სასამართლოს წარმომადგენლის თქმით, თავდასხმის შედეგად მოსამართლე და სასამართლოს მანდატური დაშავდნენ.

Las Vegas Review-Journal წერს, რომ თავდასხმამდე რედენის ადვოკატმა პირობითი მსჯავრი ითხოვა. მოსამართლემ ადვოკატის შუამვლობა არ დააკმაყოფილა:

“მე ამას ვაფასებ, მაგრამ ვფიქრობ, დროა მან სხვა რამის გემო გაიგოს, რადგან ამ ისტორიით უბრალოდ არ შემიძლია”.

რედენი წარსულში უკვე იხდიდა სასჯელს ქურდობასა და ოჯახში ძალადობისთვის.