“ხელმოცარულებმა აქცია დააანონსეს, მივმართავ ახალგაზრდებს, არ შეგაცდინონ” – ირაკლი ზარქუა

286
spot_img

ხელმოცარულებმა აქცია დააანონსეს, ამაში არ არის ტრაგედია. რამდენჯერაც უნდათ, შეიკრიბონ, მაგრამ ვინც კანონს დაარღვევს, ყველას ადეკვატურად გაეცემა პასუხი, – ამის შესახებ საპარლამენტო უმრავლესობის წევრმა, ირაკლი ზარქუამ ოპოზიციის მიერ დაანონსებულ აქციაზე საუბრისას განაცხადა.

ირაკლი ზარქუამ მოუწოდა ყველას, შეინარჩუნონ სიმშვიდე.

„შესაბამისი სტრუქტურები ფარცხალაძესთან დაკავშირებით მოკვლევას აწარმოებენ. დაველოდოთ დასკვნებს და ამის შემდეგ მოგვეცემა უფლება, შესაბამისი კომენტარი გავაკეთოთ. ეს ვუთხარით ოპოზიციას, მაგრამ ამ ხელმოცარულების ამოცანაა დაძაბულობის შექმნა. წარმოიდგინეთ, ადეიშვილისა და სააკაშვილის პარტიის წევრები მე მეძახიან რუსეთს. ვაშაძე თვითონ იყო იუსტიციის მინისტრის მოადგილე და ფარცხალაძე თანამდებობის პირი ჰყავდათ გვერდით. ხელმოცარულებმა აქცია დააანონსეს. შეიკრიბებიან, ამაში არ არის ტრაგედია. ჩვენ გვაქვს გამოხატვის თავისუფლება, რამდენჯერაც უნდათ, შეიკრიბონ, მაგრამ ვინც კანონს დაარღვევს, სახელმწიფოებრიობის წინააღმდეგ გაილაშქრებს, ყველას ადეკვატურად გაეცემა პასუხი. მივმართავ ახალგაზრდებს, შეცდომაში არ შეგიყვანონ. ჩვენ გვაქვს მაგალითი, „მოლოტოვის კოქტეილი“ ხელში დააჭერინეს, ასროლინეს და შემდეგ როგორ მიატოვეს ის ბიჭი, ახლა კაციშვილი არ დადის, არც გულშემატკივრობენ. ეს არის მათი ხელწერა და ამოცანა. მოვუწოდებთ ყველას, შეინარჩუნონ სიმშვიდე. ვაშაძეები, ლაკა, რომელიც რუსეთის ფედერალური ბიუჯეტიდან ფინანსდება, ატარებენ მიტინგს. ამაზე მეტი ამორალურობა რა გინდათ. ჩემი ხაბე იქ მსხვერპლია. ეს იყო მათი ამოცანა, რაშიც სუს-მა ამხილა“, – განაცხადა ირაკლი ზარქუამ.