აშშ-ის შეიარაღებული ძალების ევროპის სარდლობის განცხადებით, ხმელთაშუა ზღვაში ამერიკული სამხედრო თვითმფრინავის ჩავარდნის შეგად ბორტზე მყოფიხუთი სამხედრო მოსამსახურე დაიღუპა.
განცხადების მიხედვით, ინციდენტი სამხედრო წვრთნის ფარგლებში, ჰაერში საწვავის შევსების რუტინული მისიის დროს მოხდა.
აშშ-ს თქმით, ავიაკატასტროფა “ცალსახად წვრთნასთან იყო დაკავშირებული და შემთხვევაში მტრული ქმედების კვალი არ შეინიშნებოდა”.
ინციდენტი 10 ნოემბერს, საღამოს მოხდა.
7 ოქტომბერს ისრაელზე „ჰამასის“ თავდასხმის შემდეგ, აშშ-მა ახლო აღმოსავლეთში ორი ავიამზიდი და დამატებით 2000 საზღვაო ქვეითი გაგზავნა, 5 ნოემბერს კი განაცხადა, რომ რეგიონში ბირთვულ წყალქვეშა ნავებს განათავსებს.
