“კიევი არ მოითხოვდა, რომ დასავლეთ ევროპას რუსულ გაზზე უარი ეთქვა”- ანგელა მერკელი

78
spot_img

გერმანიის ყოფილი კანცლერის, ანგელა მერკელის განცხადებით, მისი მმართველობის დროს კიევი არ მოითხოვდა, რომ დასავლეთ ევროპას რუსულ გაზზე უარი ეთქვა, არამედ უკრაინის ტერიტორიის გავლით ტრანზიტის შენარჩუნების გამო იყო შეშფოთებული. ამის შესახებ მან გაზეთ Die Zeit-ის მთავარ რედაქტორთან ინტერვიუში ისაუბრა.

„მე სიამოვნებით განვახორციელებდი გაზის იმპორტს დიდი ბრიტანეთიდან, ნიდერლანდებიდან ან ნორვეგიიდან, როგორც ამას ადრე ვაკეთებდით, მაგრამ იქიდან უფრო მიუწვდომელი იყო. საკითხი ასე იდგა: მესამედით უფრო ძვირი ბუნებრივი აირი თუ უფრო იაფი რუსული გაზი?, – განაცხადა მერკელმა.

ექს-კანცლერის განმარტებით, არავის სურდა ინვესტიციების განხორციელება ბუნებრივ აირში ან მის მოწოდებაზე გრძელვადიანი კონტრაქტების გაფორმება, ეს ყველაფერი კი 2022 წლის 24 თებერვლის შემდეგ შეიცვალა.

საკუთარი მმართველობის დროს რუსეთიდან გაზის იმპორტის აკრძალვა, მერკელს „სწორ გადაწყვეტილებად არ მიაჩნდა“. „დღეს ყველაფერი სხვანაირადაა, თუმცა ახლა რა თქმა უნდა, ამისთვის ფასს ვიხდით“, – განაცხადა მერკელმა.