“კომიტეტებში მუშაობა ყველასთვის აუცილებელია, თუ გვინდა, რომ რეკომენდაციები შევასრულოთ” – ვოლსკი

24
spot_img

ამჟამად კონსულტაციები მიდის ევროსტრუქტურებთან, პროფილური კომიტეტები არსებობს და კომიტეტებში მუშაობა ყველასთვის აუცილებელია, თუ გვინდა, რომ რეკომენდაციები შევასრულოთ, – ამის შესახებ პარლამენტის პირველმა ვიცე-სპიკერმა გიორგი ვოლსკიმ განაცხადა.

„რაც მთავარია, ვაჩვენოთ კარგი გამოცდილება პარტიული, პოლიტიკური თანამშრომლობის. ცუდი გამოცდილება არსებობს ამ მხრივ, ეს ყველამ კარგად იცის და ვფიქრობ, კვლავ გაგრძელდება ეს გააფთრებული შეტევები იმისთვის, რომ როგორმე, იქნებ რაიმე საფთხე შეექმნას საქართველოს სვლას ევროინტეგრაციისკენ“, – აღნიშნა ვოლსკიმ.

საქართველო 15 დეკემბრის გადაწყვეტილების მოლოდინშია. რამდენიმე დღეში გახდება ცნობილი საბოლოო გადაწყვეტილება ევროკავშირის კანდიდატი ქვეყნის სტატუსის მონიჭებასთან დაკავშირებით. ხელისუფლებას მის მიერ გაწეული სამუშაოებისა და ევროკომისიის რეკომენდაციის შემდეგ პოზიტიური გადაწყვეტილების მოლოდინი აქვს. მმართველი გუნდის ოპონენტების ნაწილი, ჯერ კიდევ ფიქრობს, ჩაერთვება თუ არა რეკომენდაციების შესრულების პროცესში.